Jagadhatri Serial Today March 2nd:నిషిక చెంప చెళ్లుమనిపించిన జగధాత్రి..? అక్క ధాత్రికి నిషిక ఏం సవాల్ విసిరింది

Jagadhatri Serial Today Episode March 2nd: నిషిక చెంప చెళ్లుమనిపించిన జగధాత్రి..? అక్క ధాత్రికి నిషిక ఏం సవాల్ విసిరింది

జగద్ధాత్రి సీరియల్ టుడే ఏపిసోడ్

Source : youtube

Jagadhatri Serial Today Episode :  జగధాత్రి, కేదార్‌ లేకుండా ఈ ఎంగేజ్‌మెంట్ చేసుకోనని శ్రీవల్లి మొండికేస్తుంది.ముహూర్తం దాటిపోతుందని...వాళ్లు వచ్చేస్తుంటారే అని నిషిక చెప్పినా సరే శ్రీవల్లి ససేమీరా అనడంతో...కౌషికి వాళ్లు ఎక్కడికి వెళ్లారని అడుగుతుంది.ఇక్కడే ఎక్కడో ఉండి ఉంటారని వైజయంతి చెప్పడంతో....ఫోన్‌ చేస్తాను ఉండంటూ కౌషికి ఫోన్ దగ్గరకు వెళ్తుంది. ఫోన్ స్విచ్ఛాప్‌ చేసి ఉండటం చూసి ఆశ్చర్యపోతుంది. ఛార్జింగా ఉన్నాగానీ ఫోన్ ఆగిపోయిందేంటని  అనుకుంటుంది.

 

ఫోన్ ఆన్ చేసి చూడగా....అప్పటికే జగధాత్రి చాలాసార్లు ఫోన్ చేసి ఉండటం చూసి తిరిగి ఆమెకు ఫోన్ చేస్తుండగా....అప్పుడే జగధాత్రి, కేదార్ ఇంటికి వస్తారు.ఇప్పటి వరకు ఎక్కడికి వెళ్లిపోయారని అడగ్గా....సురేష్‌ అన్నయ్యను ఎవరో కిడ్నాప్ చేశారని చెప్పడంతో నిషిక, వైజయంతి, యువరాజులో ఆందోళన మొదలవుతుంది. తమ గుట్టు బయటపడుతుందేమోనని చాలా భయపడతారు. జగధాత్రి చెప్పిన మాటలకు కౌషికి షాక్‌ తింటుంది.సురేష్ ఇక్కడే ఎక్కడో ఉండి ఉంటారని అనగా...చాలాసేపటి నుంచి కనిపించడంలేదని సుధాకర్‌ చెబుతాడు. సురేష్‌ బావ ఇంట్లోనే ఉన్నాడని...ఇక్కడే అతన్ని దాచిపెట్టారని తెలుసుకుని ఇక్కడికి వచ్చామని కేదార్ చెప్పడంతో నిషిక, వైజయంతి ఇంకా భయపడతారు. వెంటనే ఆయన్ను వెతికి పట్టుకోకపోతే ఆయన ప్రాణాలకే ప్రమాదమని చెబుతాడు.

 

ఇంట్లో అందరూ సురేష్‌ కోసం వెతుకుతుంటారు.మనం కూడా వెతక్కపోతే అందరికీ అనుమానం వస్తుందని చెప్పి నిషిక, వైజయంతి, యువరాజు కూడా వెతుకుతారు. ఎంతసేపటికీ సురేష్ కనిపించకపోవడంతో ఇక పోలీసులకు ఫిర్యాదు చేద్దామని కౌషికి అంటుంది. సుధాకర్‌ను తీసుకుని పోలీసుస్టేషన్‌కు బయలుదేరుతుంది. వాళ్ల వెంట యువరాజు కూడా వెళ్తాడు. కానీ జగధాత్రికి సురేష్‌ను ఇంట్లోనే దాచిపెట్టారని తెలుస్తుంది.ఎలా అనిడితే...నిషిక నాకు చెప్పడానికి వచ్చినప్పుడు ఆమె కాళ్లు తడిచి ఉన్నాయని చెబుతుంది. వెంటనే అండర్‌గ్రౌండ్ వాటర్‌ ట్యాంక్‌ వద్దకు వెళ్తుంది.కేదార్ వచ్చి దాని మూత తీయగానే...అందులో సురేష్ ఉండటం చూసి అందరినీ పిలుస్తారు.

