కేరళలో ఘోర ప్రమాదం, రన్‌వేపై క్రాష్ అయిన నేవీ హెలికాప్టర్ - అధికారి మృతి
Navy helicopter crash: కొచ్చిలో రన్‌వే పై నేవీ హెలికాప్టర్ ప్రమాదానికి గురైన ఘటనలో ఓ వ్యక్తి మృతి చెందినట్టు తెలుస్తోంది.
Navy Helicopter Crash:
కేరళలోని కొచ్చిలో INS Garuda నేవల్ స్టేషన్‌ వద్ద చేతక్ హెలికాప్టర్ (Chetak Helicopter Crash) క్రాష్ అయింది. రన్‌వే పైనే క్రాష్ అయినట్టు సమాచారం. ట్రైనింగ్‌ ఇస్తుండగా ఈ ప్రమాదం జరిగింది. ఈ ప్రమాదంలో ఓ వ్యక్తి ప్రాణాలు కోల్పోయినట్టు విశ్వసనీయ వర్గాలు వెల్లడించాయి. దీనిపై ఇంకా నేవీ అధికారికంగా స్పందించలేదు. లిఫ్టాఫ్ అయిన వెంటనే ప్రమాదానికి గురైనట్టు ప్రాథమిక సమాచారం అందింది. Manorama News ప్రకారం..రన్‌వేపై ఉన్న నేవీ అధికారికి చాపర్‌ రోటార్ బ్లేడ్స్‌ బలంగా తగలడం వల్ల అక్కడికక్కడే ప్రాణాలు కోల్పోయాడు. ఈ ప్రమాదంలో పైలట్‌తో పాటు మరో వ్యక్తి తీవ్రంగా గాయపడినట్టు సమాచారం. నావల్ హెడ్‌క్వార్టర్స్‌లోని సంజీవని హాస్పిటల్‌కి తరలించి వీళ్లకు వైద్యం అందిస్తున్నారు. ట్రైనింగ్‌ జరుగుతుండగా మధ్యాహ్నం 2.30 నిముషాలకు ప్రమాదానికి గురైనట్టు తెలుస్తోంది. ఈ ఘటనపై విచారణ చేపట్టాలని అధికారులు ఆదేశించారు.
#UPDATE | A Chetak helicopter met with a ground accident today during maintenance taxi checks at INS Garuda, Kochi, resulting in the unfortunate loss of life of one ground crew. A Board of Inquiry has been ordered to investigate the cause of accident: Indian Navy
— ANI (@ANI) November 4, 2023
టాప్ హెడ్ లైన్స్
ట్రెండింగ్ వార్తలు
