Jagadhatri Serial Today March 18th: జగధాత్రిపై రేవతి చేయిచేసుకోవడానికి కారణమేంటి..? మీనన్ బతికే ఉన్నాడని జేడీ, కేడీకి తెలిసిపోయిందా...?
Jagadhatri Serial Today Episode March 18th: జగధాత్రిపై రేవతి చేయిచేసుకోవడానికి కారణమేంటి..? మీనన్ బతికే ఉన్నాడని జేడీ, కేడీకి తెలిసిపోయిందా...?
Jagadhatri Serial Today Episode : మామయ్య డైరీ చూసిన జగధాత్రి...తన తల్లి చావుకు మామయ్యే కారణమని తెలుసుకుని బాధపడుతుంది. ఈ విషయం అందరికీ చెప్పేద్దామని కేదార్ అంటాడు. లేకపోతే మీ అమ్మ ఎప్పటికీ తప్పు చేసిన దానిలా నింద అనుభవించాల్సి వస్తుందని చెబుతాడు. మామయ్యను దేవుడిలా భావిస్తున్న మా అత్తయ్యకు ఈ నిజం చెప్పలేనని జగధాత్రి అంటుంది.
తప్పు చేసిన వాళ్ల కూతురు అనుభవించే నరకం ఎలా ఉంటుందో నాకు ప్రత్యక్ష అనుభవం ఉందని...ఆ బాధ యామిని పడటానికి వీళ్లేదని అంటుంది. ఇప్పుడు అందరి దృష్టిలో వాళ్లు చెడ్డవాళ్లు కావడం నాకు ఇష్టంలేదని చెబుతుంది. మా అమ్మ చావుకు కారణం ఏంటో మరో రూపంలో నిరూపిద్దాం కానీ...ఇప్పుడు ఈ నిజం బయటపెట్టలేనని చెబుతుంది. వీళ్లు ఇలా మాట్లాడుకుంటుండగా....నిషిక ఇంట్లో అందరినీ తీసుకుని జగధాత్రి, కేదార్ ఉన్న గదిలోకి వస్తుంది.
ఇంతకు ముందు ఇది ఇక్కడే ఉందని నేను చెబితే ఎవరూ నమ్మలేదు కదా...ఇప్పుడు ప్రత్యక్షంగా చూస్తున్నారు కదా అని అంటుంది. ఈ గదిలో ఆస్తి పేపర్లు కోసం వెతుకుతుందని చెబితే నమ్మలేదు కదా అని కౌషికిని నిలదీస్తుంది. దీంతో రేవతి రెచ్చిపోయి జగధాత్రిపై చేయి చేసుకుంటుంది. నీకు ఎన్నిసార్లు చెప్పాను నా భర్త గదిలోకి రావొద్దని...అయినా ఎందుకు వచ్చావని నిలదీస్తుంది.
ఆయనకు చెందిన వస్తువులు ముట్టుకోవడానికి నీకు ఎంత ధైర్యం అంటూ తిడుతుంది. నిన్ను మెడపట్టుకుని బయటకు గెంటేసినా...ఇంకా నువ్వ ఈ ఇల్లుపట్టుకుని వ్రేలాడుతున్నావంటూ మరోసారి జగధాత్రిని మెడపట్టుకుని బయటకు గెంటేస్తుంది. కేదార్ నిజం చెప్పడానికి ప్రయత్నిస్తుండగా...ధాత్రి భర్తను అడ్డుకుంటుంది. నేను బతికి ఉండగా నువ్వు ఈ ఇంట్లో అడుగుపెట్టావంటే నేను చచ్చిపోయినంత ఒట్టేనంటూ రేవతి అంటుంది. తీవ్రమై అవమానభారంతో కేదార్ను తీసుకుని జగధాత్రి అక్కడి నుంచి వెళ్లిపోతుంది. జగధాత్రిని కొట్టి మీరు తప్పుచేశారంటూ కౌషికి రేవతిని అంటుంది.
జగధాత్రిని ఇంట్లో నుంచి వెళ్లగొట్టడంతో యామిని తల్లిపై ఆగ్రహం వ్యక్తం చేస్తుంది. అది తప్పు చేస్తే నువ్వు నన్ను అంటున్నావేంటని రేవతి కూతురుని నిలదీస్తుంది. దీంతో యామిని తన తండ్రి గదిలోకి తల్లిని తీసుకెళ్లి డైరీ చేతికిస్తుంది. తప్పు చేసింది అత్తయ్య కాదని నాన్న అంటూ చెబుతుంది. నాన్నచేసిన మోసానికి అత్తయ్య బలైందని అంటుంది. ఈ విషయం జగధాత్రికి తెలిసినా కూడా మన పరువుపోకూడదని నిజం చెప్పకుండా నోరుమూసుకుని అవమానంతో వెళ్లిందని చెబుతుంది.
దీంతో రేవతి తన భర్త డైరీ చూసి షాక్కు గురవుతుంది. తన భర్త మీనన్తో చేతులు కలపడం వల్లే జగధాత్రి వాళ్ల అమ్మ చనిపోయిందని తెలుసుకుని ఏడుస్తుంది. చిన్నప్పటి నుంచి ఎన్ని అవమానాలు పెట్టామో గుర్తుచేసుకుని బాధపడుతుంది. నేను ధాత్రి కాళ్లుపట్టుకుని క్షమాణలు చెబితే గానీ నా మనసు శాంతించదని జగధాత్రి కోసం బయటకు వెళ్తుంది. అప్పుడే కేదార్ జగధాత్రి వెళ్లిపోగా...వెనక ఆటోలో వాళ్లను వెంబడిస్తుంది.
జగధాత్రికి రమ్య ఫోన్ చేసి...మీనన్ ఉండే డెన్లో ఏదో కదలిక ఉందని ఇన్ఫార్మర్ నుంచి మెసేజ్ వచ్చిందని చెప్పడంతో ధాత్రి, కేదార్ అక్కడికి బయలుదేరతారు. అప్పటి వరకు కనిపించిన ధాత్రి...ఒక్కసారిగా మాయమవ్వడంతో రేవతికి ఏం అర్థం కాదు.అప్పుడే జేడీ రూపంలో రావడం చూసి...రేవతి షాక్ తింటుంది.అంటే మా జగధాత్రే జేడీ అన్నమాట అని తెలుసుకుంటుంది. వాళ్ల అమ్మకు ఇచ్చిన మాట ప్రకారం పెద్ద పోలీసుు ఆఫీసర్ అయ్యిందని తెలుసుకుని సంతోషిస్తుంది.
మీనన్లాంటి వాళ్లను గడగడలాడించిన జేడీయే జగధాత్రి అని తెలుసుకుని మురిసిపోతుంది. ఇంత పెద్ద పోలీసు ఆఫీసర్ అయ్యి ఉండి కూడా మేం పెట్టిన అవమానాలు భరించిందని అనుకుంటుంది. రమ్య చెప్పిన గోదాం వద్దకు వెళ్లిన జేడీ, కేడీ...అక్కడ మీనన్ను చూస్తారు. పారిపోయేందుకు ప్రయత్నిస్తున్న మీనన్ను ఆపుతారు. మీనన్ వేసిన ప్లాన్ తెలుసుకుని ఆశ్చర్యపోతారు.
Before You Go
Serial Actress Preethi Srinivas Real Life Facts | సీరియల్ నటి ప్రీతి శ్రీనివాస్ రియల్ లైఫ్ సీక్రెట్స్
టాప్ హెడ్ లైన్స్
ట్రెండింగ్ వార్తలు
