Podharillu Serial Today Feb 11th: నారాయణను అరెస్ట్ చేసి తీసుకెళ్లిన పోలీసులు..తండ్రి స్టేషన్కు వెళ్లినా ఏం పట్టనట్లు వ్యవహరిస్తున్న కొడుకులపై మండిపడిన మహా...
Podharillu Serial Today Episode February 11th:నారాయణను అరెస్ట్ చేసి తీసుకెళ్లిన పోలీసులు..తండ్రి స్టేషన్కు వెళ్లినా ఏం పట్టనట్లు వ్యవహరిస్తున్న కొడుకులపై మండిపడిన మహా...
Podharillu Serial Today Episode: మహా ఇంట్లో నుంచి వెళ్లిపోళ్లిపోయిన దగ్గర నుంచి ప్రతాప్ చాలా బాధపడుతూనే ఉన్నాడు. అసలు బయటకు రాకుండా ఇంట్లోనే ఉండటం చూసి ఆదితోపాటు భార్య కూడా చాలా ఫీలవుతుంది. మీటింగ్కు రమ్మని ఆది పిలవగా...వాళ్లకు నా ముఖం చూపించలేనని ప్రతాప్ అంటాడు. నువ్వు బిజినెస్ మొత్తం చూసుకోలేనంటే ఈ బిజినెస్ ఇక ఆపేద్దామని అంటాడు. మహా చేసిన పనికి మన కుటుంబం ఇలా అయిపోతుందని కలలో కూడా ఊహించలేదని ప్రతాప్ భార్య చాలా బాధపడుతుంది. దాన్ని అల్లారుముద్దుగా పెంచితే చివరకు మనకు కన్నీళ్లు మిగిల్చిందని అంటుంది. పోనీ అక్కడ అది కూడా సుఖంగా ఉండి ఉండదని బాధపడుతుంది. డబ్బులో పుట్టి పెరిగిన పిల్ల ఆ పేద ఇంట్లో ఎన్ని కష్టాలు పడుతోందని కుమిలిపోతుంది. అసలు ఆ డ్రైవర్తో లేచిపోయి పెళ్లి చేసుకోవడానికి దానికి మనసు ఎలా వచ్చిందోనని అంటుంది. ఈ మాటలన్నీ విన్న నిహారిక చాలా బాధపడుతుంది. మహా గురించి మీరంతా తప్పుగానే అర్థం చేసుకుంటున్నారని అంటుంది. ఇంతలో ఆది అడ్డుపడగా...ఇప్పటికైనా నన్ను మాట్లాడనివ్వండని అంటుంది. మీరంతా ఒక్కసారి గుర్తుచేసుకోండి....మీవల్లే మహా ఇల్లు దాటి వెళ్లిపోయిన సంగతి మీకు తెలుస్తుందని అంటుంది. ఎందుకంటే....ఆ భూషన్ను పెళ్లిచేసుకోనని మిమ్మల్ని ఎన్నిసార్లు ఎంతగా బ్రతిమాలిందో గుర్తుచేసుకోండని అంటుంది. అతను చాలా ఇబ్బందిపెట్టడం వల్లే మహా గడపదాటి బయటకు వెళ్లాల్సిన పరిస్థితి వచ్చిందని అంటుంది.కాబట్టి మీరు చేసినతప్పుకు ఆమెను ఎందుకు నిందిస్తారని నిలదీస్తుంది. మరి ఆ డ్రైవర్తో ఎందుకు వెళ్లిపోయిందిని ఆది ప్రశ్నిస్తాడు. తను కేవలం డ్రైవర్ సాయం మాత్రమే తీసుకుందని కానీ పోలీసుస్టేషన్కు వెళ్లిన తర్వాత ఏం జరిగిందో నాకు తెలియదని అంటుంది. పోలీసుస్టేషన్లో కూడా మీరు ఆమెను ఇంటికి రమ్మని పిలిస్తే వచ్చేదని...కాకపోతే మీరు భూషణ్తో పెళ్లి చేస్తామని చెప్పడం వల్లే రాలేకపోయి ఉంటుందని అంటుంది. ఈ విషయం మీరే చెప్పాలని అడగ్గా...ప్రతాప్ మౌనం వహిస్తాడు. మహా ఆ డ్రైవర్తో ఇష్టపడే వెళ్లిందని అనడానికి నా దగ్గర ఆధారాలు ఉన్నాయంటూ వాళ్ల రిసెప్షన్ వీడియో చూపిస్తాడు. నిజంగా తనకు ఇష్టం లేకపోయి ఉంటే...వాడిపక్కన వాడి పెళ్లాం మాదిరిగా ఎందుకు నిల్చుంటుందని నిలదీస్తాడు. ఆ వీడియో చూసిన ప్రతాప్ కోపంగా లేచి వెళ్లిపోతాడు. తండ్రి ఆస్పత్రిలో ఉన్నాడని కూడా లేకుండా మహా ఇలాంటి పని ఎలా చేసిందని వాళ్ల అమ్మ మండిపడుతుంది.
