Vaishali Takkar: ప్రముఖ టీవీ నటి ఆత్మహత్య - ఉరేసుకుంటానని ఆ రీల్ వీడియోతో హింట్? సుసైడ్ నోట్ లభ్యం
ప్రముఖ సీరియల్ నటి ఆదివారం తన ఇంట్లో ఫ్యాన్కు వేలాడుతూ కనిపించింది. ఘటన స్థలం నుంచి పోలీసులు సుసైడ్ నోట్ను స్వాధీనం చేసుకున్నారు.
ప్రముఖ టీవీ నటి వైశాలీ ఠక్కర్ (30) ఆదివారం ఆత్మహత్య చేసుకుని చనిపోయింది. మధ్యప్రదేశ్లోని ఇండోర్లోని తన నివాసంలో ఫ్యాన్కు ఉరివేసుకుంది. ఘటన స్థలం నుంచి పోలీసులు సుసైడ్ నోట్ను స్వాధీనం చేసుకున్నారు. దివంగత నటుడు సుశాంత్ సింగ్ రాజ్పుత్కు వైశాలి మంచి ఫ్రెండ్. సుశాంత్ ఆత్మహత్య సమయంలో అతడి గురించి ఎంతో ఆందోళన చెందింది. సుశాంత్ ఆత్మహత్య చేసుకొనేంత పిరికివాడు కాదని, అతడిని ఎవరో హత్య చేశారని అప్పట్లో ఆరోపించింది. కానీ, ఆమె కూడా చివరికి ఆత్మహత్య చేసుకుని మరణించడం అభిమానులను బాధిస్తోంది.
సూసైడ్ నోట్ ప్రకారం.. వైశాలి మరణానికి ఆమె మాజీ బాయ్ ఫ్రెండ్ కారణం కావచ్చని పోలీసులు తెలిపారు. సుసైడ్ నోట్లో కూడా ఆమె ఆ విషయాన్నే పేర్కొన్నట్లు పోలీసులు వెల్లడించారు. ఆమె పొరిగింట్లోనే నివసిస్తున్న మాజీ బాయ్ ఫ్రెండ్ వేదింపులు తట్టుకోలేకే ఆమె ఆత్మహత్య చేసుకున్నట్లు ఇండోర్ ఏసీపీ రెహమాన్ తెలిపారు. ‘‘వైశాలి మరో వ్యక్తిని పెళ్లాడనున్నట్లు తెలియడంతో.. ఆమె మాజీ బాయ్ ఫ్రెండ్ ఇబ్బంది పెట్టడం మొదలుపెట్టాడు. పెళ్లిని చెడగొట్టేందుకు ప్రయత్నించాడు. దాని వల్ల ఆమె మానసికంగా కుమిలిపోయింది. రాహుల్ ప్రస్తుతం పరారిలో ఉన్నాడు’’ అని పేర్కొన్నారు.
వైశాలి 2016లో కెరీర్ ఆరంభించింది. ‘యే రిష్తా క్యా కెహ్లాతా హై’ సీరియల్తో ఎంట్రీ ఇచ్చిన వైశాలి ఆ తర్వాత వెనక్కి తిరిగి చూసుకోలేదు. ‘ససురల్ సిమర్ కా’, ‘సూపర్ సిస్టర్స్’, ‘మన్మోహిని-2’ తదితర టీవీ సీరియల్స్తో ప్రేక్షకులకు దగ్గరైంది. కెన్యాలో నివసిస్తున్న అభినందన్ సింగ్ అనే డాక్టర్తో వైశాలికి పెళ్లి కుదిరినట్లు కుటుంబికులు తెలిపారు. అయితే, రాహుల్ వల్ల ఆమె ఎలాంటి సమస్యలను ఎదుర్కొందనేది ఇంకా తెలియరాలేదు. ప్రస్తుతం ఈ కేసు విచారణలో ఉంది. దర్యాప్తు తర్వాత మరిన్ని వివరాలు తెలుస్తాయి. పోలీసుల ప్రాథమిక విచారణలో రాహుల్ ఆమెను ఇబ్బంది పెట్టాడనే ఆరోపణలు వాస్తవమేనని తేలింది.
అయితే, వైశాలి తన ఇన్స్టాగ్రామ్లో పోస్ట్ చేసిన వీడియోలు వైరల్ అవుతున్నాయి. వారం రోజుల కిందట వైశాలి తన ఇంట్లోని సీలింగ్ ఫ్యాన్ను చూపిస్తూ.. ‘‘ఆదివారం మీరు ఏం చేస్తుంటారు?’’ అని ప్రశ్నించింది. ఇందుకు సమాధానంగా ఆమె ‘‘ఫ్యాన్ను తిప్పుతుంటా’’ అన్నట్లుగా రీల్ను పోస్ట్ చేసింది. చివరికి అదే ఫ్యాన్కు ఆమె ఈ ఆదివారం ఉరేసుకుని చనిపోయింది.
View this post on Instagram
చివరిగా ఐదు రోజుల కిందట ఆమె మరో రీల్ వీడియో పోస్ట్ చేసింది. అందులో ‘‘నీ కోసం ప్రాణాలైనా ఇచ్చేస్తా’’ అంటూ ఓ పాట పాడింది. ఇందుకు అవతలి వ్యక్తి సమాధానంగా రూ.500 బాకీ తిరిగి ఇవ్వు ముందు అంటూ పంచ్ వేశాడు. ఈ వీడియోలన్నీ ఫన్నీగానే ఉండటంతో ఎవరూ అంతగా పట్టించుకోలేదు. కానీ, అదే నిజమయ్యేసరికి అభిమానులంతా షాక్లో ఉన్నారు. ఎప్పుడూ నవ్వుతూ నవ్విస్తుండే వైశాలి.. ఇలాంటి పని చేస్తూందని ఎన్నడూ అనుకోలేదని అభిమానులు అంటున్నారు.
View this post on Instagram
టాప్ హెడ్ లైన్స్
ట్రెండింగ్ వార్తలు
