Jyothi Rai: దేవత పాత్రలో జ్యోతి రాయ్ - గ్లింప్స్‌ను షేర్ చేసిన జగతి మేడమ్

Jyothi Rai: ‘గుప్పెడంత మనసు’లో జగతి మేడమ్‌గా విపరీతమైన పాపులారిటీ సంపాదించుకుంది జ్యోతి రాయ్. త్వరలోనే ఒక కన్నడ సీరియల్‌లో దేవత పాత్రలో నటించి మెప్పించనుంది.

Image Credit: Jyothi Rai/Instagram

Guppedantha Manasu Serial Actress jagathi: జ్యోతి రాయ్ పేరు చెప్పగానే సోషల్ మీడియా ఫాలో అవ్వని బుల్లితెర ప్రేక్షకులు గుర్తుపడతారో లేదో తెలియదు కానీ జగతి మేడమ్ అనగానే టక్కున గుర్తుపట్టేస్తారు. ‘గుప్పెడంత మనసు’ సీరియల్‌లో జగతి మేడమ్ క్యారెక్టర్ క్రియేట్ చేసిన క్రేజ్ అలాంటిది. ఇక ఈ సీరియల్‌లో జ్యోతి రాయ్ పాత్ర చనిపోయి చాలాకాలమే అయినా కూడా ఇప్పటికీ తనకు ఆ సీరియల్, ఆ క్యారెక్టర్ తెచ్చిపెట్టిన గుర్తింపు మాత్రం అలాగే ఉండిపోయింది. ఇటీవల ఫ్యాన్స్‌కు ఒక గుడ్ న్యూస్ చెప్తానంటూ తన సోషల్ మీడియాలో షేర్ చేసింది జ్యోతి రాయ్. తాజాగా ఆ గుడ్ న్యూస్ ఏంటో బయటపెట్టింది.

సీరియల్ అప్డేట్..

అయిదు రోజుల క్రితం తన బ్యాక్ సైడ్ ఫోటోను షేర్ చేసిన జ్యోతి రాయ్.. ‘గుడ్ న్యూస్ రాబోతుంది’ అంటూ క్యాప్షన్‌లో షేర్ చేసింది. అయితే ఆ గుడ్ న్యూస్ తన పర్సనల్ లైఫ్ గురించి సంబంధించింది అని ఫ్యాన్స్ ఫిక్స్ అయిపోయారు. జ్యోతి రాయ్‌కు సీరియల్స్‌లోకి రాకముందే పెళ్లయ్యింది. కానీ చిన్న వయసులోనే పెళ్లి చేసుకోవడంతో ఒక అబ్బాయి పుట్టగానే వారి దాంపత్య జీవితంలో గొడవలు మొదలయ్యాయి. ప్రస్తుతం యంగ్ డైరెక్టర్ సుకు పుర్వాజ్‌తో సాన్నిహిత్యంగా ఉంటోంది జ్యోతి. ఇక జ్యోతి రాయ్.. గుడ్ న్యూస్ అనగానే సుకుతో తన పెళ్లి గురించి అప్డేట్ ఇస్తుందేమో అని చాలామంది అనుకున్నారు. కానీ వారి అంచనాలు నిజం కాలేదు.

దేవత పాత్రలో..

తెలుగు సీరియల్స్‌లో నటిస్తూ ఫేమ్ సంపాదించుకున్న జ్యోతి రాయ్.. ఒక కన్నడ నటి. కన్నడలోని ఒక సీరియల్‌లో తను అన్నపూర్ణేశ్వరి దేవి పాత్రలో కనిపించనుందని తన గుడ్ న్యూస్‌ను రివీల్ చేసింది. అయితే ఇదే తను చెప్పాలనుకుంటున్న గుడ్ న్యూసా? కాదా? అనే విషయంపై పూర్తిస్థాయిలో క్లారిటీ లేదు. అన్నపూర్ణేశ్వరి దేవిగా తను నటిస్తున్న సీరియల్‌లోని చిన్న గ్లింప్స్‌ను కూడా విడుదల చేసింది జ్యోతి. ‘నేను అన్నపూర్ణేశ్వరి దేవి దేవతగా నటించాను. అందులోని చిన్న గ్లింప్స్ మీకోసం’ అంటూ ఆ సీరియల్‌లోని ఒక చిన్న సీన్‌ను ఇన్‌స్టాగ్రామ్‌లో షేర్ చేసింది జ్యోతి రాయ్. కానీ ఆ సీరియల్ ఏంటి అనే వివరాలు మాత్రం పూర్తిగా చెప్పలేదు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Jyothi Poorvaj (Jayashree Rai K K) (@jyothipoorvaj)

ఆఫ్ స్క్రీన్ గ్లామర్ క్వీన్..

జ్యోతి రాయ్ తన పర్సనల్ లైఫ్ గురించే గుడ్ న్యూస్ చెప్తుంది అని ఫిక్స్ అయిపోయిన ఫాలోవర్స్.. ఇంకా దానికోసం ఎదురుచూస్తూనే ఉన్నారు. తమ జగతి మేడమ్ ఇంకేదైనా అప్డేట్ ఇస్తుందేమో అని అనుకుంటున్నారు. జ్యోతి రాయ్.. ‘కన్యాదానం’ అనే తెలుగు సీరియల్‌తో ఇక్కడ బుల్లితెరకు పరిచయం అయ్యింది. కానీ ‘గుప్పెడంత మనసు’లో నటించిన తర్వాతే తనకు ఎనలేని పాపులారిటీ దక్కింది. ఆన్ స్క్రీన్ జగతి మేడమ్‌గా, హీరో తల్లిగా కనిపించిన జ్యోతి.. ఆఫ్ స్క్రీన్ మాత్రం గ్లామర్ షో చేస్తూ అందరినీ ఆశ్చర్యపరిచింది. ప్రస్తుతం ఈమెకు ఇన్‌స్టాగ్రామ్‌లో దాదాపు 5 లక్షల మంది ఫాలోవర్స్ ఉన్నారు.