Toxic In Laws : టాక్సిక్ అత్తమామలతో ఇబ్బందిపడుతున్నారా? మ్యారేజ్ లైఫ్ హ్యాపీగా ఉండాలంటే ఈ రిలేషన్‌షిప్ టిప్స్ ఫాలో అవ్వండి

Relationship Tips : అత్తమామలే మీ మ్యారేజ్​ లైఫ్​లో టాక్సిక్ అనుకుంటున్నారా? అయితే మీరు, మీ ఫ్యామిలీ సంతోషంగా ఉండాలంటే.. ​ఈ రిలేషన్​షిప్ టిప్స్ ఫాలో అయిపోండి. 

అత్తమామలు ఇబ్బంది పెడుతున్నారా?

Source : Envato

Show Quick Read

Key points generated by AI, verified by newsroom

• అత్తమామల టాక్సిక్ ప్రవర్తనకు కారణాలు తెలుసుకోవడం ముఖ్యం.
• భాగస్వామి మద్దతుతో కలిసి సమస్య పరిష్కరించుకోవాలి.
• అనవసర వాదనలకు పోకుండా 'గ్రే రాక్' పద్ధతి వాడండి.
• మానసిక ప్రశాంతత కోసం అవసరమైతే దూరం పాటించండి.

Tips to Deal With Toxic In Laws : మ్యారేజ్ లైఫ్​లో భాగస్వామితో పాటు.. అత్తమామలు కూడా ఇంపార్టెంట్ రోల్ ప్లే చేస్తారు. వైవాహిక జీవితం హ్యాపీగా ఉండాలన్నా.. గొడవలతో నిండాలన్నా.. అది వీరి వల్లనే జరుగుతుంది. అర్థం చేసుకునే అత్తారిల్లు ఉంటే.. పుట్టినిల్లు కూడా గుర్తురాకుండా ఉంటుంది. కానీ మీ అత్తమామలే మిమ్మల్ని టార్చర్ పెడుతున్నారు.. టాక్సిక్​గా బిహేవ్ చేస్తున్నారు అనిపిస్తుందా? అయితే వారిని ఎలా హ్యాండిల్ చేయాలో తెలిపే అంశాలు ఇక్కడ ఉన్నాయి. చదివేండి. 

కొన్నిసార్లు తెలిసో.. తెలియకో అత్తమామలు ఒత్తిడిని, ఇబ్బందులను కలిగిస్తారు. మీ అత్తమామలు నిజంగా టాక్సిక్​గా ఉన్నప్పుడు.. మీరు, మీ భాగస్వామి మీ సొంత పరిమితులు నిర్దేశించుకుని.. వాటికి కట్టుబడి ఉండాలి. మీ మనస్సును ప్రశాంతంగా ఉంచుకోవడమే ప్రధాన అజెండాగా ఉండాలి. అలా ఉండేందుకు ఫాలో అవ్వాల్సిన సులభమైన, ప్రభావవంతమైన మార్గాలు ఏమిటో ఇప్పుడు తెలుసుకుందాం. 

సమస్య తెలుసుకోండి..

ఏదైనా సమస్యను పరిష్కరించే ముందు.. దానికి గల కారణాన్ని అర్థం చేసుకోవడం ముఖ్యం. ఎందుకంటే టాక్సిక్​ ప్రవర్తన అనేది అకస్మాత్తుగా వచ్చేది కాదు. ప్రతీదీ తమకు నచ్చినట్టుగా జరగాలని కోరుకోవడం, తమ భావాలను అదుపు చేసుకోలేకపోవడం, లేదా గతంలోని మానసిక గాయాలను మోయడం వంటి కారణాల వల్ల ఈ బిహేవియర్ వస్తుంది. 

కొన్నిసార్లు అత్తమామలు మీ పెంపకం నియమాలను అగౌరవపరుస్తారు. మిమ్మల్ని స్వార్థపరులుగా పిలిచి.. మీ వ్యక్తిగత స్వేచ్ఛను ఉల్లంఘిస్తారు. లేదా కుటుంబంలో కలహాలు సృష్టించి మిమ్మల్ని తమకు అనుకూలంగా మలచుకోవడానికి ప్రయత్నిస్తారు. ఈ పద్ధతులను గుర్తించడమే మీరు చేయాల్సిన మొదటి పని.

పార్టనర్​ సపోర్ట్ ఉండాలి..

అత్తమామలు టాక్సిక్​గా ఉన్నప్పుడు మీరు, మీ భాగస్వామి ఒకే అభిప్రాయంతో లేకపోతే.. మరిన్ని ఇబ్బందులు పడాల్సి వస్తుంది. కాబట్టి ఈ సమస్యను మీరిద్దరూ కలిసి పరిష్కరించుకోవాల్సి ఉంటుంది. అలాగే ఇలాంటి సందర్భాల్లో ఎవరు చెప్తే..  తల్లిదండ్రులు మాట వింటారో వారే నేరుగా మాట్లాడాలి. అలా కాకుండా ఇతరులు మాట్లాడితే మరిన్ని అపార్థాలు పెరగవచ్చు. కాబట్టి మీరిద్దరూ కలిసికట్టుగా నిర్ణయం తీసుకోవడం చాలా ముఖ్యం.

వ్యర్థ వాదనలు ఎందులకు..

కొన్నిసార్లు వాదించడం లేదా వివరించడానికి ప్రయత్నించడం వల్ల ప్రయోజనం ఉండదు. అలాంటప్పుడు గ్రే రాక్ పద్ధతి ఉపయోగించాలి. దీని అర్థం సంభాషణలో ఎక్కువ ప్రతిస్పందనలు ఇవ్వకుండా.. అవును, సరే, నాకు అర్థమైంది వంటి చిన్న చిన్న రెస్పాన్స్ ఇస్తే సరిపోద్ది. కాబట్టి ఎప్పుడూ వివరంగా వివరించడానికి ప్రయత్నించకండి. స్పష్టంగా, మర్యాదగా రెస్పాండ్ అయితే చాలు. మీరు వారిని నియంత్రించలేరు కాబట్టి.. వారు కోపంగా ఉన్నా.. అతిగా స్పందిస్తున్నా.. లేదా మౌనంగా ఉన్నా.. అదే వారి మనస్తత్వం అని భావించండి. అంతేకానీ మిమ్మల్ని మీరు తప్పుపట్టకండి. 

కొన్నిసార్లు తప్పుమే కాదు..

మీ అత్తమామల ప్రవర్తన మీకు బాధను ఇస్తున్నా లేదా మానసికంగా కృంగిపోయేలా చేస్తున్నా.. కొన్నిసార్లు వారికి దూరంగా ఉండటమే బెటర్. అంటే వారితో సంబంధాన్ని లిమిటెడ్​గా ఉంచుకోండి. ఇది తప్పేమీ కాదు. మీ మనశ్శాంతిని కాపాడుకునే మార్గం మాత్రమే. మీ భాగస్వామికి అర్థమయ్యేలా చెప్తే.. మీ వివాహబంధానికి ఎలాంటి ప్రమాదం ఉండదు. ఇది మీకు, మీ భాగస్వామికి ఇద్దరికీ రక్షణను అందిస్తుంది.

మరిన్ని చదవండి

వేసవిలో పదే పదే అలసటగా అనిపించడం ఏ వ్యాధికి సంకేతమో తెలుసా?

డయాబెటిస్ వచ్చే ముందు శరీరం ఇచ్చే సంకేతాలు ఇవే.. ముందే గుర్తిస్తే మధుమేహాన్ని నివారించవచ్చు