Jagadhatri Serial Today March 30th: శ్రీవల్లిని దత్తతు అడ్డుకోవడానికి వైజయంతి చేసిన సాహసం ఏంటి..? ఇంతకీ శ్రీవల్లిని దత్తతు తీసుకున్నారా లేదా..?
Jagadhatri Serial Today Episode March 30th:శ్రీవల్లిని దత్తతు తీసుకుంటానన్న సుధాకర్‌...అడ్డుకోవడానికి నిషిక వాళ్లు వేసిన ప్లాన్ అడ్డుకున్న జగధాత్రి
Jagadhatri Serial Today Episode: శ్రీవల్లి దత్తతు కార్యక్రమానికి అన్ని ఏర్పాట్లు చేయగా...జగధాత్రి అదే పనిగా ఆలోచిస్తుంటుంది. ఏమైందని కేదార్ అడగ్గా...ఇన్నాళ్లు శ్రీవల్లిని అత్తయ్యగారు అసహ్యించుకున్నా...యువరాజు మాత్రం చెల్లిగానే ఆదరించాడని అంటుంది. కానీ ఇప్పుడు కనీసం శ్రీవల్లిని చూస్తేనే కోపంతో రగిలిపోతున్నాడు ఎందుకోనని అంటుంది. అది కూడా అనాథ ఆశ్రమం నుంచి మేనేజర్ వచ్చి వెళ్లిన నాటి నుంచే ఇలా చేస్తున్నాడని చెప్పడంతో కేదార్ కూడా నిజమేనంటాడు. నాకు తెలిసి శ్రీవల్లి తల్లి ఫొటోనే యువరాజు బెదిరించి మార్పించి ఉంటాడని ధాత్రి అంటుంది.
ఆరోజు కూడా మేనేజర్ ఫొటో తీసుకురమ్మని అసిస్టెంట్‌కు చెప్పినప్పుడు కూడా యువరాజు ఇంట్లో లేడని...ఖచ్చితంగా దారికాచి యువరాజు ఫొటో మార్పించి ఉంటాడని అంటుంది. అయితే అసలు శ్రీవల్లి తల్లి ఫొటో ఇక్కడే ఇంట్లో ఉండి ఉండాలని జగధాత్రి చెబుతుంది. ఇప్పుడు శ్రీవల్లి దత్తత కార్యక్రమం జరుగుతుంది కాబట్టి వీళ్లంతా ఇక్కడే ఉంటారని...మనం వెళ్లి నిషిక రూమ్‌లో వెతికితే ఫొటో దొరుకుతుందని చెప్పడంతో ఇద్దరూ కలిసి నిషిక రూమ్‌కు వెళ్తారు. అక్కడ అన్నిచోట్ల ఫొటో కోసం వెతుకుతుంటారు. మొగుడు, పెళ్లాలిద్దరూ కనిపించకుండాపోవడంతో నిషికకు అనుమానం వస్తుంది. వాళ్లను వెతుక్కుంటూ ఇద్దరూ తమ గదిలోకి వెళ్తారు. అప్పుడే ధాత్రికి ఫొటో దొరుకుతుంది కానీ అది చూడదు.
అప్పుడే అక్కడికి వచ్చిన నిషిక ఆ ఫొటో లాక్కుంటుంది. ఇద్దరూ గొడవపడుతుండగా....ఆ ఫొటో ఎగిరి టేబులు కిందపడిపోతుంది. ఎందుకు ఈ రూమ్‌లోకి వచ్చారని యువరాజు నిలదీయగా...శ్రీవల్లి అసలు తల్లి ఎవరో కనుక్కునేందుకు వచ్చామని చెబుతారు. దీంతో నలుగురు గొడవపడుతుండగా...కౌషికి అక్కడికి వస్తుంది. కింద దత్తతు కార్యక్రమం జరుగుతుంటే మీరు ఇక్కడ ఏం చేస్తున్నారని నిలదీయగా...అందరూ కిందకు వచ్చేస్తారు.
