chinni serial today march 4th: చిన్ని సీరియల్: నాగవల్లి ప్లాన్ తిప్పికొట్టిన చిన్ని! నెలరోజుల్లోనే శ్రేయ పెళ్లి జరుగుతుందా! అదిరిపోయిన ఛాలెంజ్!

chinni serial today episode march 4th శ్రేయ పెళ్లి చూపులు క్యాన్సిల్ అవ్వడం.. చిన్ని వచ్చి మ్యాడీ మనసు మార్చితే బాగోదు అని నాగవల్లికి వార్నింగ్ ఇవ్వడంతో ఇవాళ్టి ఎపిసోడ్ ఆసక్తికరంగా మారింది.

చిన్ని సీరియల్

Source : Social Media

Chinni Serial Today Episode: శ్రేయకి పెళ్లి చూపులు ఏర్పాటు చేస్తారు. అబ్బాయికి శ్రేయ బాగా నచ్చుతుంది. మీ అమ్మాయికి అబ్బాయి నచ్చాడా అని అడిగితే మా అమ్మాయికి అడగాల్సిన అవసరం లేదు.. మా మాటే తన మాట అని నాగవల్లి చెప్తుంది. ఇక మినిస్టర్ వస్తే ఫైనల్ చేద్దాం అని పెళ్లి వాళ్లు అనుకుంటారు. ఇంతలో మ్యాడీ కూడా అక్కడికి వస్తాడు. మ్యాడీ మెట్లు దిగుతూ పడిపోబోతే శ్రేయ పరుగున వెళ్లి పట్టుకుంటుంది. అందరూ చూస్తారు. తర్వాత పెళ్లి వాళ్లకి ఫోన్ వస్తుంది. దాంతో వాళ్లు షాక్ అయి నాగవల్లి వాళ్లతో బావని ప్రేమించి నిశ్చితార్థం కూడా చేసుకున్న పిల్లని వదిలించుకోవాలని మాకు అంటగట్టాలి అనుకుంటున్నారా.. మాకు ఈ సంబంధం వద్దు అని వెళ్లిపోతారు.

శ్రేయ ఏడుస్తుంటే నాగవల్లి ఓదార్చుతుంది. ఈ పెళ్లి కాకపోతే ఇంకో పెళ్లి చేస్తా అంటుంది. వసంత నాగవల్లితో బావని ప్రేమించినందుకు అది దాన్ని కన్నందుకు నేను ఈ పరిస్థితి వచ్చినందుకు చావాలా అని అడుగుతుంది. దానికి నాగవల్లి మ్యాడీతో మీ అత్త అడుగుతున్న ప్రశ్నకి సమాధానం చెప్పునాన్న.. జీవితాంతం శ్రేయ ఇలా పెళ్లి పెటాకులు లేకుండా ఉండిపోవాలా.. లేదంటే తన మెడలో పసుపు తాడు పడే మార్గం ఉంది అంటావా చెప్పు అని అంటుంది. ఇంతలో చప్పట్లు కొడుతూ మధు అక్కడికి వస్తుంది. అందరూ మధుని చూసి షాక్ అయిపోతారు. సూపర్ మీ ప్లాన్ అదిరిపోయింది అత్తయ్యా అని అంటుంది. ఏం మాట్లాడుతున్నావ్ అని నాగవల్లి అంటే శ్రేయకి ఇక పెళ్లి అవ్వదు అన్నట్లు క్రియేట్ చేసి మ్యాడీ నోట శ్రేయని పెళ్లి చేసుకుంటా అన్నట్లు చేయాలి అనుకుంటున్నావ్ కదా అంటుంది. దానికి నాగవల్లి పిచ్చి పిచ్చిగా మాట్లాడకు.. నాటకాలు చేసింది నువ్వు చిన్నిగా వాడిని మోసం చేసి పెళ్లి చేసుకుంది నువ్వు అని అంటుంది. ఇప్పుడు మీరే నాటకం ఆడారు అని చిన్ని అంటుంది. మా అమ్మ ఎందుకు నాటకం ఆడుతుంది. నేను శ్రేయని పెళ్లి చేసుకోను అని మా అమ్మకి బాగా తెలుసు.. నాకు శ్రేయకి అస్సలు పెళ్లి చేయాలి అనుకోదు.. ఈ సంబంధం కాకపోతే ఇంత కంటే మంచి సంబంధం చూసి శ్రేయకి పెళ్లి చేస్తుంది. అవసరం అయితే నేను దగ్గరుండి మంచి సంబంధం చూస్తా కానీ నేను మాత్రం శ్రేయని పెళ్లి చేసుకోను అని అంటాడు.

