AP Judicial Academy: ఏపీ జ్యుడీషియల్ అకాడమీని ప్రారంభించిన సీజేఐ చంద్రచూడ్!

AP Judicial Academy: సుప్రీంకోర్డు ప్రధాన న్యాయమూర్తి జస్టిస్ డివై చంద్రచూడ్ ఏపీ జ్యుడీషియల్ అకాడమీని ప్రారంభించారు. న్యాయ వ్యవస్థలో సాంకేతిక పరిజ్ఞానం వాడకం బాగా పెరిగిందన్నారు. 

ఏపీ జ్యుడీషియల్ అకాడమీని ప్రారంభించిన సీజేఐ చంద్రచూడ్!

AP Judicial Academy: ఆంధ్రప్రదేశ్ జ్యుడీషియల్ అకాడమీని సుప్రీం కోర్టు ప్రధాన న్యాయమూర్తి జస్టిస్ డివై చంద్రచూడ్ ప్రారంభించారు. మంగళగిరి మండలం ఖాజాలో శుక్రవారం రోజున ఏర్పాటు చేసిన ఈ కార్యక్రమంలో హైకోర్టు ప్రధాన న్యాయమూర్తి జస్టిస్ ప్రశాంత్ కుమార్ మిశ్రా, హైకోర్టు న్యాయమూర్తులు పాల్గొన్నారు. న్యాయ వ్యవస్థలో సాంకేతిక పరిజ్ఞానం వాడకం చాలా పెరిగిందని జస్టిస్ చంద్రచూడ్ అన్నారు. సాంకేతికతను అందిపుచ్చుకునేలా డిజిటలైజేషన్ ప్రక్రియకు శ్రీకారు చుట్టామని తెలిపారు. సాంకేతికతకు అనుగుణంగా మార్పులు చేసుకోవాలన్నారు. కేసుల సత్వర పరిష్కారానికి, సాంకేతిక పరిజ్ఞానం ఉపయోగపడుతుందని ఆయన పేర్కొన్నారు. న్యాయవాదులు నల్లకోటు ధరించి తిరగడం చూస్తుంటామని... అందులోని తెలుపు, నలుపు రంగులను ఆత్మవిశ్వాసం, క్రమశిక్షణగా పరిగణిస్తారన్నారు. 

న్యాయమూర్తులు నిత్య విద్యార్థులుగా ఉంటూ నైపుణ్యాన్ని పెంచుకోవాల్సిన అవసరం ఉందని సీజేఐ చంద్రచూడ్ తెలిపారు. కోర్టు వివాదాల పరిష్కారమే కాదు, న్యాయాన్ని నిలబెట్టేలా చూడాలన్నారు. కేసుల పరిష్కారంలో జాప్యాన్ని తగ్గించాలన్నారు. న్యాయ వ్యవస్థను పరిరక్షించడానికి అందరి సహకారం అవసరమని చెప్పారు. పెండింగ్ కేసులు సత్వరమే పరిష్కరించాలని సూచించారు. జడ్జిలకు సొంత సామర్థ్యాలపై విశ్వాసం ఉండాలని అన్నారు. ముఖ్యమైన కేసుల్లో త్వరగా న్యాయం జరిగేలా చూడాలన్నారు. న్యాయ వ్యవస్థలో కేసుల కంటే తీర్పుల్లో నాణ్యతకు ప్రాధాన్యత ఇవ్వాలని సీజేఐ చంద్రచూడ్ పేర్కొన్నారు.

ఈరోజు కుటుంబ సమేతంగా శ్రీ కల్యాణ వేంకటేశ్వర స్వామి వారిని దర్శించుకున్న భారత సుప్రీం కోర్టు ప్రధాన న్యాయమూర్తి జస్టిస్ శ్రీ డి వై చంద్ర చూడ్ గారు. pic.twitter.com/6nPtVMgwKq

— Tirumala Tirupati Devasthanams (@TTDevasthanams) December 28, 2022

తిరుమల శ్రీవారిని దర్శించుకున్న సీజేఐ

సుప్రీంకోర్టు ప్రధాన న్యాయమూర్తిగా బాధ్యతలు చేపట్టిన తర్వాత  జస్టిస్ డీవై చంద్రచూడ్ తొలిసారిగా గురువారం రోజు తిరుమల శ్రీ వేంకటేశ్వర స్వామివారిని దర్శించుకున్నారు. కుటుంబ సభ్యులతో కలిసి ఆలయం వద్దకు వచ్చిన జస్టిస్ డివై చంద్రచూడ్ కు టిటిడి చైర్మన్ వైవి సుబ్బారెడ్డి, ఈవో అనిల్ కుమార్ సింఘాల్, అర్చకులు కలిసి సంప్రదాయబద్ధంగా ఇస్తికఫాల్ స్వాగతం పలికారు.

తిరచానూరు శ్రీ పద్మావతి అమ్మవారిని దర్శించుకున్న భారత సుప్రీం కోర్టు ప్రధాన న్యాయమూర్తి జస్టిస్ శ్రీ డి వై చంద్ర చూడ్ గారు. pic.twitter.com/wRGOWJSZnh

— Tirumala Tirupati Devasthanams (@TTDevasthanams) December 28, 2022

 విజయవాడలో సీజేఐ చంద్రచూడ్ తో సీఎం జగన్ మర్యాదపూర్వక భేటీ

సుప్రీంకోర్టు ప్రధాన న్యాయమూర్తి జస్టిస్‌ డీవై చంద్రచూడ్‌ను విజయవాడ నోవాటెల్ లో సీఎం జగన్ మర్యాదపూర్వకంగా కలిశారు. సీజేఐను కలిసి వేంకటేశ్వరస్వామి వారి ప్రతిమ అందజేశారు. మూడు రోజుల తిరుపతి జిల్లా పర్యటన ముగించుకుని సీజేఐ చంద్రచూడ్ విజయవాడకు చేరుకున్నారు. ఈ సందర్భంగానే సీఎం జగన్‌ ఆయనతో సమావేశమయ్యారు.