Viral Video: జొమాటో ఏజెంట్ని సర్ప్రైజ్ చేసిన కస్టమర్స్, బర్త్డే విషెస్తో పాటు గిఫ్ట్ కూడా - వీడియో
Viral News: జొమాటో డెలివరీ ఏజెంట్కి కస్టమర్స్ సర్ప్రైజ్ ఇచ్చారు. అతని బర్త్డే అని తెలుసుకుని అంతా కలిసి విషెస్ చెప్పారు. ఓ గిప్ట్ కూడా ఇచ్చారు. ఈ వీడియో వైరల్ అవుతోంది.
Viral News in Telugu: జొమాటో ఫుడ్ డెలివరీ ఏజెంట్కి సర్ప్రైజ్ ఇచ్చారు కస్టమర్స్. ఫుడ్ డెలివరీ చేసేందుకు ఇంటికి రాగానే డోర్ తీసి అంతా కలిసి హ్యాపీ బర్త్డే సాంగ్ పాడారు. ఇది విని ఆ ఏజెంట్ ఒక్కసారిగా షాక్ అయ్యాడు. ఆ తరవాత హ్యాపీగా ఫీల్ అయ్యాడు. అహ్మదాబాద్లో జరిగిన ఈ ఘటన ప్రస్తుతం వైరల్ అవుతోంది. ఓ నెటిజన్ ఈ వీడియో పోస్ట్ చేయగా వైరల్ అవుతోంది. "Spread Happiness" అనే క్యాప్షన్తో ఈ వీడియోని ఇన్స్టాగ్రామ్లో పోస్ట్ చేశాడు ఓ యూజర్. అహ్మదాబాద్లో భారీ వర్షాలు కురుస్తున్నాయి. అంత వర్షంలోనూ ఆ ఏజెంట్ పని చేస్తున్నాడు. పైగా అతని బర్త్డే అని జొమాటో యాప్లో కనిపించింది. తమ కోసం అంతగా శ్రమిస్తున్న వ్యక్తికి బర్త్డే విషెస్ చెప్పాలని ముందే ప్లాన్ చేసుకున్నారు కస్టమర్స్. ఏజెంట్ వచ్చీ రాగానే బర్త్డే సాంగ్ పాడి ఆ తరవాత ఓ గిఫ్ట్ కూడా ఇచ్చారు. వీళ్లు ఇచ్చిన ఈ గిఫ్ట్కి ఆ డెలివరీ ఏజెంట్ చాలా సంతోష పడిపోయాడు. అతని నవ్వులోనే ఆ సంతోషమంతా కనిపించింది.
View this post on Instagram
వారం క్రితం ఈ వీడియో పోస్ట్ కాగా ఇప్పుడు వైరల్ అవుతోంది. ఇప్పటికే 20 లక్షల వ్యూస్ వచ్చాయి. వందలాది మంది కామెంట్స్ పెట్టారు. ఈ వీడియోకి జొమాటో సీఈవీ దీపీందర్ గోయల్ కూడా కామెంట్ పెట్టాడు. అఫీషియల్ జొమాటో అకౌంట్ కూడా ఈ వీడియోపై స్పందించింది. ఇక నెటిజన్లు అయితే ఆ కస్టమర్స్ని తెగ మెచ్చుకుంటున్నారు. ఆ డెలివరీ ఏజెంట్ ఈ వీడియోపై స్పందిస్తూ సంతోషం వ్యక్తం చేశాడు. తన లైఫ్లో ఇలాంటిది ఫస్ట్టైమ్ జరిగిందని, చాలా గర్వంగా ఉందని చెప్పాడు. ఈ పని చేసేందుకు అవకాశమిచ్చిన జొమాటోకి థాంక్స్ అంటూ ఓ కామెంట్ పెట్టాడు.
టాప్ హెడ్ లైన్స్
ట్రెండింగ్ వార్తలు
