Jagadhatri Serial Today April 27th: ఇంటి పనులు తప్పించుకోవడానికి నిషిక, వైజయంతి వేసిన ప్లాన్‌ ఏంటి..?

Jagadhatri Serial Today Episode April 27th: ఇంటి పనులు తప్పించుకోవడానికి నిషిక, వైజయంతి వేసిన ప్లాన్‌ ఏంటి..?

జగద్ధాత్రి సీరియల్ టుడే ఏపిసోడ్

Source : YOUTUBE

Jagadhatri Serial Today Episode: పిల్లలు లేరని జగధాత్రిని అవమానించిన నిషిక చెంపపగులగొట్టిన కౌషికి....నీకు కూడా పిల్లలు లేరు కదా అలా అని నీకు కూడా ప్రాబ్లంఉందనుకోవాలా అని నిలదీస్తుంది. ఆ మాటలకు ఇంట్లో అందరూ షాక్ తింటారు. నేను ఉన్నమాటే కదా అన్నాను అని నిషిక అనగా....ఒకవేలు ఎదుటివాళ్లను చూపించినప్పుడు నాలుగు వేళ్లు మనల్నిచూపిస్తాయని తెలుసుకోమని కౌషికి హెచ్చరిస్తుంది. నేను అన్నమాటలకు  మీరు నన్ను కొట్టారని...మరి అదే మాట మీరు కూడా అన్నారు కదా ఇప్పుడు ఏం చేయాలని నిషిక అంటుంది. వెంటనే కలుగుజేసుకున్న ధాత్రి.....ఏం మాట్లాడుతున్నావో అర్థమవుతుందా అని చెల్లిని మందలిస్తుంది. నువ్వు మమ్మల్ని అవమానించడానికి ఈమాటలు అన్నావని....ఆ బాధ ఎలా ఉంటుందో నీకు తెలియజెప్పడానికి అక్క అలా చేసిందని కేదార్‌ అంటాడు. రెండింటికీ చాలా తేడా ఉందని అంటుంది. నాకు జరిగినఈ అవమానాన్ని గుర్తుంచుకుంటానని అంత తేలిగ్గా వదిలిపెట్టనని చెప్పి లోపలికి  వెళ్లిపోతుంది. జగధాత్రి, కేదార్ కూడా పైకి వెళ్లిపోతారు.

జగదాత్రి ఒక్కటే బాధపడుతుండగా....కేదార్ అక్కడికి వెళ్లి ఆమెను ఓదార్చుతాడు. నిషిక అన్నమాటలు పట్టించుకుంటున్నావా అని అడుగుతాడు.  అయినా మనం పిల్లల కోసం ఎందుకు ప్లాన్ చేయడం లేదో నీకు,నాకు తెలుసని...ఎవరి మాటలు పట్టించుకోవాల్సిన అవసరం లేదని అంటాడు. నిషిక అన్నమాటలు వింటుంటే నిజంగానే నాకు పిల్లలు పుట్టరేమోనన్న భయం వేసిందన అంటాడు. నువ్వు అసలు దాని గురించి ఆలోచించాల్సిన అవసరంలేదని చెబుతాడు. మనం కావాలనుకుంటే ఎప్పుడంటే అప్పుడు పిల్లలను కనొచ్చని చెబుతాడు. నిషిక మాటలు అసలు నేను పట్టించుకోలేదని...నువ్వు కూడా పట్టించుకోవద్దని అంటాడు.అప్పుడే అక్కడికి వచ్చిన కౌషికి....అబద్ధలు చెప్పొద్దు కేదార్ అని అంటుంది. నిషిక మాటలకు నువ్వు నొచ్చుకున్నావని నేను గమనించానని అంటుంది. ధాత్రి బాధపడుతుందని నువ్వు అలా చెబుతున్నావని అంటుంది.నిషికకు ఆలోచించి మాట్లాడే గుణమేఉంటే...ఈఇంట్లో ఎన్నో తగువులు జరిగేవి కాదని చెబుతుంది. ఇవేమీ ఆలోచించకుండా కిందకు రమ్మని చెప్పి తీసుకెళ్తుంది.

అందరి ముందు తనకు జరిగిన అవమానం తలచుకుని నిషిక కోపంతో రగిలిపోతుంది. అప్పుడే అక్కడికి వచ్చిన వైజయంతి దేని గురించి ఆలోచిస్తున్నావని అనగా....ఆ హేమ చెప్పిన మాటలు గురించేనని అంటుంది.కడుపుతో ఉండటం వల్ల దాన్ని కాలు కిందపెట్టనివ్వకుండా చూసుకుంటున్నారని ఇప్పుడు నేను కూడా అదేవిధంగా నాటకం ఆడతానని..అప్పుడు మనకు ఇంటి పనులు తప్పుతాయని అంటుంది.మీరు నా పనులు చూసుకుంటూ ఇక్కడే రెస్ట్‌తీసుకోవచ్చని అంటుంది. ఐడియా బాగానే ఉందని వైజయంతి కూడా ఒప్పుకుంటుంది. ఇంతలో ఇంట్లోకి కావాల్సిన సామాన్లు అన్నీ షాపు నుంచి తీసుకురాగా....డెలీవరీ బాయ్‌ లోపల పెడతానని అంటాడు.అవసరం లేదని మేం పెట్టుకుంటామని కేదార్ అతన్ని పంపించేస్తాడు.అప్పటికే ఇంట్లో పనులతో కాళ్లు నొప్పులతో అల్లాడుతున్న నిషికను పిలిచి ఇవన్నీ లోపల పెట్టాలని చెబుతాడు.మావల్ల కాదని అంటుంది.జగధాత్రి కూడా మా చెల్లి అంత బరువులు మోయలేదని అంటుంది. అందుకే బరువు బాధ్యతలు తెలియడం లేదని...ఇప్పుడు వీటి మోసి ఇంట్లో పెడితేగానీ తనకు వాటి విలువ తెలియదని కౌషికి అంటుంది. ఇదే మంచి తరుణమని భావించిన నిషిక సరుకులు లోపల పెట్టేస్తానని అంటుంది.

నిషిక మాటలు విని కేదార్ షాక్‌ తింటాడు.ఏంటి మీ చెల్లి ఇంత సులభంగా పనిచేయడానికి ముందుకొచ్చిందని అంటాడు. సరుకులు లోపలికి తీసుకెళ్లే నెపంతో కళ్లుతిరిగి నిషిక కిందపడుతుంది.వెంటనే డాక్టర్‌ను పిలవగా...ఆమెకు డబ్బులు ఇచ్చి తాను కడుపుతో ఉన్నానని నిషిక అందరికీ అబద్ధం చెప్పిస్తుంది.డాక్టర్ చెప్పిన మాటలు విని ఇంట్లో అందరూ ఎంతో సంతోషిస్తారు.తనను కాలుకిందపెట్టొద్దని అన్ని పనులు తామే చూసుకుంటామని చెప్పడంతో....తమ ప్లాన్ ఫలించిందని అత్తా కోడళ్లు సంతోషిస్తారు.