BSNL ధీపావళి ఆఫర్, ఒక రూపాయికే నెల రోజుల పాటు 4G సేవలు

BSNL Diwali offer: BSNL MD A. రాబర్ట్ రవి దీపావళి బొనాంజా ప్లాన్ ప్రకటించారు. 4G నెట్వర్క్ అనుభవాన్ని కొత్త కస్టమర్‌లకు అందించేందుకు ఈ ఆఫర్‌ ప్రకటించారు.

BSNL ధమాకా ఆఫర్ ప్రకటించింది. రూపాయికే నెల రోజులపాటు 4G సేవ అందిస్తోంది.

Source : File

BSNL Telecom 4G ఆఫర్:

దీపావళికి కొద్ది రోజుల ముందు, ప్రభుత్వ టెలికాం సంస్థ BSNL తన కొత్త కస్టమర్ల కోసం ప్రత్యేక ఆఫర్‌ను ప్రకటించింది. బుధవారం విడుదల చేసిన ప్రకటన ప్రకారం, కొత్త కస్టమర్‌లు కేవలం ₹1 చెల్లించి అక్టోబర్ 15 నుంచి నవంబర్ 15, 2025 వరకు ఒక నెల పాటు 4G సేవలను పొందవచ్చు.

దీపావళి ధమాకా ఆఫర్

ఈ ఆఫర్ దీపావళి సందర్భంగా కొత్త కస్టమర్‌లకు ఉచిత 4G మొబైల్ సేవలను అందించడానికి ఉద్దేశించిందని BSNL తెలిపింది. ఈ పథకం ఒక నెల పాటు ఎటువంటి అదనపు ఛార్జీలు లేకుండా చెల్లుబాటు అవుతుంది.

ఆఫర్ ప్రయోజనం

ఈ పథకం కింద కొత్త కస్టమర్‌లకు లభించేవి:

• అపరిమిత వాయిస్ కాల్‌లు
• రోజుకు 2GB హై-స్పీడ్ డేటా
• రోజుకు 100 SMS
• ఒక ఉచిత సిమ్ కార్డ్

BSNL ఛైర్మన్, మేనేజింగ్ డైరెక్టర్ A.రాబర్ట్ J. రవి మాట్లాడుతూ, “దీపావళి బోనాంజా ప్లాన్ కస్టమర్‌లకు మా స్వదేశీంగా అభివృద్ధి చేసిన 4G నెట్‌వర్క్ సేవల అనుభవాన్ని అందిస్తుంది. సేవా నాణ్యత, కవరేజ్ కారణంగా ఉచిత కాలపరిమితి తర్వాత కూడా కస్టమర్‌లు మాతోనే ఉంటారని మేము నమ్ముతున్నాము.”

గత ఆగస్టులో కూడా కంపెనీ ఇలాంటి ఆఫర్‌ను అందించింది, దీనికి కస్టమర్‌ల నుంచి మంచి మద్దతు లభించింది. ఆ సమయంలో 1.38 లక్షలకుపైగా కొత్త కస్టమర్‌లు BSNLతో చేరారు.