International Flights Resume: ఆరోజు నుంచి అంతర్జాతీయ విమాన సేవలు పునఃప్రారంభం

డిసెంబర్ 15 నుంచి అంతర్జాతీయ విమాన సేవలను పునఃప్రారంభిస్తున్నట్లు కేంద్రం స్పష్టం చేసింది.

డిసెంబర్​ 15 నుంచి పూర్తి స్థాయిలో అంతర్జాతీయ విమాన సర్వీసులను పునరుద్ధరిస్తామని కేంద్రం ప్రకటించింది. ఈ మేరకు పౌర విమానయాన శాఖ ప్రకటన జారీ చేసింది.

అంతర్జాతీయ విమాన సర్వీసులను ప్రారంభించే విషయంపై కేంద్ర హోంశాఖ, విదేశాంగ శాఖ, ఆరోగ్య, కుటుంబ సంక్షేమ మంత్రిత్వశాఖతో సంప్రదింపులు జరిపాం. అంతర్జాతీయ విమాన సేవలను డిసెంబర్ 2021, 15 నుంచి తిరిగి ప్రారంభించాలని నిర్ణయించాం.                       -    పౌర విమానయాన శాఖ

ఆ దేశాలు మినహా..

నిషేధించిన 14 దేశాలకు మినహా మిగతా దేశాలకు యథాతథంగా విమాన సేవలు కొనసాగుతాయని పౌర విమానయాన శాఖ స్పష్టం చేసింది. ఇప్పటికే ఆ దేశాలతో ఎయిర్ బబుల్ ఒప్పందం ప్రకారం విమానాలు నడుస్తున్నట్లు తెలిపింది.

కరోనా కారణంగా..

కరోనా కారణంగా అంతర్జాతీయ ప్యాసింజర్ విమాన సర్వీసులు గతేడాది మార్చిలో రద్దయ్యాయి. విదేశీ ప్రయాణాలను పునఃప్రారంభించే లక్ష్యంతో కేంద్రం సుమారు 28 దేశాలతో ఎయిర్ బబుల్ ఒప్పందం చేసుకుంది. కొన్ని నిబంధనలు పాటించి ఇరుదేశాల విమానయాన సంస్థలు సర్వీసులను నడపాల్సి ఉంటుంది. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి