Beer With Urine: నీళ్లు సేవ్ చేసేందుకు మూత్రంతో బీర్ తయారీ, మీ బ్రాండ్ ఇది కాదు కదా?

బీర్లను మీ కడుపులో బిరబిరా పారిస్తున్నారా? అయితే, మీరు ఏ బ్రాండ్ బీరు తాగుతున్నారో చెక్ చేసుకోండి. ఎందుకంటే, ఆ సంస్థలోని బీర్లను మూత్రం, మురుగు నీటితో తయారు చేస్తున్నారట.

Representational Image/Pixabay

మీరు బీరు ప్రియులా? మీరు రోజు తాగుతున్న బీరు‌ను మూత్రంతో తయారు చేశారని తెలిస్తే మీరు ఏం చేస్తారు? వెంటనే వాంతి చేసుకుంటారు లేదా బిక్క ముఖం వేసి.. బ్రాండ్ మార్చేస్తారు. తెలిసి తెలిసి మూత్రంతో తయారు చేసే బీరును మీరు తాగేందుకు ఏ మాత్రం సాహసం చేయరు. అయితే, ఓ సంస్థ మాత్రం తమ బీరును మూత్రంతో తయారు చేశామని, వచ్చి టేస్ట్ చేయండని సగర్వంగా చెబుతోంది. ప్రజలు కూడా దాన్ని రుచి చూసేందుకు క్యూ కడుతున్నారు. కంగారు పడకండి. మీరు ఈ బ్రాండ్ బీరును ఎప్పుడూ తాగి ఉండరు. ఎందుకంటే దీన్ని సింగపూర్‌లో తయారు చేస్తు్న్నారు. ఒక వేళ మీరు సింగపూర్‌లో ఉండి ఉంటే మాత్రం ఆ బ్రాండ్ గురించి తెలుసుకోండి. కొత్తగా ఏమైనా ట్రై చేయాలని ఆశగా ఉంటే.. భయపడకండి, ఆ మూత్రం బీరు ట్రై చేయండి. 

మూత్రంతోనే ఎందుకు?: సింగపూర్‌లో నీటి కొరత తీవ్రంగా ఉందట. ప్రజల అవసరానికి తగిన నీరు సప్లై చేయడానికే అక్కడి ప్రభుత్వం ముప్పు తిప్పలు పడుతోందట. అలాంటిది ఇక నీటిపై ఆధారపడిన బ్రూవరీ సంస్థలకు వాటర్ సప్లై చేయాలంటే కష్టంగా మారింది. నీటిని సేవ్ చేయాలని ప్రజలకు, సంస్థలకు సూచిస్తోంది. ఈ నేపథ్యంలో ఓ సంస్థ స్వయంగా నీటిని తయారు చేసుకుని బీర్లు తయారు చేస్తోంది. కానీ, స్వచ్ఛమైన నీటిని ఎలా తయారు చేసుకోగలుగుతుంది? అనేగా మీ సందేహం? ఎక్కడి నుంచో కాదు మూత్రం, మురుగు నీటి నుంచి. 

మూత్రాన్ని శుద్ధి చేసి..: మూత్రం, మురుగు నీటిని శుద్ధి చేయగా వచ్చే నీటితో బీరును తయారు చేయడమే కాకుండా.. మేం వాటర్‌ను సేవ్ చేస్తున్నామని సగర్వంగా NEWBrew (న్యూబ్రూ) అనే సంస్థ ప్రకటించింది. బీరు తయారీకి చాలా నీరు అవసరం అవుతుంది. బీరులో సుమారు 90 శాతం నీరే ఉంటుంది. ఈ నేపథ్యంలో సింగపూర్‌లో నీటి కొరత గురించి ప్రజలకు అవగాహన కల్పించేందుకు న్యూబ్రూ సంస్థ ఈ బీరు తయారీని ఆరంభించింది.

NEWater నీటి నుంచి NEWBrew బీరు వరకు..: బీరు తయారీ కోసం నీటిని తయారీ చేయడం కోసం ఆ సంస్థ NEWater ప్లాంట్‌ను ఏర్పాటు చేసింది. నగరంలోని వివిధ కార్యాలయాలు, పాఠశాలలు, మాల్స్, మార్కెట్ టాయిలెట్ల నుంచి సేకరించిన మూత్రాన్ని ఇక్కడ అనేక దశల్లో ఫిల్టర్ చేస్తారు. మరోవైపు మురుగు నీటిని కూడా ఇదే విధంగా శుద్ధి చేసి.. నీటిని గ్రహిస్తారు. ఆ నీటిలో మాల్ట్, ఈస్ట్, హాప్స్ వంటి సూక్ష్మక్రిములేవీ ఉండవు. ఈ బీరు భలే రుచిగా ఉందంటూ మందుబాబులు తెగ తాగేస్తున్నారట. కావాలంటే, మీ సింగపూర్‌లోని స్నేహితులకు చెప్పి ఒక టిన్ తెప్పించుకోండి.  

 

 

 

 

 

View this post on Instagram

 

 

 

 

 

 

 

 

 

 

 

A post shared by PUB, the National Water Agency (@pubsingapore)