Ammayi garu Serial Today May 13th: అమ్మాయి గారు సీరియల్: విరూపాక్షికి నిజం చెప్పేసిన నర్సు.. రూప ఎలా బతికిందో తెలిస్తే అవాక్కవ్వాల్సిందే!

Ammayi garu Today Episode రుక్మిణి సూర్యప్రతాప్ రెండో కూతురు కాదని సూర్య ఏకైక కూతురు రూప అని రాజుకి తెలియడంతో ఇవాళ్టి ఎపిసోడ్ ఆసక్తికరంగా మారింది.

అమ్మాయిగారు సీరియల్ టుడే ఎపిసోడ్

Source : https://www.youtube.com/@zeetvtelugu

Ammayi garu Serial Today Episode రుక్మిణి రాజుని రైస్ పీస్ అని పిలుస్తుంది. దాంతో రాజు రుక్మిణిని కోప్పడతాడు. రుక్మిణి లాగి పెట్టి ఒక్కటిస్తుంది. రుక్మిణి చెంప దెబ్బ తగలడంతో అమ్మాయిగారు అని రాజు రుక్మిణిని రూప అని గుర్తు పడతారు. రూప శవం గుర్తు చేసుకొని నిజం మీరు మా అమ్మాయి గారేనా అని అడుగుతాడు. అవును అని రూప చెప్పడంతో రూపని హగ్ చేసుకొని ఏడుస్తాడు.

రాజు: అమ్మాయి గారు అసలు ఏమైంది. నీళ్లలో మునిగిన మీరు ఎలా మాయం అయిపోయారు.
రూప: నేను మూడో సారి మునిగినప్పుడు ఎవరో నా ముక్కు మూసేశారు.  నాకు గొంతు నులిమేశారు. ఆ తర్వాత నేను చచ్చిపోయాను అని వదిలేసి వెళ్లిపోయారు.  
రాజు: మీరు ప్రాణాలతో వచ్చారు అది చాలు అమ్మాయి గారు. కానీ అసలు ఈ గెటప్ ఏంటి అమ్మాయి గారు.
విరూపాక్షి: అసలు ఏం జరిగిందో నేను చెప్తాను. రూప చనిపోయింది అనే బాధలో ఆ రోజు నేను ఉంటే నాకు ఓ ఫోన్ కాల్ వచ్చింది. అని జరిగింది చెప్తుంది.

రూప ఓ చోట తేలుతుంది. ఇంతలో ఇద్దరు చాకలి వాళ్లు రూపని చూస్తారు. రూప బతికే ఉందని గుర్తించి హాస్పిటల్‌కి తీసుకెళ్తారు. విరూపాక్షికి కాల్ రావడంతో వెళ్తుంది. నా బిడ్డ చనిపోయింది లక్ష్మీ నువ్వు ఎవర్ని ఎవరు అనుకుంటున్నావో అని విరూపాక్షి నర్సుతో మాట్లాడుతుంది. లేదని నర్సు తీసుకెళ్తుంది. రూపని చూసిన విరూపాక్షి షాక్ అయిపోతుంది. రూపని చూసి విరూపాక్షి ఏడుస్తుంది. గతంలో విజయాంబిక  చంపిన కవల పిల్లల్లో ఒకరితో పాటు విరూపాక్షి తండ్రిని చంపినప్పుడు పక్కనే ఉన్న నర్సు విరూపాక్షిని హాస్పిటల్‌లో చూసి గుర్తు పడుతుంది. 

విరూపాక్షి రూపని కాపాడిన వాళ్లని ధన్యవాదాలు చెప్పి కాళ్ల మీద పడబోతుంది. రూపకి మెలకువ వస్తుంది. రూపని పట్టుకొని విరూపాక్షి చాలా ఏడుస్తుంది. ఏమైందని రూప అడిగితే మేం అంతా నువ్వు చనిపోయాం అనుకున్నాం అమ్మా ఈ రోజు నీకు సంతాప సభ కూడా ఏర్పాటు చేశారని విరూపాక్షి చెప్తుంది. అసలేం జరుగుతుందమ్మా  అని రూప అడుగుతుంది. నువ్వు ఆ రోజు నీటిలో మునిగి లేవలేదని ఆ రోజు రాత్రి ఓ శవం కనిపించిందని అది అచ్చం నువ్వు వేసుకున్న బట్టలు వేసుకోవడంతో నువ్వే అనుకున్నాం.. నీటిలో మునిగి ముఖం ఉబ్బిపోవడంతో ఆ శవం నీదే అనుకున్నా అని అంటుంది. విరూపాక్షి రూపని తీసుకొని ఇంటికి వెళ్తాను అంటుంది.

ఇంతలో నర్సు వచ్చి నన్ను క్షమించు అమ్మా నీ బిడ్డ చావుకి నేను కారణం అయ్యానని నేను అడ్డు పడుంటే నీ బిడ్డ బతికేదని అంటుంది. ఏమైందో అర్థం కాక విరూపాక్షి, రూప ప్రశ్నిస్తారు. దాంతో నర్సు సరిగ్గా పాతికేళ్ల క్రితం పురిటి నొప్పులతో ఈ హాస్పిటల్‌కి వచ్చారు అని గతంలో జరిగింది మొత్తం చెప్తుంది. రూప షాక్ అయిపోతుంది. నీ బిడ్డను నీకు కాకుండా చేసింది ఆ దేవుడు కాదమ్మా నీ వదిన విజయాంబిక అని చెప్తుంది. రూప, విరూపాక్షి ఇద్దరూ షాక్ అయిపోతారు. మీ నాన్నని కూడా విజయాంబికనే చంపేసిందని నర్సు చెప్తుంది. విరూపాక్షి చాలా ఏడుస్తుంది. రూప షాక్ అయిపోతుంది. నీతో పాటు నీకు చెల్లి కూడా పుట్టిందని రూపతో విరూపాక్షి చెప్పి ఏడుస్తుంది. ఆ విజయాంబికను ఊరికే వదిలేయకూడదు అంటుంది.

రూప తల్లితో అత్తయ్యకు బుద్ధి చెప్పాలి అంటే ముందు నువ్వు నాన్న ఒక్కటవ్వాలి తర్వాత చెప్దాం అని అంటుంది. అప్పుడే రూప రెండో కూతురిలా వేషం మార్చుకొని వస్తుంది. ఈ స్టోరీ మొత్తం విరూపాక్షి రాజుకి చెప్తుంది. నా రెండో కన్న బిడ్డని నా తండ్రిని ఆస్తి మీద ఆశతో విజయాంబిక చంపేసిందని విరూపాక్షి ఏడుస్తుంది. అందుకే తన మీద నింద వేసి గెంటేసిందని ఏడుస్తుంది. రుక్మిణి ఐడియా సూపర్ అని రాజు అంటాడు. మా అమ్మాయిగారికి ఎలా సపోర్ట్ చేశానో చిన్న అమ్మాయిగారిని కూడా అలాగే సపోర్ట్ చేస్తానని నవ్వుతాడు. రూప బతికే ఉందన్న నిజం బంటీకి చెప్పకూడదు అనుకుంటారు. దీపక్, విజయాంబికలకు అనుమానం రాకుండా చూడాలని రాజు అంటే అందుకే ఈ వేషం యాస అని రూప అంటుంది. దీంతో ఇవాళ్టి ఎపిసోడ్ పూర్తయిపోతుంది.