Covid 19: కొవిడ్ నిబంధనలను ఎత్తేసిన కేంద్రం- కానీ ఆ రెండు మాత్రం పక్కా!

మార్చి 31 నుంచి కొవిడ్ నిబంధనలు ఎత్తివేస్తున్నట్లు కేంద్ర ప్రభుత్వం ప్రకటించింది. అయితే ఆ రెండు నిబంధనలు మాత్రం పాటించాలని తెలిపింది.

కొవిడ్ నిబంధనలను ఎత్తేసిన కేంద్రం- కానీ ఆ రెండు మాత్రం పక్కా!

దేశంలో కరోనా వ్యాప్తి తగ్గుతోన్న కారణంగా కేంద్రం కీలక నిర్ణయం తీసుకుంది. మార్చి 31 నుంచి కొవిడ్ నిబంధనలను పూర్తిగా ఎత్తివేయాలని నిర్ణయం తీసుకున్నట్లు కేంద్ర హోంశాఖ ప్రకటన జారీ చేసింది. అయితే మాస్క్, భౌతిక దూరం పాటించడం మాత్రం కొనసాగుతాయని తెలిపింది. ఈ మేరకు అన్ని రాష్ట్రాలు, కేంద్రపాలిత ప్రాంతాలకు కేంద్ర హోంశాఖ సమాచారమిచ్చింది.

COVID-19: Disaster Management Act provisions revoked after 2 yrs, wearing face masks to stay

Read @ANI Story | https://t.co/DtjGMt0eOT#COVID19 #DisasterManagementAct #facemasks pic.twitter.com/qb4r3YAnDM

— ANI Digital (@ani_digital) March 23, 2022

" కరోనా పరిస్థితుల్లో క్రమంగా మార్పు వస్తుండటంతో ప్రభుత్వం కీలక నిర్ణయం తీసుకుంది. వైరస్ వ్యాప్తిని కట్టడి చేసేందుకు విధించిన విపత్తు నిర్వహణ చట్టం కింద ఉన్న నిబంధనలను తొలిగిస్తున్నాం. వీటిని మరింతకాలం పొడిగించాల్సిన అవసరం లేదని భావిస్తున్నాం. మార్చి 31న ఈ ఆంక్షల గడువు ముగుస్తుంది.                              "

- అజయ్ భల్లా, కేంద్ర హోంశాఖ కార్యదర్శి

2 ఏళ్ల క్రితం

దేశంలో కొవిడ్ వ్యాప్తి నియంత్రణ కోసం విపత్తు నిర్వహణ చట్టం కింద ఈ నిబంధనలను 2020 మార్చి 24న ప్రభుత్వం అమలులోకి తెచ్చింది. ఆ తర్వాత కరోనా వ్యాప్తి, కేసుల సంఖ్య ఆధారంగా వీటిలో మార్పులు చేసింది. అయితే తాజాగా కరోనా వ్యాప్తి బాగా తగ్గిన కారణంగా వీటిని పూర్తిగా ఎత్తివేయాలని నిర్ణయించింది.

ఆ రెండు మాత్రం

కొవిడ్ నిబంధనలను పూర్తిగా ఎత్తిసినప్పటికీ ప్రజలంతా మాస్క్ ధరించాలని, భౌతిక దూరం పాటించాలని, వ్యక్తిగత శుభ్రతతో పాటు పరిసరాలను పరిశుభ్రంగా ఉంచుకోవాలని హోంశాఖ సూచించింది. ప్రజలంతా అప్రమత్తంగా ఉండాలని భల్లా కోరారు. ఒకవేళ కేసులు పెరిగితే స్థానిక ప్రభుత్వాలు.. తిరిగి నిబంధనలను విధించే అంశాన్ని పరిశీలించవచ్చని భల్లా తెలిపారు.

కేసుల సంఖ్య

దేశంలో రోజువారీ కొవిడ్​ కేసుల సంఖ్య స్వల్పంగా పెరిగింది. కొత్తగా 1,778 మందికి వైరస్​ సోకింది. మరో 62 మంది ప్రాణాలు కోల్పోయారు. 2,542 మంది వైరస్​ను జయించారు.