చిన్ని మనసులో నాకు కావాల్సింది ఇదే బాబు అనుకుంటుంది. ఇక నాగవల్లి మనసులో మ్యాడీ మనసు మార్చే టైంకి వచ్చేసింది.. అసలు నేను ఈ పెళ్లి చూపులు ఏర్పాటు చేసిందే మ్యాడీ మనసు మార్చేయడానికి అనుకుంటుంది. ఇక మ్యాడీ మధుతో అసలు నువ్వు ఇక్కడికి ఎందుకు వచ్చావ్. నీకు ఏంటి సంబంధం అని అంటే నేను ఈ ఇంటి కోడల్ని నా మెడలో తాళి ఉన్నంత వరకు మ్యాడీ భార్యనే.. ఈ ఇంటి కోడల్నే అని అంటుంది. మా అత్తింటి వాళ్లు నా భర్త విషయంలో కుట్ర చేయాలి అనుకుంటే ఆయన భార్యగా వచ్చే అధికారం నాకు ఉంది అని అంటుంది. కుట్ర చేయాల్సిన అవసరం నాకు లేదు.. నెల రోజుల్లో మంచి సంబంధం చూసి అంగరంగ వైభవంగా పెళ్లి చేస్తా చూస్తూ ఉండు అని అంటుంది. మీరు నిజంగానే శ్రేయకి వేరే వ్యక్తితో పెళ్లి చేస్తే మీరు నాటకం ఆడలేదు అని ఒప్పుకుంటా.. మీ అబ్బాయి నమ్మకం కరెక్టే అని ఒప్పుకుంటా.. అందరి ముందు మీకు సారీ చెప్తా వస్తా అత్తయ్యా అని బాయ్‌ శ్రీవారు అని మ్యాడీకి చెప్పి వెళ్లిపోతుంది. 

చిన్ని దగ్గరకు నాగవల్లి వెళ్లి నా శత్రువుగా నువ్వు నాకు నచ్చావే.. నువ్వు చాలా స్మార్ట్ అని అంటుంది. శ్రేయకి మ్యాడీకి పెళ్లి చేయాలి అనే ఈ పెళ్లి చూపులు ఏర్పాటు చేశా కానీ నువ్వు వచ్చి వాడే దగ్గరుండి వేరే పెళ్లి చేస్తా అన్నట్లు వాడి మనసు మార్చేశావ్. ఈ ప్లాన్ పని చేయకపోయినా శ్రేయని వాడు పెళ్లి చేసుకునే వరకు నా ప్రయత్నాలు చేస్తూనే  ఉంటా అని నాగవల్లి అంటుంది. మ్యాడీకి నా మీద కోపమే కాదు ప్రేమ కూడా ఉంది.. చిన్నిగా నా మీద ప్రేమ ఉంది.. మధు మీద కూడా ఉంది.. కోపం మాత్రం చిన్ని మీద మాత్రమే ఉంది.. కోపం కంటే ప్రేమే ఎక్కువ ఉంది. ఏదో ఒక రోజు ప్రేమ కోప్పాన్ని తగ్గిస్తుంది. అప్పుడు మ్యాడీనే నా దగ్గరకు వచ్చి సారీ చెప్పి నన్ను తీసుకొస్తాడు.. అప్పటి వరకు భాయ్ అత్తా అని చెప్పి వెళ్లిపోతుంది. 

నాగవల్లి లోహిత దగ్గరకు వెళ్లి పెళ్లి చూపుల విషయం మధుకి ఎలా తెలిసింది అని అడుగుతుంది. దాంతో లోహిత శ్రేయ పెళ్లి చూపుల విషయం ఇంట్లో వాళ్లకి తప్ప బయట వాళ్లకి తెలీదు కదా మరి చిన్ని కి ఎలా తెలిసింది.. మనం ఎవరూ చెప్పం కదా దానికి ఎలా తెలిసింది అని అంటుంది. నాగవల్లి ఆలోచిస్తుంది. మరోవైపు చిన్ని ప్రమీలకు కాల్ చేసి విషయం చెప్పినందుకు థ్యాంక్స్ అని చెప్తుంది. ప్రమీల చిన్నితో మాట్లాడుతూ ఉంటే నాగవల్లి అక్కడికి వెళ్తుంది. నాగవల్లి ప్రమీలతో ఏంటి పెద్దక్కాయ్ ఇది ఏంటి చేస్తున్నావ్.. నువ్వు చేస్తుంది కరెక్ట్ కాదు.. చిన్నికి సాయం చేయడం కరెక్ట్ కాదు.. నీ అమాయకత్వంతో ఇంట్లో విషయాలు తనకు చెప్పొద్దు,.. గుర్తు పెట్టుకో అని అంటుంది. ఇక చిన్ని స్వప్నకి విషయం చెప్పి మాట్లాడుతుంది. మ్యాడీ నిన్ను నమ్మి నీ దారిలోకి వస్తాడా అని స్వప్న అడిగితే కచ్చితంగా వస్తాడు అని మధు అంటుంది. దీంతో ఇవాళ్టి ఎపిసోడ్ పూర్తయిపోతుంది.