Jagadhatri Serial Today Feb 26th: శ్రీవల్లి ఎంగేజ్మెంట్ జరిగిందా..? సురేష్బావను యువరాజు ఎందుకు కిడ్నాప్ చేశాడు...?
Jagadhatri Serial Today Episode February 26th: శ్రీవల్లి ఎంగేజ్మెంట్ జరిగిందా..? సురేష్బావను యువరాజు ఎందుకు కిడ్నాప్ చేశాడు...?
Jagadhatri Serial Today Episode : గంజాయి డీలర్ను అరెస్ట్ చేయమంటూ ఫోన్లో రమ్యకు జగధాత్రి చెబుతుండగా....అప్పుడే అక్కడికి వచ్చిన కౌషికి వింటుంది. చివరి మాటలు మాత్రమే విన్న కౌషికి....ఫోన్లో ఎవరితో మాట్లాడుతున్నావని ధాత్రిని నిలదీస్తుంది. దీంతో జగధాత్రికి ఏం చెప్పాలో అర్థంగాక అయోమయంగా చూస్తుండగా...అప్పుడే అక్కడికి వచ్చిన కేదార్ తనతోనే ఫోన్లో మాట్లాడుతోందని చెప్పి తప్పిస్తాడు. ఎందుకు అలా మాట్లాడుకుంటున్నారని అడగ్గా....తను నామీద అలిగింది కదా అందుకే ఫోన్లో బుజ్జగిస్తున్నానని చెబుతాడు. వాళ్లిద్దరూ చెప్పిన మాటలు కౌషికి నమ్మదు. వీళ్ల కంగారు చూస్తుంటే నా దగ్గర ఏదో దాస్తున్నారని అనిపిస్తోందని కౌషికి అనుకుంటుంది. ఒకవేళ వీళ్లు నిజంగా చెడ్డవాళ్లా...నా దగ్గర మంచివాళ్లలా నటిస్తున్నారా అని కూడా అనుమానిస్తుంది. మరి ఎందుకు నా దగ్గర కొన్ని విషయాలు దాస్తున్నారని తనలో తాను అనుకుంటుంది. ఎలాగైతో వదిన దగ్గర నుంచి తప్పించుకున్నామని జగధాత్రి ఊపిరి పీల్చుకుంటుంది. ఇంతలో పెళ్లికొడుకు వాళ్లతో నిషిక, వైజయంతి నవ్వుతూ మాట్లాడుతుండటం చూసి జగధాత్రి, కేదార్ షాక్కు గురవుతారు. ఒకరినొకరు కొట్టుకుని చస్తారనుకుంటే వీళ్లేంటే ఇంత ఆనందగా ఉన్నారని అనుకుంటారు. బహుశా మన ప్లాన్ బెడిసికొట్టిందనుకుంటా అని కేదార్ అంటాడు. వీళ్ల ముఖాలు మాడిపోవడం చూసి నిషిక, వైజయంతి ఆనందపడతారు.
