రాజస్థాన్‌ ఎన్నికలకు బ్రేక్‌ వేసిన పెళ్లిళ్లు, పోలింగ్ తేదీని మార్చేసిన ఈసీ

Rajasthan Assembly Election: పెళ్లిళ్ల కారణంగా రాజస్థాన్ ఎన్నికల తేదీని మార్చుతూ ఈసీ కీలక ప్రకటన చేసింది.

పెళ్లిళ్ల కారణంగా రాజస్థాన్ ఎన్నికల తేదీని మార్చుతూ ఈసీ కీలక ప్రకటన చేసింది.

Rajasthan Assembly Election: 

నవంబర్ 25కి మార్పు 

ఇటీవలే తెలంగాణ సహా 5 రాష్ట్రాల ఎన్నికల తేదీల్ని ప్రకటించింది కేంద్ర ఎన్నికల సంఘం. ఛత్తీస్‌గఢ్ మినహా మిగిలిన తెలంగాణ, మధ్యప్రదేశ్, మిజోరం, రాజస్థాన్‌లో ఒకే విడతలో ఎన్నికలు నిర్వహించనున్నట్టు వెల్లడించింది. డిసెంబర్ 3న అన్ని రాష్ట్రాల ఎన్నికల ఫలితాలు విడుదల కానున్నాయి. మిగతా అన్ని చోట్లా ఎలాంటి మార్పులు లేకపోయినా..రాజస్థాన్ పోలింగ్ తేదీల్లో (Rajasthan Election Date Change) మాత్రం మార్పులు చేసింది ఈసీ.

ECI changes the date of Assembly poll in Rajasthan to 25th November from 23rd November; Counting of votes on 3rd December pic.twitter.com/lG1eYPJ4Hg

— ANI (@ANI) October 11, 2023

షెడ్యూల్ ప్రకారం నవంబర్ 23న ఎన్నికలు జరగాల్సి ఉంది. కానీ ఆ తేదీని నవంబర్ 25కి మార్చింది. అదే రోజున రాష్ట్రంలో చాలా పెళ్లిళ్లు,శుభకార్యాలూ ఉన్నాయట. వీటిని దృష్టిలో పెట్టుకుని తేదీలో మార్పు చేసింది. 

"నవంబర్ 23న రాష్ట్రంలో భారీ సంఖ్యలో శుభకార్యాలు, పెళ్లిళ్లు ఉన్నాయి. వీటి వల్ల ప్రజా రవాణాకు ఇబ్బందులు ఎదురయ్యే అవకాశముంది. అంతే కాదు. పోలింగ్ శాతం కూడా తక్కువయ్యే ప్రమాదముంది. అందుకే ఎన్నికల తేదీని నవంబర్ 25కి మార్చుతున్నాం"

- ఎన్నికల సంఘం 

The change in the date of the poll was made following representations from various political parties, social organisations and also issues raised in various media platforms considering large scale wedding/social engagement on that day which may cause inconvenience to large number…

— ANI (@ANI) October 11, 2023

రాజస్థాన్‌ ఎన్నికల్లో ఎవరి వైపు ఓటర్లు మొగ్గుతున్నారో చెప్పింది ABP CVoter Opinion Poll. ప్రస్తుతం కాంగ్రెస్‌ అధికారంలో ఉంది. అశోక్ గహ్లోట్‌ సీఎంగా కొనసాగుతున్నారు. ఈ సారి ఎన్నికల్లో బీజేపీకే ఎక్కువ సీట్లు వచ్చే అవకాశాలున్నాయని అంచనా వేసింది ఒపీనియన్ పోల్. కాంగ్రెస్‌కి 64 సీట్లు, బీజేపీకి 132 స్థానాలు దక్కుతాయని తెలిపింది. నాలుగు స్థానాల్లో ఇతరులు గెలిచే అవకాశముంది. మొత్తంగా చూస్తే..కాంగ్రెస్‌కి 59-69,బీజేపీకి 127-137 సీట్లు వస్తాయని వెల్లడించింది. ఇతరులు 2-6 స్థానాల్లో గెలిచే అవకాశాలున్నట్టు అంచనా వేసింది. రాష్ట్రంలో మొత్తం 200 నియోజకవర్గాలున్నాయి. ఇతరులు 2-6 స్థానాల్లో గెలిచే అవకాశాలున్నట్టు అంచనా వేసింది. ఓట్ల శాతం పరంగా చూస్తే...గత ఎన్నికల్లో కాంగ్రెస్‌కి 39.3% ఓట్లు వచ్చాయి. ఈ సారి 42% వరకూ పెరిగే అవకాశముంది. ఇక బీజేపీ విషయానికొస్తే..గత ఎన్నికల్లో 38.8% ఓట్లు దక్కించుకుంది. ఈ సారి ఏకంగా 46.7% మేర ఓట్లు సాధిస్తుందని అంచనా వేసింది ఏబీపీ సీ ఓటర్ ఒపీనియన్ పోల్. బీఎస్‌పీకి గత ఎన్నికల్లో 4% ఓట్లు రాగా..ఈసారి అది 1%కి పడిపోనుంది. ఇక ఇతరులకు ఈ సారి 10.3% మేర ఓట్లు దక్కే అవకాశాలున్నాయి.