Gujarat Road Accident: గుజరాత్‌లో ఘోర రోడ్డు ప్రమాదం, బస్‌ కార్ ఢీ 9 మంది మృతి - నిద్ర మత్తే కారణమా?

Gujarat Road Accident: గుజరాత్‌లో జరిగిన ఘోర రోడ్డు ప్రమాదంలో 9 మంది మృతి చెందారు.

గుజరాత్‌లో జరిగిన ఘోర రోడ్డు ప్రమాదంలో 9 మంది మృతి చెందారు. (Image Credits: ANI)

Gujarat Road Accident:

నవశ్రీ ప్రాంతంలో ప్రమాదం..

గుజరాత్‌లో ఘోర రోడ్డు ప్రమాదం జరిగింది. నేషనల్ హైవే 48పై నవశ్రీ ప్రాంతంలో ఓ బస్సు, కారు ఢీకొట్టాయి. ఈ ప్రమాదంలో అక్కడికక్కడే 9 మంది మృతి చెందారు. 28 మంది తీవ్రంగా గాయపడ్డారు. సమాచారం అందుకున్న వెంటనే రెస్క్యూ టీం ఘటనా స్థలానికి చేరుకుంది. గాయపడ్డ వారిని హుటాహుటిన ఆసుపత్రికి తరలించింది. నవశ్రీలోని ఓ ప్రైవేట్ ఆసుపత్రికి 11 మందిని తరలించినట్టు పోలీసులు వెల్లడించారు. మిగతా 17 మందిని వల్సద్‌లోని హాస్పిటల్‌కు తరలించి చికిత్స అందిస్తున్నారు. ప్రాణాపాయ స్థితిలో ఉన్న ఓ వ్యక్తిని సూరత్ సివిల్ ఆసుపత్రికి తరలించారు. ఈ ప్రమాదం తరవాత బస్ డ్రైవర్‌కు హార్ట్ అటాక్ వచ్చిందని, ప్రస్తుతం చికిత్స అందిస్తున్నామని పోలీసులు తెలిపారు. బస్‌లోని ప్రయాణికులంతా అహ్మదాబాద్‌లో ఓ వేడుకలకు హాజరైన తరవాత వల్సాద్‌కు తిరిగి వస్తున్నారు. రేష్మ గ్రామం వద్ద ఓ కార్‌ని ఢీకొట్టింది. ఈ ప్రమాదం కారణంగా చాలా సేపు రోడ్డుపై ఎక్కడికక్కడే వాహనాలు నిలిచిపోయాయి. క్రేన్‌ సాయంతో బస్‌ను పక్క జరిపి ట్రాఫిక్ క్లియర్ చేశారు. ప్రమాదం ఎందుకు జరిగిందన్నది ఇంకా తెలియలేదు. అయితే...ప్రాథమికంగా తేలిందేంటంటే...కార్ రాంగ్‌ రూట్‌లో వచ్చి ముందు డివైడ్‌రను ఢీకొట్టింది. ఆ తరవాత  బస్‌వైపు దూసుకెళ్లింది. కార్‌ డ్రైవర్ నిద్ర మత్తు కారణంగానే ఈ ప్రమాదం జరిగి ఉండొచ్చని అంచనా వేస్తున్నారు. ఈ ఘటనపై ప్రధాని మోడీ స్పందించారు. ప్రమాదంపై దిగ్భ్రాంతి వ్యక్తం చేశారు. గాయపడిన వారు తొందరగా కోలుకోవాలని ఆకాంక్షించారు. మృతుల కుటుంబ సభ్యులకు రూ.2 లక్షల పరిహారం అందజేస్తామని ప్రకటించారు. గాయ పడిన వారికి వైద్య ఖర్చుల కోసం రూ.50,000 అందిస్తామని తెలిపారు. 

Gujarat | Several people injured in a collision between a bus and a car in Navsari. Injured admitted to hospital. More details awaited. pic.twitter.com/AFUabv1dSB

— ANI (@ANI) December 31, 2022

Pained by the loss of lives due to a road accident in Navsari. My thoughts are with the bereaved families. I hope the injured recover soon. An ex-gratia of Rs. 2 lakh from PMNRF would be given to the next of kin of each deceased. Those injured would be given Rs. 50,000: PM Modi

— PMO India (@PMOIndia) December 31, 2022