Delhi Road Accident: రోడ్డు డివైడర్‌పై నిద్రిస్తోన్న వారిపైకి దూసుకెళ్లిన ట్రక్కు- నలుగురు మృతి!

Delhi Road Accident: దిల్లీలో రోడ్డు డివైడర్‌పై నిద్రిస్తోన్న వారిపై నుంచి ఓ ట్రక్కు దూసుకెళ్లిన ఘటనలో నలుగురు మృతి చెందారు.

(Image Source: PTI)

Delhi Road Accident: దిల్లీలో దారుణ ఘటన జరిగింది. సీమాపురి ప్రాంతంలోని డీటీసీ డిపో రెడ్‌ లైట్ క్రాసింగ్ వద్ద రోడ్డు డివైడర్‌పై నిద్రిస్తోన్న ఆరుగురిపై ఓ ట్రక్కు వేగంగా దూసుకెళ్లింది. ఈ ఘటనలో నలుగురు మృతి చెందారు. మరో ఇద్దరు తీవ్రంగా గాయపడ్డారు. 

Delhi | An unknown speeding truck mowed down 4 people & injured 2 persons who were sleeping on the road divider, while crossing DTC Depot Redlight in Seemapuri: Police https://t.co/71EgsKQFo6 pic.twitter.com/iRT2HlodJU

— ANI (@ANI) September 21, 2022

ఇదీ జరిగింది

దిల్లీలో బుధవారం తెల్లవారు జామున ఈ ఘటన జరిగింది. సీమాపురి రోడ్డు డివైడరుపై నిద్రిస్తున్న వారిపై వేగంగా వచ్చిన ట్రక్కు దూసుకుపోయింది. ఈ ఘటనలో మొత్తం నలుగురు ప్రాణాలు కోల్పోయారు. ప్రమాదానికి కారణమైన ట్రక్కును కనుగొనేందుకు దిల్లీ పోలీసులు ప్రత్యేక బృందాలను ఏర్పాటు చేశారు. క్షతగాత్రులను జీటీబీ ఆసుపత్రికి తరలించారు.  

" అర్ధరాత్రి 1:51 గంటలకు.. సీమాపురిలోని DTC డిపో రెడ్‌ లైట్‌ను దాటుతుండగా, రోడ్డు డివైడర్‌పై నిద్రిస్తున్న వారిపై నుంచి ట్రక్కు దూసుకెళ్లింది. ఈ ఘటనలో నలుగురు మరణించారు. ఇద్దరు గాయపడ్డారు. ప్రమాదం జరిగిన క్షణంలో ఇద్దరు వ్యక్తులు అక్కడికక్కడే మరణించారు. తర్వాత మరొకరు మృతి చెందారు. నాలుగో వ్యక్తి ప్రాథమిక చికిత్స అందిస్తుండగా మృతి చెందాడు. మరో ఇద్దరికి జీటీబీ ఆసుపత్రిలో చికిత్స అందిస్తున్నారు. ఘటనపై కేసు నమోదు చేశాం.                                                  "

-  పోలీసులు

దర్యాప్తు

ఈ మేరకు కేసు నమోదు చేసుకున్న పోలీసులు ట్రక్కును గుర్తించి, డ్రైవర్‌ను పట్టుకునేందుకు ప్రత్యేక బృందాలను ఏర్పాటు చేశారు.

" చనిపోయిన నలుగుర్ని.. కరీం (52), చోటే ఖాన్ (25) , షా ఆలం (38), రాహుల్ (45)గా గుర్తించాం. మనీష్ (16) ప్రదీప్ (30) ఈ ఘటనలో గాయపడ్డారు. ఈ ఘటనపై తగిన సెక్షన్ల కింద కేసు నమోదు చేశాం. ప్రమాదానికి కారణమైన ట్రక్కును వీలైనంత త్వరగా పట్టుకుంటాం. "

-                                  పోలీసులు