Operation Valentine Song: వాఘా బోర్డర్‌లో ‘వందేమాతరం’- ‘ఆపరేషన్ వాలంటైన్’ టీమ్ అదిరిపోయే ప్లాన్!

Operation Valentine Song: ‘ఆపరేషన్ వాలంటైన్’ మూవీ ప్రమోషన్స్ సరికొత్తగా మొదలు పెట్టబోతున్నారు మేకర్స్. వాఘా సరిహద్దులో ఈ సినిమాకు సంబంధించిన ‘వందేమాతరం’ పాటను విడుదల చేయబోతున్నారు.

‘ఆపరేషన్ వాలెంటైన్’ మూవీ(Photo Credit: Varun Tej Konidela/Instagram)

Operation Valetine Movie First Song  Launch At Wagah Border:  మెగా హీరో వరుణ్ తేజ్ కథానాయకుడిగా వస్తున్న లేటెస్ట్ మూవీ ‘ఆపరేషన్ వాలంటైన్’. ఎయిర్ ఫోర్స్ ఆపరేషన్స్ కు సంబంధించిన స్టోరీతో ఈ మూవీ రూపొందుతోంది. వైమానిక దాడులు, దేశభక్తి కలబోతగా తెరకెక్కుతోంది. తెలుగు, హిందీ భాషల్లో ఈ మూవీ నిర్మితమవుతోంది. బాలీవుడ్ నటి, మాజీ మిస్ వరల్డ్ మానుషి చిల్లర్ ఈ చిత్రంలో హీరోయిన్. శక్తి ప్రతాప్ సింగ్  ఈ సినిమాకు దర్శకత్వం వహిస్తున్నారు. ఇప్పటికే ఈ సినిమాకు సంబంధించి విడుదలైన పోస్టర్లు, టీజర్ ప్రేక్షకులను బాగా ఆకట్టుకున్నాయి.  త్వరలో ఈ సినిమా విడుదలకు రెడీ అవుతున్న నేపథ్యంలో మేకర్స్ ప్రచార కార్యక్రమాలను ముమ్మరంగా నిర్వహించేందుకు రెడీ అవుతున్నారు.

వాఘా బార్డర్ లో ‘వందేమాతరం’ పాట విడుదల

‘ఆపరేషన్ వాలంటైన్’ మూవీ ఫిబ్రవరి 16, 2024న విడుదల కానుంది. ఈ నేపథ్యంలో ఈ చిత్రంలో సుఖ్వీందర్ సింగ్ పాడిన ‘వందేమాతరం’ అనే పాటను వాఘా బార్డర్ లో విడుదల చేయాలని మేకర్స్ భావిస్తున్నారు. రిపబ్లిక్ డే సందర్భంగా వాఘా బార్డర్ లో భారత్, పాక్ సైనికుల కవాతు నిర్వహిస్తారు. ఈ వేడుకలో పాల్గొనున్న చిత్రబృందం, అక్కడే ‘వందేమాతరం’ పాటను విడుదల చేయనున్నారు. వాఘా సరిహద్దులో ఓ సినిమా పాటను విడుదల చేయడం ఇదే తొలిసారి కావడం విశేషం. మిక్కి జే మేయర్ ఈ పాటను స్వరపరిచారు. తెలుగులో అనురాగ్ కులకర్ణి పాడగా, హిందీలో సుఖ్వీందర్ సింగ్ పాడారు.

వాస్తవ సంఘటనల ఆధారంగా తెరకెక్కుతున్న‘ఆపరేషన్ వాలంటైన్’

ఈ సినిమాను భారత వైమానికి దాడులకు సంబంధించిన కొన్ని యథార్థ సంఘటనలను బేస్ చేసుకుని రూపొందిస్తున్నట్లు మేకర్స్ ఇప్పటికే ప్రకటించారు. ఇటీవల విడుదలైన టీజర్ సైతం ఇదే విషయాన్ని వెల్లడిస్తోంది.  పాక్ ఉగ్ర స్థావరాలు, లాంఛ్ ప్యాడ్స్ మీద దాడులు చేస్తున్నట్లు తెలుస్తోంది. ఇంకా చెప్పాలంటే దేశ వ్యాప్తంగా సంచలనం కలిగించిన సర్జికల్ స్ట్రైక్స్ ఆధారంగా రూపొందించినట్లు అర్థం అవుతోంది. రీసెంట్ గా రిలీజ్ అయిన ఈ మూవీ టీజర్  సినిమాపై భారీగా అంచనాలు పెంచింది. “మన దేశం గాంధీజీతో పాటు సుభాష్ చంద్రబోస్‍ది కూడా” అంటూ ఎయిర్ ఫోర్స్ కమాండర్ గా వరుణ్ తేజ్ చెప్పే డైలాగ్ అందరినీ ఆకట్టుకుంటుంది.  

ఫిబ్రవరి 16న ‘ఆపరేషన్ వాలంటైన్’ విడుదల

శక్తి ప్రతాప్ సింగ్ ఈ మూవీతోనే దర్శకుడిగా ఇండస్ట్రీకి పరిచయం అవుతున్నారు. సోనీ పిక్చర్స్ ఇంటర్నేషనల్ ప్రొడక్షన్స్, రినైసన్స్ పిక్చర్స్ కలిసి ఈ చిత్రాన్ని తెరకెక్కిస్తున్నాయి. మిక్కీ జే మేయర్ మ్యూజిక్ అందిస్తున్నారు. ఈ మూవీ వచ్చే ఏడాది ఫిబ్రవరి 16న విడుదలకానుంది.కొంతకాలంగా సరైన హిట్ లేక బాధపడుతున్న వరుణ్ తేజ్ ‘ఆపరేషన్ వాలంటైన్’ మీద భారీగా అంచనాలు పెట్టుకున్నాడు. ఆయన గత చిత్రాలు వరుసగా అనుకున్న స్థాయిలో ప్రేక్షకులను ఆకట్టుకోలేకపోతున్నాయి. ‘గని’, ‘గాండీవధారి అర్జున’ సినిమాలు దారుణ ఫలితాలను ఇచ్చాయి. ఈ సినిమాతో మళ్లీ హిట్ ట్రాక్ లోకి ఎక్కాలని ఆయన భావిస్తున్నారు.