chinni serial today march 19th: చిన్ని సీరియల్: దేవాకి చెమటలు పట్టించేసిన చిన్ని! శ్రీవారిని దారిలోకి తెచ్చుకుంటుందా!
chinni serial today episode march 19th చిన్ని దేవాతో మాట్లాడి తన తల్లి ఏ తప్పు చేయలేదు అని నిరూపించి దేవాని జైలు పాలు చేస్తా అనడంతో ఇవాళ్టి ఎపిసోడ్ ఆసక్తికరంగా మారింది.
Chinni Serial Today Episode: లోహిత నాగవల్లి దగ్గరకు వెళ్లి చిన్నిని ఎలా తరిమేయాలి అని ఆలోచిస్తున్నారు కదా అంటే అంత సీన్ లేదు 30 రోజుల తర్వాత అదే వెళ్లిపోతుంది అని నాగవల్లి అంటుంది. మీరు పప్పులో కాలేశారు ఆంటీ అది ఏదో రకంగా వాళ్లమ్మ తప్పు చేయలేదు అని నిరూపించి ఇక్కడే తిష్ట వేస్తుంది. దాని గురించి మీకు తెలీదు.. నాకు బాగా తెలుసు.. ఎదుటివాళ్లు ఏం ఆలోచిస్తున్నారో తను అలా ఆలోచించి.. మాట్లాడుతుంది. అది ఎప్పుడు ఎలా ప్లాన్ చేస్తుందో.. ఎలా మాట్లాడుతుందో.. ప్రతీదీ నాకు తెలుసు అని లోహిత అంటుంది. దానికి నాగవల్లి నువ్వు చిన్ని చిన్నప్పటి నుంచి కలిసి పెరిగారా.. అందుకే తన గురించి నీకు అంతా తెలుసా. చెప్పు నీకు చిన్నికి సంబంధం ఏంటి అని అడుగుతుంది.
లోహిత తడబడుతూ నాకు తనకి ఏం సంబంధం లేదు.. కేవలం ఎంటెక్లోనే తెలుసు అంటుంది. సంవత్సరంలోనే అంత తెలుసుకున్నావా అని నాగవల్లి అంటుంది. మర్యాదగా నిజం చెప్పు లేదంటే నీ పని అయిపోతుంది అని అంటుంది. నేను నిజమే చెప్తున్నా.. తన గురించి పరిశీలించి చెప్తున్నా అంటుంది. మీరు కూడా చిన్నిని ఇంట్లో నుంచి పంపే ఆలోచనలో ఉంటే నాకు ఒక్క అవకాశం ఇవ్వండి ఆంటీ దాన్ని ఇంట్లో నుంచి పంపేలా చేస్తా,, ఒక్క అవకాశం ఇచ్చారు అంటే దాన్ని ఇంట్లో నుంచి తరిమి తరిమి కొడతా అని అంటుంది.
