Trinayani Serial Today August 9th: 'త్రినయని' సీరియల్: విశాలాక్షి పనికి బిత్తర పోయిన తిలోత్తమ, సుమమ, వల్లభ.. అంత పని నిజంగా చేశారా!
Trinayani Today Episode విశాలాక్షిని అవమానించిన తిలోత్తమ, సుమన, వల్లభలతో విశాలాక్షి సామాన్లు తోమే పని వాళ్లకు తెలీకుండానే చేయించడంతో ఇవాళ్టి ఎపిసోడ్ ఆసక్తికరంగా మారింది.
Trinayani Serial Today Episode మీరు ఏ పని చెప్పినా చేస్తాం నామూషీ లేదు అని డమ్మక్క అంటే సిగ్గు లేకుండా ఏ పని చేయడానికి అయినా రెడీ అని అంటున్నారని తిలోత్తమ అంటుంది. చిన్న పిల్లలు అలా అనొద్దని విశాల్ అంటాడు. దానికి దురంధర విశాలాక్షి చిన్న పిల్ల కానీ డమ్మక్క మాత్రం మా వయసుదే అని అంటుంది. ఇక నయని విశాలాక్షి వాళ్లని టిఫెన్ చేయడానికి పిలుస్తుంది. దానికి తిలోత్తమ వచ్చిందే దానికి అని అంటుంది.
విశాలాక్షి: ఈ పూట పని చేస్తే తప్ప తినడానికి ఏమీ పెట్టేలా లేరు అనుకుంటా.
విక్రాంత్: వాళ్ల మాటలకు ఏంటిలే కానీ మీరు రండి వదిన వడ్డిస్తారు.
డమ్మక్క: అలాగే పుత్ర.
సుమన: కొంచెం అయినా సిగ్గు ఉండాలి చెప్పగానే మెక్కుతా అనడానికి.
నయని: సుమన నోరు మూసుకో.
విశాలాక్షి: సుమన ఈ పనులు మాకు చేతకాక కాదు ఎవరు చేయాల్సిన పనులు వారు చేయాలని ఊరుకున్నాం.
తిలోత్తమ: అంటే ఏంటి మీ ఉద్దేశం మీరు మాత్రం దర్జాగా కూర్చొంటారు మేం పనులు చేయాలా.
విశాలాక్షి: ఇదేం పెద్ద పనో నాకు అర్థం కావడం లేదు.
వల్లభ: చెప్పడం కాదు చేయాలి.
విశాలాక్షి: చేస్తాం.
విక్రాంత్: మీరు వెళ్లి తినండి.
సుమన: ఈ పని చేసి తింటారులే.
నయని: మీరు ఎవరూ చేయొద్దులే నేను పిన్ని చేసుకుంటాం.
దురంధర: నయని నా వల్ల కష్టమే. అసలే ఇప్పుడు ఒట్టి మనిషిని కూడా కాదు నేను.
సుమన, తిలోత్తమలు కూడా మేం చేయలేం అని అంటారు. పని వాళ్లు రేపు వచ్చి చేస్తారని విశాల్ అంటాడు. ఇక విశాలాక్షి మేం పని చేస్తాం అంటుంది. దానికి నయని వద్దని అంటుంది. అలిసి పోతావ్ అంటే తిలోత్తమ అలిసిపోతుందో పైకే పోతుందో అని అంటుంది. ఇక సుమన విశాలాక్షి ఒక్కర్తే చేసేస్తుందని అంటుంది. విశాల్ సుమనని కోప్పడతాడు. నా వల్ల అవుతుందని విశాలాక్షి అంటుంది. ఇక విక్రాంత్ సుమన విశాలాక్షిని ఇబ్బంది పెట్టినందుకు తిడతాడు. చిన్న పిల్లతో పని చేయించావని నీ మీద కేసు పెడతానని అంటాడు. ఇక సుమన తన అక్క మీద కంప్లైంట్ ఇస్తా అంటుంది ఎందుకని విక్రాంత్ అడిగితే అనాథల్ని చేరదీస్తుందని అంటుంది. విక్రాంత్ లాగి పెట్టి ఒక్కటిస్తాడు. మరోవైపు నయని ఒక్కర్తే కూర్చొంటే విశాల్ వెళ్లి ఏమైందని అడిగితే విశాలాక్షి ఒక్కర్తే ఎలా చేస్తుందని టెన్షన్ పడుతుంది.
దురంధర, పావనా మూర్తి హాల్ లోకి వచ్చే సరికి విశాలాక్షి ధ్యానం చేస్తుంటుంది. డమ్మక్క వచ్చి విశాలాక్షి పనంతా చేసేసిందని అంటుంది. ఇద్దరూ షాక్ అయిపోయి అందర్ని పిలుస్తారు. ఇంత తక్కువ టైంలో ఎలా అయిపోయిందని బిత్తర పోతారు. ఇంతలో తిలోత్తమ, సుమన, వల్లభలు వస్తారు. ముగ్గురి ముఖాలకు సామాను తోమిన మరకలు అంటుకుంటాయి. అందరితో పాటు ముగ్గురు ముఖాలు ఒకర్ని ఒకరు చూసుకొని బిత్తర పోతారు. ఇక విశాలాక్షి మీ ముగ్గురే పని చేశారని అంటుంది. ఇక డమ్మక్కకి సామాను చూపించమని అంటే వాటిని చూపిస్తే ధగధగ మెరిసిపోతుంటాయి. వాటిని చూసి అందరూ షాక్ అయిపోతారు.
వాటిని సుమన, తిలోత్తమ, వల్లభలే చేశారని అంటుంది. మీరే వాటిని శుభ్రం చేయడానికి కష్టపడ్డారని అంటుంది. ఇక డమ్మక్క మీ ముగ్గురు చేయకపోతే చేతులకు మసి ఎలా అంటిందని అడుగుతుంది. ముగ్గురు చేతులకు మసి చూసి షాక్ అవుతారు. చేతులు కూడా కడుక్కోకుండా ఉన్నారు అంటే మీ కష్టాన్ని గుర్తించాలని అన్నారు కదా అని నయని అంటుంది. ముగ్గురు సామాను క్లీన్ చేశారు కానీ గుర్తు లేదని విశాలాక్షి అంటుంది. అంత స్ఫృహ లేకుండా ఉన్నారా అని విశాల్ అడుగుతాడు. దీంతో ఇవాళ్టి ఎపిసోడ్ పూర్తయిపోతుంది.
టాప్ హెడ్ లైన్స్
ట్రెండింగ్ వార్తలు