అప్పుడే సుధాకర్ ప్రెండ్ ప్రసాద్ ఇంటికి వచ్చి ఏంటిరా ఇంట్లో హడావుడి అని అనగా...నా కూతురుకి ఎంగేజ్మెంట్ జరుగుతోందని చెబుతాడు. మీ అమ్మాయి పెళ్లి ఎప్పుడో చేశావు కదా అని అంటే ఈ అమ్మాయి నాకూతురు కాదని...మా ఆవిడ కూతురుని చెప్పడంతో వైజయంతికి చిర్రెత్తుకొస్తుంది. వెంటనే అక్కడికి వచ్చి వాళ్ల ఆయనపై మండిపడుతుంది. జోకులు వేయడానికి ఇది సమయం కాదని చెప్పి....ఆ అమ్మాయి మా ప్రెండ్ వాళ్లు కుమార్తెని వాళ్లు చనిపోవడంతో మేమే అన్నీ అయ్యి పెళ్లి చేస్తున్నామని చెప్పి సర్దిచెబుతుంది. సుధాకర్పై తీవ్రస్థాయిలో మండిపడుతుంది. యువరాజు కూడా వాళ్ల నాన్నపై కోప్పడతాడు.అమ్మ గురించి ఎందుకు అందరికీ ఇలా చెడుగా చెబుతున్నారని అంటాడు. ఉన్నమాటే కదరా నేను అంటోంది అని అంటాడు. అది తప్పు చేసినందుకు కూడా నాకు బాధలేదురా...కానీ కన్న కూతురిని కనీసం మనిషిలా కూడా చూడటం లేదని మండిపడతాడు. ఇంతలో నిషిక కూడా ఈ జాగ్రత్తలు పెళ్లికి ముందు తీసుకుంటే బాగుండేదని అనడంతో వైజయంతికి మరింత కోపం వస్తుంది. నిషిక, యువరాజను పక్కకుతీసుకెళ్లి గట్టిగా మందలిస్తుంది. నోటికి ఎంత మాట వస్తే అంత అంటావా అని నిషికపై మండిపడుతుంది. ఆ శ్రీవల్లి నాకూతురు కాదని మీకు ఎన్నిసార్లు చెప్పినా వినరేంటని అంటుుంది.మరి ఎవరి కూతురో చెప్పని యువరాజు అడగ్గా....సమయం వచ్చినప్పుడు నేనే అన్ని విషయాలు చెబుతానని అంటుంది. కావాలంటే నేను ఒట్టు వేస్తానని చెప్పడంతో యువరాజు నమ్ముతాడు. మా అమ్మ ఎప్పుడూ ఇలా మాట్లాడలేదని తను నిజమే చెబుతోందని అంటాడు. అప్పుడే నిషిక కూడా పెళ్లి కొడుకు గురించి అన్ని నిజాలు యువరాజుకు చెబుతుంది. అయితే ఖచ్చితంగా ఈపెళ్లి అడ్డుకునేందుకు జగధాత్రి, కేదార్ ప్రయత్నిస్తారని యువరాజు అంటాడు. మరి ఏం చేద్దామంటే ఎంగేజ్మెంట్ జరిగే సమయానికి వాళ్లిద్దరూ ఇక్కడ లేకుండా చేద్దామని అంటాడు.ఎలా అని వైజయంతి అడిగితే....సురేష్ బావను కిడ్నాప్ చేసి ఆ విషయం వాళ్లిద్దరికి మాత్రమే తెలిసేలా చేస్తే...వాళ్లే బయటకు వెళ్లిపోతారని చెబుతాడు. మరి సురేష్ను ఎవరు కిడ్నాప్ చేస్తారని అంటే మనేమే చేద్దామని చెబుతాడు.
ఎంగేజ్మెంట్కు రెడీ అవ్వకుండా ఏడుస్తున్న శ్రీవల్లి దగ్గరకు వచ్చి ఏం జరిగిందని ధాత్రి అడుగుతుంది.అమ్మకోసం ఈ పెళ్లికి ఒప్పుకున్నానని...మీరు చెప్పినట్లు ఆ పెళ్లికొడుకు మంచివాడు కాకపోతే నేను జీవితాంతం బాధపడాల్సిందేనని అంటుంది. మేం ఉండగా వాడితో నీకు ఎంగేజ్మెంట్ ఎలా జరగనిస్తామని ధాత్రి హామీ ఇస్తుంది. నువ్వు వచ్చి పీటలమీద కూర్చో చాలని...మిగతాది మేం చూసుకుంటామని అంటారు.అందరూ ఎంగేజ్మెంట్ హడావుడిలో ఉండగా...యువరాజు సురేష్ తలపై బ్యాట్తో కొట్టి స్పృహ కోల్పోయేలా చేస్తాడు.
టాప్ హెడ్ లైన్స్
ట్రెండింగ్ వార్తలు