చిన్ని ఉదయం ఉగాది సందర్భంగా ఇంట్లో అత్త, అమ్మ ఫొటోల ఎదురుగా దీపం వెలిగిస్తుంది. ఇద్దరికీ దండం పెడుతూ మీ ఇద్దరూ ఒకరి చావుకి కారణం మరొకరు ఎందుకు అవుతారు.. ఈ విషయం ఆలోచించకుండా మ్యాడీ మీ అమ్మే మా అమ్మని చంపింది అంటూ మొండిగా వాధిస్తున్నాడు.. వీలైనంత త్వరగా మా అమ్మ నిర్దోషి అని నేను నిరూపించుకునేలా నన్ను ఆశీర్వదించండి అని అంటుంది. అందరికీ టీ కాఫీలు ఇస్తుంది. మ్యాడీకి కూడా ఇస్తుంది. నాకు వద్దు అని మ్యాడీ అంటే అగ్రిమెంట్ చూడలేదా.. ఈ 30 రోజులు నా చేతి కాఫీ తాగాలి వంట తినాలి అంటుంది. దాంతో మ్యాడీ తీసుకుంటాడు. ఇక మామయ్య గారు ఇంకా రూం నుంచి రాలేదా అని దేవా దగ్గరకు వెళ్లి గుడ్ మార్నింగ్ మామయ్య గారు అని అంటుంది. ఏ ధైర్యంతో నువ్వు ఇలా 30 రోజుల స్కీమ్ ప్లాన్ చేశావ్ అంటే.. నువ్వు తప్పు చేస్తున్నావ్ అంటే లేదు మామయ్య గారు నేను తప్పు చేసిన వాళ్ల గురించి బయట పెట్టాలి అనుకుంటున్నా అంటుంది. అన్నీ ఆలోచించుకొనే వచ్చాను మామయ్య గారు.. 30 రోజుల్లో మా అమ్మ నిర్దోషి అని నిరూపించడం.. నా భర్తకి నిజం తెలిసేలా చేయడం.. అసలు హంతకుడికి శిక్ష పడేలా చేయడం ఇదే నా టార్గెట్ అని అంటుంది. మామయ్య గారు నేను వచ్చినప్పటి నుంచి మీలో ఏదో టెన్షన్ కనపడుతుంది. ఏంటి అది. అయోమయంగా కూడా ఉంది. ఏంటి అది.. ఏం ఉన్నా పర్లేదు 30 రోజుల్లో అన్నీ బయట పడతాయి అని అంటుంది.
దేవా కోపంగా చిన్ని వెళ్లిపోయిన తర్వాత ఆ బాలరాజు నీకు అన్నీ చెప్పి పంపాడని అర్థమైంది.. నీ దగ్గర ఏదో బలమైన ఆధారం ఉందని అర్థమైంది.. ఇన్ని తెలిసిన నాకు నీ అడ్డు తొలగించుకోవాలని తెలీదా అని అనుకుంటాడు. మ్యాడీ స్నానం చేసి వస్తే చిన్ని నేను తల తుడుస్తా.. వీపు తుడుస్తా అని అంటుంది. వీపు వీపు అని నన్ను వేపుకొని తినకు వెళ్లు నేను రెడీ అవ్వాలి అంటాడు. నేను వెళ్లాలి అంటే భార్యకి పెళ్లానికి ఉన్న తేడా ఏంటో చెప్పండి అంటుంది. దానికి మ్యాడీ భర్తకి మొగుడికి ఉన్న తేడా అని అంటాడు. కరెక్ట్గా చెప్పారు.. త్వరగా వస్తే ఇద్దరం కలిసి టిఫెన్ చేసి కలిసి ఆఫీస్కి వెళ్దాం అంటుంది. నేను నీతో కలిసి రాను అని మ్యాడీ అంటాడు.
చిన్నికి తెలీకుండా మ్యాడీ ఆఫీస్కి వెళ్లాలి అని పరుగులు తీస్తాడు. తీరా కాస్త దూరం వెళ్లే సరికి చిన్ని శ్రీవారు అంటూ కారులో నుంచి మ్యాడీని పిలుస్తుంది, మ్యాడీ కారు ఆపి కిందకి దిగు అంటే దిగను అంటుంది. చిన్ని తన మాటలతో మ్యాడీని విసిగిస్తుంది. ఊసరవెల్లి రంగులు ఎందుకు మార్చుతుందో తెలీదు కానీ నువ్వు మాత్రం కార్యెక్టర్లు మార్చుతూనే ఉన్నావ్ అని అంటాడు. నేను నా శ్రీవారి కోసం ఆయనకు నిజం తెలియాలి అని క్యారెక్టర్లు మార్చుతూనే ఉంటా అని అంటుంది. దీంతో ఇవాళ్టి ఎపిసోడ్ పూర్తయిపోతుంది.
టాప్ హెడ్ లైన్స్
ట్రెండింగ్ వార్తలు
