Varun Sandesh - Vithika: వరుణ్‌ను తొలిసారి చూసింది అప్పుడే - తనతో సినిమా అంటే ఆలోచించా: వితికా షెరు

‘పడ్డానండి ప్రేమలో మరి’ మూవీలోనటించిన వరుణ్ సందేశ్, వితికా శేరు నిజంగానే ప్రేమలో పడ్డారు. ఆ తర్వాత మూడు ముళ్ల బంధంతో ఒక్కటయ్యారు. తాజాగా ‘అలా మొదలైంది’ షోలో పాల్గొని ఆసక్తికర విషయాలు చెప్పారు.

వరుణ్ సందేశ్, వితిక షేరు(Photo Credit: etvteluguindia/ YouTube)

వరుణ్ సందేశ్, వితికా షెరు గురించి పెద్దగా పరిచయం అవసరం లేదు. సినిమాల్లో హీరో, హీరోయిన్లుగా నటించిన వీరిద్దరు, ఆ తర్వాత నిజ జీవితంలో మూడు ముళ్ల బంధంతో ఒక్కటయ్యారు. ‘హ్యాపీ డేస్‌’ మూవీతో మంచి హిట్ అందుకున్న వరుణ్,  ‘కొత్త బంగారులోకం’ సినిమాతో స్టార్ గా ఎదిగాడు. ఆ తర్వాత పెద్దగా సక్సెస్ లు అందుకోలేకపోయాడు. అదే సమయంలో హీరోయిన్ వితికా షెరుతో కలిసి ‘పడ్డానండి ప్రేమలో మరి’ చిత్రంలో నటించారు. రీల్ లైఫ్ లో ప్రేమికులుగా నటించిన వీరిద్దరు, రియల్ లైఫ్ లోనూ ప్రేమలో పడ్డారు.  2016, ఆగస్టు 19న వితిక- వరుణ్ పెళ్లి కుటుంబ సభ్యుల సమక్షంలో అంగరంగ వైభవంగా జరిగింది.  తాజాగా వెన్నెల కిశోర్ హోస్ట్‌ గా చేస్తున్న ‘అలా మొదలైంది’ షోలో పాల్గొన్నారు. తాజాగా ఈ షోకు సంబంధించిన ప్రోమో విడుదల చేశారు.   

వరుణ్ ను తొలిసారి చూసింది అప్పుడే!

వరుణ్ సందేశ్, వితికా షెరు ఈ షోలో పాల్గొని ఆసక్తికర విషయాలు చెప్పారు. తమ జీవితంలోని ఫన్నీ ఫన్నీ ఘటనలను గుర్తు చేసుకుని ఎంజాయ్ చేశారు. తమ కెరీర్, ప్రేమ, పెళ్లి గురించి అనేక విషయాలు వివరించారు. ‘కొత్త బంగారులోకం’ సినిమా సమయంలో వరుణ్ తేజ్ ను తొలిసారి చూసినట్లు చెప్పింది వితిక. అప్పుడు తాను స్కూల్లో చదువుతున్నట్లు వెల్లడించింది. ట్యూషన్ కు వెళ్లొస్తూ ఆయనను చూశానన్నది. వరుణ్ తేజ్ తో సినిమా చేసే అవకాశం వచ్చినప్పుడు చేయాలా? వద్దా? అని ఆలోచించినట్లు చెప్పింది. అందుకు కారణం వరుణ్ చాలా రొమాంటిక్ అనే టాక్ ఉందని చెప్పింది. ‘పడ్డానండి ప్రేమలో మరి’ సినిమా తర్వాత ఇద్దరూ ప్రేమలో పడినట్లు చెప్పింది. సినిమాలు, షికార్లు అంటూ తిరిగామన్నది. తమ ప్రేమకు ఇరు కుటుంబ సభ్యులు అంగీకారం చెప్పారని వెల్లడించింది.

జర్నీ అంటే ఎక్కడలేని నిద్ర వస్తుంది!

వరుణ్ తేజ్ కు జర్నీ అంటే తెగ నిద్ర వచ్చేస్తుందని చెప్పింది వితిక. బస్సు, కారు, రైలు, ఫ్లైట్ ఏదైనా జర్నీ స్టార్ట్  కాగానే నిద్రలోకి జారుకుంటాడని చెప్పింది. ప్రయాణంలో తనకు విండో సీట్ అంటే చాలా ఇష్టం అని చెప్పడు వరుణ్. ఈ సందర్భంగా వరుణ్ వితికతో కలిసి ‘దేవతా ఓ దేవతా’ అంటూ చక్కటి పాటను పాడాడు. పాటకు అనుగుణంగా ఇద్దరూ స్టెప్పులు వేస్తూ ఆకట్టుకున్నారు. ఒకానొక సమయంలో తాము చాలా ఇబ్బంది పడ్డామని చెప్పింది వితికా. తమ ఇద్దరి ఆలోచనలు ఒకేలా ఉండటం కారణంగా ఎన్ని సమస్యలు వచ్చినా ధైర్యంగా ఎదుర్కొని నిలబడినట్లు చెప్పింది. కొన్నిసార్లు చేతిలో డబ్బులు లేక అవస్థలు పడిన సందర్భాలున్నాయని చెప్పింది.  ఇక వరుణ్ అందంగా ఉండాటానికి చాలా ప్రయత్నాలు చేస్తాడని చెప్పింది వితిక. ఇందుకోసం ఫ్రిజ్ లో ఏముంటే అవి తీసుకుని ముఖానికి పూసుకుంటాడని చెప్పింది.   

ప్రస్తుతం ఈ ప్రోమో నెట్టింట వైరల్‌ అవుతోంది. సినిమాల విషయానికి వస్తే వరుణ్‌ సందేశ్‌ అడపాదడపా మూవీస్ చేస్తున్నాడు. తాజాగా సందీప్‌ కిషన్‌ ‘మైఖేల్‌’ సినిమాలో ఓ కీలక పాత్రతో మెప్పించాడు. ‘చిత్రం చూడర’ సినిమాలోనూ నటించాడు. మరికొన్ని సినిమాల గురించి చర్చలు జరుగుతున్నట్లు చెప్పాడు. జూన్ 13న ఈ షో ఫుల్ ఎపిసోడ్ ప్రసారం కానుంది.