(Source: ECI/ABP News/ABP Majha)
FIR Movie Ban: ఆ దేశాల్లో ‘ఎఫ్ఐఆర్’ సినిమా బ్యాన్, వికారాబాద్‌లోనూ నిరసన, ఆ కంటెంట్‌పై అభ్యంతరం?
‘ఎఫ్ఐఆర్’ సినిమా ప్రదర్శనపై ఓ వర్గం ప్రజలు ఆందోళన వ్యక్తం చేస్తున్నారు. కొన్ని దేశాలు.. ఆ సినిమాలోని కంటెంట్‌పై అభ్యంతరం వ్యక్తం చేస్తూ ప్రదర్శన నిలిపేశాయి.
విష్ణు విశాల్ (Vishnu Vishal) హీరోగా నటించిన FIR చిత్రం శుక్రవారం (11.02.2022)న విడుదల కానుంది. ఓ తీవ్రవాది చుట్టూ తిరిగే ఈ కథలోని సన్నివేశాలు, సినిమా టైటిల్‌పై వివాదాలు నెలకొన్నాయి. VV స్టూడియోస్ బ్యానర్‌పై శుభ్ర, ఆర్యన్ రమేష్‌ ఈ చిత్రాన్ని నిర్మించారు. ఇందులో ఇంకా గౌతమ్ వాసుదేవ్ మీనన్, మంజిమా మోహన్, రెబ్ మోనికా, రైజా విల్సన్ ప్రధాన పాత్రలు పోషిస్తున్నారు. ఈ చిత్రాన్ని ఫిబ్రవరి 11, 2022న విడుదల చేయనున్నారు. ఈ చిత్రాన్ని ప్రపంచవ్యాప్తంగా విడుదల చేయాలని భావించారు. కానీ, కొన్ని దేశాల్లో ఈ చిత్రంపై అభ్యంతరాలు వ్యక్తమవుతున్నాయి. దీంతో ఆయా దేశాల్లో చిత్ర ప్రదర్శనను రద్దు చేశారు. యూకేలోని పలు థియేటర్లలో కూడా షోలు నిలిపేశారు. ఈ విషయాన్ని విష్ణు విశాల్ స్వయంగా ట్విట్టర్ ద్వారా తెలిపారు.
ఈ చిత్రం ఓ మత వర్గానికి చెందిన యువకుడి చుట్టూ తిరుగుతుంది. తీవ్రవాద కార్యకలాపాలకు పాల్పడుతున్నాడనే అనుమానంతో పోలీసులు అతడిని లక్ష్యం చేసుకుంటారు. అయితే, అతడు నిర్దోషా లేకపోతే.. నిజంగానే తీవ్రవాదా అనేది చిత్రం చూస్తేనే అర్థమవుతుంది. ఈ చిత్రంలోని సున్నితమైన అంశాలను దృష్టిలో పెట్టుకుని మలేషియా, కువైట్, ఖతార్ దేశాల్లో చిత్ర ప్రదర్శన నిలిపేశారు. ప్రస్తుతం ఈ చిత్రం ఇండియాతోపాటు మరికొన్ని దేశాల్లో మాత్రమే విడుదల కానుంది.
😔🤫🤫
— IRFAN AHMED (ABA) (@TheVishnuVishal) February 10, 2022
Sorry #MALAYSIA and #KUWAIT audience... https://t.co/mUDZA3mJK4
టైటిల్‌పై వివాదం: FIR టైటిల్‌ పోస్టర్‌లో ఓ మత గ్రంథానికి చెందిన వ్యాఖ్యలను ప్రచురించడంపై ఆ వర్గం వికారాబాద్‌ జిల్లాలోని తాండూరులో ఆందోళన చేపట్టారు. దీంతో అక్కడ గురువారం ఉద్రిక్తత నెలకొంది. కొంతమంది యువకులు సినిమా పోస్టర్లను చించేశారు. ఈ చిత్రం దర్శకుడు, థియేటర్ యజమానిపై కేసు నమోదు చేయాలని ఆందోళనకారులు పోలీసులను డిమాండ్ చేశారు. ఎట్టి పరిస్థితుల్లో ఈ చిత్ర ప్రదర్శనను అడ్డుకుంటామని హెచ్చరించారు. దీంతో తాండూరు శాంతి మహల్ థియేటర్‌లో శుక్రవారం ‘ఎఫ్ఐఆర్’ చిత్ర ప్రదర్శనను తాత్కాలికంగా నిలిపేస్తున్నట్లు తెలిసింది. హీరో రవితేజ సమర్పణలో ఈ చిత్రాన్ని తెలుగులో విడుదల చేస్తుందటం గమనార్హం.
Boleyn Cinema...
— IRFAN AHMED (ABA) (@TheVishnuVishal) February 10, 2022
Piccadilly Cinema..
Leicester, England, United Kingdom https://t.co/eLbp5bF7xX
FIR Movie Telugu Trailer:
Also Read: చిరంజీవికి మహేష్ బాబు స్వీట్ రిప్లై, జగన్‌తో భేటీపై వరుస ట్వీట్లు
Also Read: ఐదు షోలు, టిక్కెట్ రేట్ల పెంపు, విశాఖలో స్థలాలు, టాలీవుడ్ ప్రముఖులకు జగన్ వరాలు
టాప్ హెడ్ లైన్స్
ట్రెండింగ్ వార్తలు
