chinni serial today march 31st: చిన్ని సీరియల్: మ్యాడీ చిన్నికి దగ్గరవుతున్నాడా! మూడు జంటలకు మంగళస్నానాలు!
chinni serial today episode march 31st మ్యాడీ బల్లికి భయపడి చిన్నిని హగ్ చేసుకోవడంతో ఇవాళ్టి ఎపిసోడ్ ఆసక్తికరంగా మారింది.
Chinni Serial Today Episode చిన్ని తల్లి ఫోటో దగ్గర ఏడుస్తూ ఉంటే ప్రమీల చూసి వెళ్లి ఏంటమ్మా ఆ కన్నీరు.. ఇంట్లో సంతోషంగా అందరి ముందు తిరుగుతున్నావ్..ఇప్పుడేంటి అమ్మా ఇలా.. ఎవరితో చెప్పుకోలేని బాధ మీ అమ్మకి చెప్పుకుంటున్నావ్ అని నాకు అర్థమైంది.. నిన్ను ఎవరు నమ్మినా నమ్మకపోయినా నేను నిన్ను నమ్ముతానమ్మా.. చిన్నప్పుడే మిమల్ని ముడి వేసిన ఆ దేవుడు. మిమల్ని విడదీయడు.. ఇలాంటి చిన్న చిన్న సమస్యల్ని నువ్వు ఎదుర్కొని మీ బంధం నిలబెట్టుకుంటావ్ నాకు నమ్మకం ఉందమ్మా అని చెప్తుంది.
మధుగా నీ మీద వాడికి ప్రేమ లేకపోయినా.. ఆ రోజు తాళి కట్టినా తర్వాత ప్రేమించాడు.. రేపు కూడా అలాగే ఇష్టం లేకుండా రేపు నల్లపూసలు వేసినా మళ్లీ నిన్ను ప్రేమిస్తాడు అని ప్రమీల అంటుంది. ఈ ఇంట్లో నా మంచి కోరుకునే ఏకైక మనిషి మీరే ఆంటీ.. మీ మంచితనమే నాకు కొండంత అండ.. మీరు ఇలా చెప్తుంటే నాకు మా అమ్మే ధైర్యం చెప్తున్నట్లు ఉందని హగ్ చేసుకుంటుంది. మ్యాడీ బెడ్ మీద బల్లి చూసి పక్కనే ఉన్న కబోర్డ్ ఎక్కిపోయి బల్లీ బల్లీ అని అరుస్తాడు. చిన్ని చూసి ఏమైందని అడుగుతుంది. భయం అని మ్యాడీ అంటే పెళ్లాం అంటే భయమా అని అడుగుతుంది. నేనేం నీకు భయపడటం లేదు అని బల్లిని చూపిస్తాడు.
చిన్ని నవ్వితే తర్వాత తీరికగా నవ్వుకుందువు ముందు బల్లిని పంపు అని అంటుంది. ఇక మ్యాడీ కిందకి దిగుతూ బల్లీ బల్లీ అని చిన్నిని హగ్ చేసుకుంటాడు. తర్వాత చిన్ని బల్లి నీ మీదే ఉందని మ్యాడీ చిందులు వేసేలా చేస్తుంది. బల్లి ఎక్కడ పడిందో మ్యాడీ చెప్తే చిన్ని మెలికలు తిరిగి మీకు దాంపత్యసుఖం ఉందని చెప్తుంది. చిన్నిని కసిరేసి మ్యాడీ దుప్పటి కప్పుకొని పడుకుంటాడు.
ప్రమీల ఉదయం అందర్ని పిలిచి మ్యాడీకి మంగళ స్నానం చేయాలి అని హడావుడి చేస్తుంది. శ్రేయ అత్తతో వరుణ్, లోహిత కూడా పీటల మీద కూర్చొంటే బాగుంటుందని అంటుంది. దానికి నాగవల్లి మ్యాడీ మంచి కోసం చేస్తున్నాం.. మ్యాడీ తల్లిదండ్రులుగా మేం కూడా కూర్చొంటే అర్థముంది మరి లోహిత, వరుణ్ కూర్చొవడం ఏంటి అని అంటుంది. తనేదో తెలీక అంది మీరే కూర్చొండి అత్తయ్యా అని వరుణ్ అంటే సరిపోదు.. మీ జంట కూర్చొవాలి.. మ్యాడీ ఇక్కడే ఈ ఇంటి వారసుడు కాదు.. చిన్నప్పటి నుంచి ఈ ఇంట్లో పెరిగిన నా మేనల్లుడు కూడా ఈ ఇంటి వారసుడే వాడు కూడా కల్యాణంలో కూర్చొంటాడని అంటాడు. ఇక మూడు జంటలకు మంగళస్నానాలు ఏర్పాటు చేస్తారు. ఎవరి భార్యలు వాళ్లకి చేయాలని ప్రమీల అంటుంది. ఇదంతా నీ స్కీమా అని మ్యాడీ చిన్నిని అడిగితే ఇదంతా మీ పెద్దమ్మ చేస్తున్న స్కామ్ అని అంటుంది.
మూడు జంటలకు మంగళస్నానాలకు ఏర్పాట్లు చేస్తారు. ఎవరి భార్యలు వాళ్ల భర్తలకు గంధం రాసి స్నానాలు చేయిస్తారు. మ్యాడీ చిన్ని కళ్లలోకి చూస్తాడు. మ్యాడీకి మధు కుంకుడు కాయ పెడుతూ ఉంటే కళ్లలోకి కుంకుడు రసం పోతుంది. ఆ మాత్రం చూసుకోవా అని లోహిత అంటుంది. చిన్ని మ్యాడీ కళ్లు ఊదుతుంది. మ్యాడీలో మార్పు వచ్చిందని అందరూ అనుకుంటారు. తర్వాత మ్యాడీ రెడీ అవుతుంటే వరుణ్ వెళ్లి చిన్ని మెడలో నల్లపూసలు వేస్తున్న సంతోషం నీ కళ్లలో కనిపిస్తుందని అంటాడు వరుణ్.
చిన్ని అంటే నీకు చిన్నప్పటి నుంచి ప్రాణం.. చిన్ని కోసం చిన్ని ప్రేమ కోసం అమెరికా నుంచి వచ్చేశావ్.. అలాంటి చిన్ని కోసం నువ్వు ఇలా ప్రవర్తించడం కరెక్ట్ కాదు బావ.. చిన్ని నీ దగ్గర నిజం దాయడం తప్పే కానీ ఎందుకు అలా చేసిందో తెలుసుకోవడం లేదు అని అంటాడు. చిన్ని మీద ప్రేమ నువ్వు ఎప్పటికీ చంపుకోలేవు అని అంటాడు. దీంతో ఇవాళ్టి ఎపిసోడ్ పూర్తయిపోతుంది.
Before You Go
Bindu Madhavi Reacts to Uppal Balu Controversy | ఉప్పల్ బాలు vs బిందు మాధవి
టాప్ హెడ్ లైన్స్
ట్రెండింగ్ వార్తలు