సుధాకర్‌ శ్రీవల్లిని దత్తత తీసుునేందుకు పూజలో కూర్చుండగా....నిషిక, యువరాజు ఆందోళన చెందుతుంటారు. నేను బతికి ఉన్నంత వరకు ఈ కార్యక్రమం జరగనివ్వనని....మీరు ఏం కంగారుపడొద్దని చెప్పి వైజయంతి వెళ్లి పూజలో కూర్చుంటుంది. ఈ కార్యక్రమం ఆపేందుకు వీళ్లు ఏం చేయడం లేదని కేదార్ అనగా....అత్తయ్యగారు అంత కంగారుగా లేరంటే ఆమె ఏదో ప్లాన్ వేసి ఉంటుందని ధాత్రి అంటుంది.
ఇంతలో ఉన్నట్టుండి వైజయంతి నోటిలో నురగతో పడిపోతుంది. ఏం జరిగిందని చూడగనా ఆమె విషం తాగుతుంది. తనకు ఈ దత్తతు కార్యక్రమం ఇష్టం లేదని...అందుకే చనిపోవాలని అనుకున్నట్లు చెబుతుంది. దీంతో కంగారుపడిన సుధాకర్‌...నేను శ్రీవల్లిని దత్తతు తీసుకోనని మాట ఇవ్వడంతో ఆమెను ఆస్పత్రికి తరలిస్తారు.
ఆస్పత్రి బయట శ్రీవల్లిపై యువరాజు, నిషిక మండిపడతారు.ఈ మహాతల్లి ఇంట్లో అడుగుపెట్టినప్పటి నుంచి అన్ని గొడవలే జరుగుతున్నాయని అంటారు. అత్తయ్యగారికి ఏమైనా అయ్యిందంటే దానికి ఈ శ్రీవల్లియే కారణమని అంటారు. దీంతో శ్రీవల్లి చాలా బాధపడి ఏడుస్తుంది. ఇంతలో జగధాత్రి కలుగజేసుకుని ఇందులో తన తప్పేముందని ప్రశ్నిస్తుంది. దీంతో యువరాజు కోపంతో మరింత రెచ్చిపోతాడు.
అసలు మీరు ఎవరు మాట్లాడటానికి మర్యాదగా ఇక్కడి నుంచి వెళ్లిపొమ్మని అంటాడు. కేదార్‌ను కొట్టడానికి అతని మీదకు యువరాజు వెళ్లగా....జగధాత్రి యువరాజును తోసేస్తుంది. కౌషికి కలుగజేసుకుని అసలు ఇక్కడ ఏం జరుగుతోందని మండిపడుతుంది. ఒకపక్క పిన్ని ప్రాణాపాయస్థితిలో ఉంటే... మీరు ఇక్కడ కొట్టుకుంటారా అని ఆగ్రహం వ్యక్తం చేస్తుంది. అయినా వాళ్లు ఇక్కడ ఉంటే నీకు వచ్చిన ఇబ్బంది ఏంటని సుధాకర్‌ కొడుకుపై కోపం వ్యక్తం చేస్తాడు.
వీళ్లంతా ఆస్తికోసమే నాటకాలు అడుతున్నా మీకు ఎందుకు అర్థం కావడం లేదని నిషిక...సుధాకర్‌ను నిలదీస్తుంది. శ్రీవల్లి కలుగజేసుకుని నేను ఆస్తికోసం రాలేదు అన్నయ్య అని యువరాజు దగ్గరకు వెళ్తుంది. నన్ను అన్నయ్య అని పిలవొద్దని చెప్పాను కదా అంటూ ఆమెపై యువరాజు చేయిచేసుకోవడంతో కేదార్ కలుగుజేసుకుని యువరాజు చొక్కా పట్టుకుంటాడు. ఇంతలో డాక్టర్‌ వచ్చి వైజయంతికి బాగానే ఉందని చూడొచ్చని చెప్పగా...అందరూ లోపలికి వెళ్తారు.అక్కడ శ్రీవల్లి కనిపించకపోయేసరికి ఆమెను వెతుకుతూ కేదార్, ధాత్రి వెళ్తారు.
టాప్ హెడ్ లైన్స్
ట్రెండింగ్ వార్తలు