హాస్టల్ కోసం వెళ్లి వెనక్కి తిరిగి వస్తారు మహా, చక్రి. మనం హాస్టల్ కోసంవెళ్లి వచ్చిన సంగతి మా ఇంట్లో ఎవరికి చెప్పొద్దని చక్రి కోరతాడు. ఎందుకంటే మన మధ్య జరిగిన విషయం మా పెద్దన్నయ్యకు తప్ప ఇక్కడ ఇంకెవరికీ తెలియదని కాబట్టి మనం ఇప్పుడే చెప్పొద్దని అంటుంది. ఇవాళ కాకపోయిన రేపు తెలుస్తుంది కదా అని అనగా...అందుకోసం ఇప్పటి నుంచే వాళ్లను బాధపెట్టడం ఎందుకని అంటాడు. దీనికి మహా సరేనంటుంది.అప్పుడే పోలీసులను తీసుకుని చక్రి వాళ్ల పెద్దనాన్న వస్తాడు.నాపై హత్యాయత్నం చేశారంటూ వాళ్లపై కంప్లైంట్ ఇస్తాడు. ఇంతలో నారాయణ బయటకు వచ్చి పోలీసుల ముందే వాళ్ల అన్నపై రంకెలు వేస్తాడు. దీంతో పోలీసులకు కోపం వచ్చి నారాయణను తీసుకుని వెళ్తారు. నారాయణ స్టేషన్కు వెళ్లిన ఇంట్లో ఎవరూ పెద్దగా పట్టించుకోకపోవడం చూసి మహా నిలదీస్తుంది. ఇదంతా మాకు అలవాటేనని వాళ్ల అన్నయ్య కేసు పెట్టాడు కాబట్టి పోలీసులు కూడా పెద్దగా పట్టించుకోరని అంటారు. రేపు వాళ్లే వదిలేస్తారని చెప్పడంతో అందరూ ఇంట్లోకి వెళ్లిపోతారు. రాత్రి భోజనాలు చేసే సమయంలో మహా నారాయణ మంచం వైపే చూస్తుంటుంది. మిగిలిన వాళ్లు ఎవరూ పెద్దగా పట్టించుకోకపోవడం చూసి ఆమెకు ఆశ్చర్యమేస్తుంది. మీతోపాటు ఉంటే మీ ఇంట్లో మనిషి ఇవాళ స్టేషన్లో ఉన్నాడంటే మీకు ఏం కానట్లే ఎలా ప్రవర్తిస్తున్నారని నిలదీస్తుంది. మీ నాన్నగారిని పోలీసులు తీసుకెళ్లినా మీకు బాద వేయడం లేదా అని అడుగుతుంది.
టాప్ హెడ్ లైన్స్
ట్రెండింగ్ వార్తలు
