Bhabanipur Election Result: భవానీపుర్‌లో ఎదురులేని దీదీ.. 58 వేల ఓట్ల తేడాతో విజయం.. సీఎం సీటు పదిలం

బంగాల్ సీఎం మమతా బెనర్జీ.. భవానీపుర్ ఉపఎన్నికల్లో విజయఢంకా మోగించారు. 58 వేల ఓట్ల తేడాతో గెలుపొందారు.

భవానీపుర్‌లో మమతా బెనర్జీ విజయం

భవానీపుర్‌లో తనకు ఎదురులేదని బంగాల్ సీఎం మమతా బెనర్జీ మరోసారి రుజువు చేశారు. భవానీపుర్ ఉపఎన్నికల్లో భాజపా అభ్యర్థి ప్రియాంక టిబ్రేవాల్‌పై 58,832 ఓట్ల తేడాతో జయకేతనం ఎగురవేశారు. ఈ విజయంతో దీదీ సీఎం పీఠాన్ని నిలబెట్టుకున్నారు.

తొలి రౌండ్ నుంచే..

తొలి రౌండ్​ నుంచే మమతా బెనర్జీ దూకుడు ప్రదర్శించారు. మొత్తం 21 రౌండ్ల పాటు కౌంటింగ్ జరిగింది. రౌండు రౌండుకు మమతా బెనర్జీ ఆధిక్యత కనబరిచారు. ఇక్కడ తృణమూల్‌ కాంగ్రెస్‌కు మంచి పట్టుండడంతో దీదీ గెలుపు ఖాయమైంది.

దీదీ ఆనందం..

I have won the Bhabanipur Assembly bypolls with a margin of 58,832 votes and have registered the victory in every ward of the constituency: Chief Minister Mamata Banerjee in Kolkata pic.twitter.com/EjK8htjUmC

— ANI (@ANI) October 3, 2021

" భవానీపూర్​ అసెంబ్లీ ఉప ఎన్నికలో 58,832 ఓట్ల తేడాతో గెలుపొందాను. నియోజకవర్గంలోని ప్రతి వార్డులో విజయం నమోదు చేశాం. బంగాల్​లో ఎన్నికలు మొదలైనప్పటి నుంచి మనల్ని అధికారంలో నుంచి దించేందుకు కేంద్ర ప్రభుత్వం కుట్ర పన్నింది. కానీ భవానీపుర్‌ ప్రజలు వాటిని తిప్పికొట్టారు. ఆరు నెలల్లోనే ఎన్నికలు నిర్వహించిన ఎన్నికల సంఘానికి నా కృతజ్ఞతలు.                          "

- మమతా బెనర్జీ, బంగాల్​ ముఖ్యమంత్రి

మమతా బెనర్జీ విజయం సాధించడంతో టీఎంసీ కార్యకర్తలు ఆమె నివాసం వద్ద సంబరాలు జరుకున్నారు. సెప్టెంబర్ 30న ఈ భవానీపుర్​ స్థానానికి ఉప ఎన్నిక జరిగింది. 53 శాతం పోలింగ్ నమోదైంది. గత అసెంబ్లీ ఎన్నికల్లో మమతా బెనర్జీ నందిగ్రామ్‌లో పోటీ చేసి ఓటమిపాలయ్యారు. అనంతరం భవానీపుర్‌ నుంచి పోటీకి దిగారు. ముఖ్యమంత్రిగా కొనసాగాలంటే తప్పక గెలవాల్సిన ఈ ఎన్నికలో మమత భారీ విజయం సాధించారు.

#UPDATE | West Bengal CM Mamata Banerjee leads by 58,389 votes in Bhabanipur Assembly bypolls after the last round of counting https://t.co/0cJTMeJ1uR

— ANI (@ANI) October 3, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి