Chinni Serial Today January 26th: చిన్ని సీరియల్:మ్యాడీ-మధులకు శోభనం.. నాగవల్లి లోహితకు ఏం చెప్పిందంటే!
Chinni Serial Today Episode January 26th మ్యాడీ, మధులకు శోభనం ముహూర్తం పెట్టడం మధు నాగవల్లికి కాల్ చేసి విషయం చెప్పడంతో ఇవాళ్టి ఎపిసొడ్ ఆసక్తికరంగా మారింది.
Chinni Serial Today Episode మధు మ్యాడీలు మధు పుట్టింటికి వస్తారు. స్వరూప మధుతో విచిత్ర పరిస్థితుల్లో నీ పెళ్లి అయింది.. నీ కాపురం ఎలా ఉంటుందో అని చాలా భయపడ్డాం కానీ నీ కాపురం నిలబెట్టుకోవడానికి నువ్వు చాలా కష్టపడుతున్నావ్.. నువ్వు కార్యక్రమానికి మిమల్ని పిలవమని చెప్పావ్,, ఇక్కడికి వస్తే మ్యాడీ మనసు మార్చుకొని మ్యాడీబాబుని నీకు దగ్గర చేసుకుంటా అన్నావ్,, అల్లుడిలో మార్పు వచ్చినట్లు ఉంది అని స్వరూప అంటే లేదమ్మా అంతా నటనే అని మధు అంటుంది.
నలుగురిలో భార్యలా చూస్తున్నాడు.. కానీ గదిలో ఒక ఫ్రెండ్లా మాత్రమే చూస్తున్నాడు అని అంటుంది. లోహిత ఆ మాటలు విని ఇదేంటి వీళ్లు లవ్ మ్యారేజ్ అన్నారు.. గదిలో ఒకలా గది బయట ఒకలా ఉంటున్నారా.. పోనీలే అంతా మన మంచికే అనుకుంటుంది. ఇంతలో వరుణ్ వచ్చి ఏమైంది లోహి తిన్నది అరగలేదా.. ఇలా తిరుగుతున్నారు.. మీ అమ్మానాన్నలు ఫోన్ చేశారా ఏమైనా అన్నారా అని అడుగుతాడు. వాళ్లు నాకేం అనలేదు.. అని అంటుంది. ఇంతలో ఇంటికి పంతులు రావడంతో పంతులు వచ్చారేంటి అని అనుకొని ఎందుకు వచ్చారు అని అడిగితే శోభనానికి ముహూర్తం పెట్టడానికి వచ్చానని పంతులు చెప్తారు. మధు, మ్యాడీల శోభనానికి ముహూర్తం పెట్టడానికి పంతులు వచ్చానని చెప్పడంతో లోహిత బిత్తరపోతుంది. ఇక మ్యాడీ కూడా విని ఇదేంటి అని అనుకుంటాడు. లోహిత ప్రమీలతో నాగవల్లి ఆంటీకి చెప్పకుండా ఇలా చేస్తున్నారు ఏంటి ఆంటీ అని అంటే ముహూర్తం పెట్టాక చెప్తారులే అని అంటుంది. పంతులు ఇద్దరి జాతకాలు చూసి వీళ్ల జాతకాల ప్రకారం ఏడాది వరకు ముహూర్తాలు లేవు అని అంటాడు. అందరూ షాక్ అయిపోతారు. మధు మ్యాడీని చూస్తే మ్యాడీ కళ్లు ఎగరేస్తాడు. ఇంతలో పంతులు రేపే దివ్యమైన ముహూర్తం ఉంది అని చెప్తారు. దాంతో మ్యాడీ షాక్ అయిపోతాడు.
మ్యాడీ మధుని గదిలోకి లాక్కెళ్లి.. ఏంటి పిచ్చి పిచ్చి వేషాలు వేస్తున్నావ్ అని అడుగుతాడు. తమరు పంతులు గారిని మ్యానేజ్ చేసి ఇప్పట్లో ముహూర్తాలు లేకుండా చేయాలి అనుకున్నారు కదా నేను చూశానులే అని అంటుంది. మ్యాడీ షాక్ అయిపోతాడు. మ్యాడీ పంతుల్ని పక్కకి తీసుకెళ్లి శోభనానికి ముహూర్తం లేదని చెప్పించడం చూసి తాను పంతుల్ని పక్కకి తీసుకెళ్లి ముహూర్తం పెట్టేలా చేశాను అని అంటుంది. మా అమ్మానాన్నలు ముహూర్తం లేదు అంటే చాలా బాధ పడతారు.. అందుకే ఇలా చేశా అంటుంది. ఇది కరెక్ట్ కాదు అని మ్యాడీ అంటాడు. నేను మీ అమ్మాయిని పెళ్లి చేసుకోలేదు అని మీ అమ్మానాన్నలకు చెప్పేస్తా అని మ్యాడీ అంటాడు. నువ్వు మా అమ్మానాన్నలకు చెప్తే నేను మీ అమ్మానాన్నలకు చెప్తా అని మధు బ్లాక్ మెయిల్ చేస్తుంది.
నాగవల్లికి మధు కాల్ చేసి సిగ్గు పడుతూ రేపు రాత్రికి మాకు శోభనానికి ముహూర్తం పెట్టారు అని చెప్తుంది. నాగవల్లి బిత్తరపోతుంది. సైలెంట్గా ఉన్నారు అంటే షాక్ అయ్యారు కదా అంటుంది. రేపు రాత్రి నీకు మా అబ్బాయికి శోభనం కదా కంగ్రాట్స్.. అని మధుకి షాక్ ఇస్తుంది. నువ్వు ఎన్ని కలలు కన్నా ఈ శోభనం జరగదు.. మీ పెద్దవాళ్ల కోసం మ్యాడీ ఒప్పుకొని ఉంటాడు అంతే తప్ప నిన్ను భార్యగా అంగీకరించడు అని నాగవల్లి అంటుంది. రేపు ముహూర్త బలానికి మ్యాడీ మనోబలం తగ్గిపోతుంది అని మధు అంటుంది. శోభనం జరగకుండా ఏదో ఒకటి చేయాలి అని నాగవల్లి అనుకొని లోహితకు కాల్ చేస్తుంది. లోహిత నాగవల్లితో మ్యాడీ మధుని దూరం పెడుతున్నాడు అని వాళ్ల మధ్య ప్రేమ ఏం లేదు అని విషయం చెప్తుంది. మ్యాడీని దగ్గర చేసుకోవడానికే మధు ఈ శోభనం ఏర్పాటు చేయించిందని లోహిత అంటే ఆ శోభనాన్ని ఆపేయ్ అని నాగవల్లి అంటుంది. నాగవల్లి చెప్తే ఈ లోహిత చేసి తీరుతుంది అని లోహిత అంటుంది. దీంతో ఇవాళ్టి ఎపిసోడ్ పూర్తయిపోతుంది.
టాప్ హెడ్ లైన్స్
ట్రెండింగ్ వార్తలు
