Jagadhatri Serial Today March 11th: ‘జగధాత్రి’ సీరియల్: ఇంట్లోంచి వెళ్లిపోయిన నిషిక, ఫంక్షన్కు ఒప్పుకున్న కౌషికి
Jagadhatri Today Episode: కౌషికి ఫంకన్ కు ఒప్పుకోవడంతో ఇవాళ్టీ ఎపిసోడ్ ఎంతో ఆసక్తికరంగా జరిగింది.
Jagadhatri Serial Today Episode: దివ్యాంక మెహిందీ పంక్షన్‌ ఇంట్లో చేయొద్దని చెప్పినందుకు నిషిక అలిగి పుట్టింటికి వెళ్లిపోతుంది. దీంతో వైజయంతి కోపంగా సుధాకర్‌ దగ్గరకు వెళ్లి కోడలు అడిగిన కోరిక తీర్చలేకపోతే ఇక మన పెద్దరికం ఎక్కడ ఉంటుంది అని నిలదీస్తుంది. అయితే ఈ మెహింది ఫంక్షన్‌ దివ్యాంకది మాత్రమే కాదు సురేష్‌ది కూడా అందుకే వద్దని చెప్పేది అని సుధాకర్‌ చెప్తాడు. అయితే దూరం నుంచి సుధాకర్‌, వైజయంతిల మాటలు వింటూ ఏడుస్తూ లోపలికి వెళ్తుంది కౌషికి. మరోవైపు రాగిణి చేసిన పనికి సుభద్ర తిడుతుంది. ఇంతలోనే నిషిక వస్తుంది.
రాగిణి: నిషి ఎంటే పొద్దునే వచ్చేశావు. అత్తయ్యను చూడాలని వచ్చావా? ఏమైంది నిషి ఎందుకంత కోపంగా ఉన్నావు. అయినా బ్యాగ్‌ తీసుకొచ్చాశావేంటే?
నిషిక: ఏం తీసుకుని రాకూడదా? ఇది నా ఇల్లు కాదా? ఈ ఇంటికి రావాలంటే ముందే పర్మిషన్‌ తీసుకునే రావాలా?
సుభద్ర: నువ్వు మీ ఇంట్లో గొడవపడి వచ్చి ఉంటే కచ్చితంగా ఇక్కడికి రాకూడదనే అంటాను.
నిషిక: చీ నేనంటే ఎవ్వరికీ లెక్కలేకుండా పోయింది.
అనగానే నిషిక నువ్వు అమ్మ మాటలేం పట్టించుకోకు.. అసలేం జరిగింది చెప్పు అనగానే దివ్యాంక మెహింది ఫంక్షన్‌ ఇంట్లో వద్దని చెప్పినందుకు అలిగి బయటకు వచ్చేశాను అని చెప్పగానే సుభద్ర నువ్వు మా ఇంట్లోకి కూడా రావోద్దు అంటూ బుద్ది చెబుతుంది. దీంతో నిషికి మీరు కూడా ఇలా మాట్లాడితే నేను ఏ నుయ్యో గొయ్యో చూసుకుంటాను అని బెదిరించడంతో రాగిణి వాళ్లు నిన్ను వెతుక్కుంటూ వచ్చేలా చేస్తాను అని చెప్తుంది. మరోవైపు సుధాకర్‌, వైజయంతి ఆలోచిస్తుంటారు. నిషిక వెళ్లిపోయాక ఒక్కసారి కూడా ఫోన్‌ చేయలేదని బాధపడుతుంది. సుధాకర్‌, ధాత్రిని నిషికకు ఫోన్‌ చేయమని చెప్తాడు. ధాత్రి ఫోన్‌ చేసినా నిషిక లిఫ్ట్‌ చేయదు. దీంతో ధాత్రి, సుబ్బుకు ఫోన్‌ చేస్తుంది. రాగిణి ఫోన్‌ తీసుకుని కౌషికి వచ్చి నిషికను ఇంటికి పిలుస్తే వస్తుందని అలాగే ఆ ఫంక్షన్‌ కోసం ఒప్పుకుంటేనే మళ్లీ వస్తుందని చెప్పి ఫోన్‌ కట్‌ చేస్తుంది.
వైజయంతి: అమ్మీ కౌషికి బా విన్నారు కదా ఎం చేయాల్నో మీరే నిర్ణయించుకోండి.
యువరాజ్‌: ఇదంతా అక్క వల్లే కదా జరిగింది అక్కే వెళ్లాలి కదా?
సుధాకర్‌: యువరాజ్‌ అక్కను అనేంత పెద్దవాడివి అయ్యావా?
యువరాజ్‌: నేను అలా అనలేదు నాన్న. అంటే అక్క ఫంక్షన్కు ఒప్పేసుకునుంటే ఇదంతా జరిగేది కాదు కదా అంటున్నాను. అది నిజమే కదా నాన్న.
వైజయంతి: అమ్మీ కౌషికి నీకు ఈ కుంటుంబం, మా అందరి సంతోషం కంటే ఏదీ ఎక్కువ కాదని.. నాకోసమైనా.. మీ బాబాయ్‌ కోసమైనా.. వెళ్లి ఆ ఫంక్షన్కు ఒప్పుకుంటున్నానని చెప్పి నిషిని వెనక్కి తీసుకురా అమ్మీ.
కౌషికి: సరే నేనే వెళ్లి నిషికను ఇంటికి తీసుకువస్తాను.
అని ధాత్రిని తీసుకుని కౌషికి వెళ్తుంది. మరోవైపు కౌషికి వాళ్ళు వస్తున్నారని తెలిసి అటూఇటూ తిరుగుతుంది నిషిక. రాగిణి వచ్చి నువ్వు వాళ్ల కోసం ఎదురుచూస్తే వాళ్లకు చులకన అయిపోతావు నువ్వు వెళ్లి అక్కడ దర్జాగా కూర్చో అని చెప్పగానే నిషిక ఒక దగ్గర కూర్చుని ధాత్రి, కౌషికి దగ్గరకు వచ్చి బతిమాలినట్లు కలగంటుంది. తర్వాత కలనే ఇంత బాగుంది. నిజంగా అయితే ఎంత బాగుంటుందో అనుకుంటుండగానే అందరూ వస్తారు. వైజయంతి తప్పా ఎవ్వరూ బతిమాలకపోయేసరికి నిషిక అందరి మీద కోప్పడుతుంది. దీంతో నీకు మా మీద ప్రేమ ఉంటే రా లేకుంటే నీఇష్టం అని కౌషికి వెళ్లిపోతుంది. దీంతో నిషిక కోపంగా నేను ఆ ఇంటికి రమ్మనా రాను అనగానే కౌషికి ఫంక్షన్కు ఒప్పుకున్నప్పుడే మనం గెలిచాం అని వైజయంతి చెప్తుంది. దీంతో నిషిక సరే ఆ ఇంటికి వస్తానని చెప్తుంది. దీంతో ఇవాళ్టీ ఎపిసోడ్ అయిపోతుంది.
Also Read: అయ్యయ్యో, పడిపోయిందే - ఆస్కార్ రెడ్ కార్పెట్ షోలో పడిపోయిన నటి, ఫొటోలు వైరల్
టాప్ హెడ్ లైన్స్
ట్రెండింగ్ వార్తలు