 

కేదార్‌, యువరాజు కిందకు దిగి సురేష్‌ను బయటకు తీసుకొస్తారు.అప్పటికే చాలాసేపటి నుంచి ఊపిరి ఆడకపోవడంతో సురేష్‌ స్పృహతప్పిపోతాడు.కేదార్ వెంటనే సీపీఆర్‌ చేసి అతన్ని బతికిస్తాడు. మెలువకలోకి వచ్చిన తర్వాత సురేష్‌ తనను వెనక నుంచి ఎవరో కొట్టిలోపల పడేశారని చెబుతాడు. అతనికి ఏం కాలేదు కదా ఇక ఇంట్లోకి వెళ్లిపోదామని వైజయంతి అందరినీ లోపలకి తీసుకెళ్తుంది.

నిషిక కూడా వెళ్లబోతుంటే....జగధాత్రి చేయిపట్టి ఆపి లాగిపెట్టి చెంపపై కొడుతుంది. నువ్వు అసలు మనిషివే కాదని తిడుతుంది. మీ పంతం కోసం ఒక మనిషి ప్రాణాలమీదకు తెస్తారా అని నిలదీస్తుంది. నాకేం తెలుసని నిషక అనగా...ధాత్రి గట్టిగా మండిపడుతుంది. శ్రీవల్లి ఎంగేజ్‌మెంట్ నుంచి మమ్మల్ని బయటకు పంపించడానికి మీరే సురేష్‌ను కిడ్నాప్ చేసి దాచిపెట్టారని నాకు తెలుసు అని అనగానే నిషిక షాక్‌కు గురవుతుంది. ఎందుకు ఇదంతా చేశావని నిలదీయగా...నీపై గెలవడమే నాకు ముఖ్యమని, అందుకు ఏమైనా చేస్తానని అంటుంది.

 

మన ఇంట్లో కుక్కినపేనులా పడి ఉండేదానివని...ఇప్పుడు ఇక్కడ రెచ్చిపోతుంటే నేను చూస్తూ ఊరుకోనని అందుకే నీమీద గెలవడం కోసం నేను ఏమైనా చేస్తానని నిషిక అంటుంది. మన సంగతి వదిలేయ్‌...మరి ఆ వచ్చిన పెళ్లికొడుకు ఫ్రాడ్‌ అని నీకు తెలిసి కూడా ఎందుకు శ్రీవల్లి గొంతుకోస్తున్నావ్‌ అని అనగా...అడ్డమైన వాళ్లకి ఆశ్రయం ఇవ్వడానికి ఇది ధర్మసత్రం కాదని...అందుకే దాన్ని పెళ్లి చేసి వెళ్లగొడుతున్నామని చెబుతుంది. ఇప్పుడు నీకు తెలిసిపోయింది కదా దమ్ముంటే ఆపుకోమని సవాల్‌ విసిరి వెళ్లిపోతుంది. ముహూర్తం దాటిపోవడంతో పంతులుగారు 10నిమిషాలు ఆగుదామని అంటాడు.ఇంతలో మీనన్‌ కౌషికి వాళ్ల ఇంటికి వస్తాడు. నేను బెదిరించినా కూడా కౌషికి భయపడకుండా ఇంట్లోనే ఎంగేజ్‌మెంట్‌ ఏర్పాట్లు చేసిందని...ఖచ్చితంగా ఈ ఇంట్లో ఎవరైనా చంపి దానికి నేనేంటో చూపిస్తానని అంటాడు. కౌషికి ఎంతో ఇష్టమైన  వాళ్ల బాబాయి సుధాకర్‌ను చంపడానికి గన్‌ తీసుకుని కౌషికి వాళ్ల ఇంటికి వస్తాడు.