Drinking Water Tips : ఉదయాన్నే బ్రష్ చేసిన వెంటనే నీళ్లు తాగుతున్నారా? లేక ముందే తాగేస్తున్నారా? ఏది మంచిది?
Right Time to Drink Water in the Morning : ఉదయాన్నే బ్రష్ చేయకముందు నీళ్లు తాగితే ప్రమాదమా? నోటి పరిశుభ్రత, దంత ఆరోగ్యం కోసం.. నీటిని బ్రష్ చేయకముందు తాగాలో.. చేశాక తాగాలో తెలుసుకుందాం.
- ఉదయం లేవగానే నీరు తాగే విషయంలో భిన్న అభిప్రాయాలున్నాయి.
- దంతాల పరిశుభ్రతకు బ్రష్ చేసిన తర్వాత తాగడం మేలని నిపుణులు.
- బ్రష్ చేయకుండా దాహమైతే కొద్దిగా నీరు తాగవచ్చని వైద్యులు తెలిపారు.
- అయితే, రోజులో శరీరానికి సరిపడా నీరు తాగడం ఎంతో ముఖ్యం.
Water Before Brushing vs After Brushing : ఉదయం నిద్రలేచిన వెంటనే నీళ్లు తాగడం ఆరోగ్యానికి మంచిదని ఆరోగ్య నిపుణులు చెప్తారు. అలాగే చాలామంది తెలియకుండానే దీనిని ఫాలో అవుతూ ఉంటారు. కొందరు నిద్రలేవగానే నీటితో తమ రోజును ప్రారంభిస్తే.. మరికొందరు బ్రష్ చేసే వరకు నీటిని కూడా ముట్టరు. ఇంతకీ బ్రష్ చేసిన తర్వాత నీళ్లు తాగాలా? లేక ముందే తాగేయొచ్చా? ఏది ఆరోగ్యానికి మంచిది?
బ్రష్ చేసిన తర్వాతే నీళ్లు తాగాలని కొందరు సూచిస్తారు. నిద్రలేవగానే నీళ్లు తాగాలని మరికొందరు చెప్తారు. మరి దీనిలో ఏది సరైన పద్ధతి? బ్రష్ చేయకముందు నీళ్లు తాగాలా? లేక బ్రష్ చేసిన తర్వాత తాగాలా? ఈ డౌట్ చాలామందిలో ఉంటుంది. ఈ విషయంపై దంత వైద్యులు, ఆరోగ్య నిపుణులు ఏమంటున్నారో తెలుసుకుందాం.
బ్రష్ చేయకముందు నీళ్లు తాగొచ్చా?
సాధారణంగా ఆరోగ్యంగా ఉన్నవాళ్లు ఉదయం నిద్రలేచిన వెంటనే.. బ్రష్ చేయకుండానే కొద్దిగా నీరు తాగడం వల్ల ఎలాంటి ఇబ్బంది, హానీ ఇండదని చెప్తున్నారు నిపుణులు. రాత్రంతా నిద్రపోవడం వల్ల శరీరం కొంత డీహైడ్రేట్ అయ్యే అవకాశం ఉంటుంది. కాబట్టి అలాంటి సమయంలో నీరు తాగడం వల్ల శరీరానికి హైడ్రేషన్ అందుతుంది.
అయితే రాత్రి సమయంలో నోటిలో బ్యాక్టీరియా కూడా పెరుగుతాయి. అందుకే కొందరు నిపుణులు బ్రష్ చేసిన తర్వాత నీళ్లు తాగడం మరింత పరిశుభ్రమైన అలవాటు అని సూచిస్తారు.
బ్రష్ చేసిన తర్వాత నీళ్లు తాగితే..
బ్రష్ చేయడం వల్ల రాత్రంతా నోటిలో పేరుకుపోయిన బ్యాక్టీరియా, ఆహార అవశేషాలు తొలగిపోతాయి. దీంతో నీళ్లు తాగేటప్పుడు నోరు మరింత పరిశుభ్రంగా ఉంటుంది. ఉదయాన్నే నోటి పరిశుభ్రతను కాపాడుకోవడం వల్ల దంతాలు, చిగుళ్ల ఆరోగ్యం మెరుగుపడుతుంది. బ్రష్ చేసిన తర్వాత నీళ్లు తాగడం వల్ల నోటిలో తాజాగా అనిపిస్తుంది. అయితే బ్రష్ చేసేప్పుడు పేస్ట్ నోటిలో ఉండిపోకుండా.. పాచి లేకుండా శుభ్రం చేసుకుని నీరు తాగితే మంచిది.
బ్రష్ చేయకముందు తాగితే మంచిది కాదా?
చాలామందిలో బ్రష్ చేయకముందు ఒకటి లేదా రెండు గ్లాసుల నీరు తాగడం వల్ల ఆరోగ్యపరంగా ఎలాంటి సమస్యలు రావు. అయితే దీనివల్ల అదనపు ఆరోగ్య ప్రయోజనాలు లభిస్తాయని చెప్పే బలమైన శాస్త్రీయ ఆధారాలు కూడా లేవు.
నిపుణులు ఏమంటున్నారంటే..
దంతాల ఆరోగ్యం పరంగా చూస్తే బ్రష్ చేసిన తర్వాత నీళ్లు తాగడం మంచిదని చాలామంది దంత వైద్యులు సూచిస్తారు. అయితే ఉదయం లేవగానే దాహంగా అనిపిస్తే బ్రష్ చేయకముందు కొద్దిగా నీరు తాగడం వల్ల ఎలాంటి హాని ఉండదని తెలిపారు. కాబట్టి బ్రష్ చేయకముందు కొన్ని.. బ్రష్ చేశాక కొన్ని తాగవచ్చు. అలాగే పూర్తి ఆరోగ్యం కోసం రోజంతా శరీరానికి సరిపడా నీటిని తీసుకుంటే మంచిది.
మరిన్ని ఇంట్రెస్టింగ్ హెల్త్ ఆర్టికల్స్, ఇంటి చిట్కాల కోసం దీనిని క్లిక్ చేయండి.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
Before You Go
Simple Yoga for Body Fat | చెడు కొవ్వును సింపుల్ యోగాసనాలతో దూరం చేయండి
టాప్ హెడ్ లైన్స్
ట్రెండింగ్ వార్తలు
