Thalapathy 68: ‘పజిల్‘ లేదంటే ‘బాస్‘- 'దళపతి 68' మూవీ టైటిల్ పై నిర్మాత అర్చన కల్పతి క్లారిటీ!
Thalapathy 68: తమిళ స్టార్ హీరో విజయ్ ‘దళపతి 68’ మూవీకి ‘పజిల్’ లేదంటే ‘బాస్’ అని పెట్టబోతున్నట్లు వస్తున్న వార్తలను నిర్మాత అర్చన కల్పతి ఖండించింది. ఆ వార్తల్లో వాస్తవం లేదని వెల్లడించింది.
Thalapathy 68 Title: ‘లియో’ (Leo) సినిమాతో మంచి జోష్ లో ఉన్న తమిళ స్టార్ హీరో దళపతి విజయ్ (Vijay), దర్శకుడు వెంకట్ ప్రభుతో కలిసి ఓ సినిమా చేస్తున్నారు. ‘దళపతి 68’ పేరుతో రూపొందుతున్న ఈ సినిమాకు సంబంధించి షూటింగ్ శరవేగంగా కొనసాగుతోంది. ఈ చిత్రంలో మీనాక్షి చౌదరి హీరోయిన్ గా నటిస్తోంది. ప్రశాంత్, ప్రభుదేవా, జయరామ్, యోగి బాబు, ప్రధాన పాత్రలు పోషిస్తున్నారు. వచ్చే ఏడాది(2024) జనవరి 1న ఈ మూవీ టైటిల్ రివీల్ చేయనున్నట్లు వార్తలు వచ్చాయి. అదే సమయంలో విడుదల తేదీని కూడా ప్రకటిస్తారనే టాక్ వినిపిస్తోంది.
'దళపతి 68' టైటిల్ పై నిర్మాత అర్చన క్లారిటీ
తాజాగా ఈ సినిమాకు సంబంధించిన టైటిల్ విషయంలో క్లారిటీ ఇచ్చారు నిర్మాత అర్చన కల్పతి. గత కొద్ది రోజులుగా ఈ సినిమాకు సంబంధించి వస్తున్న వార్తలపై, ముఖ్యంగా ఈ సినిమా టైటిల్ గురించి వస్తున్న ఊహాగానాలకు ఫుల్ స్టాప్ పెట్టే ప్రయత్నం చేశారు. “నేను ఇప్పుడే కొన్ని అప్ డేట్స్ చూశాను. మీరు మా సినిమా పట్ల చూపిస్తున్న అభిమానానికి కృతజ్ఞతలు. ఈ సినిమాకు సంబంధించి దర్శకుడు వెంకట్ ప్రభు కొత్తగా ప్రయత్నిస్తున్నారు. 'దళపతి 68' అనే సినిమాకు 'బాస్' లేదంటే 'పజిల్' అనే టైటిల్ పెట్టే అవకాశం ఉందని వార్తలు వినిపిస్తున్నాయి. అవన్నీ అవాస్తవం. అధికారిక ప్రకటన కోసం ఓపికగా వేచి ఉండాలి” అని అభిమానులను ఆమె అభ్యర్థించింది.
శరవేగంగా కోనసాగుతున్న షూటింగ్
ఇక 'దళపతి 68' సినిమాకు సంబంధించి షూటింగ్ శరవేగంగా కొనసాగుతోంది. ఇప్పటికే ఈ సినిమాకు సంబంధించిన షూటింగ్ థాయ్ లాండ్ లో కొనసాగింది. కీలక సన్నివేశాలు, పాటలను అక్కడ చిత్రీకరించారు. తాజాగా బ్యాంకాక్ షూట్ కంప్లీట్ చేసుకుని చిత్రబృందం చెన్నైకి తిరిగి వచ్చారు. చెన్నై షెడ్యూల్ లో యాక్షన్ సీక్వెన్స్ ను చిత్రీకరించారు. పొలిటికల్ థ్రిల్లర్ జోనర్లో పాన్ ఇండియా కథాంశంతో ఈ సినిమా తెరకెక్కుతోంది. ఈ చిత్రంలో విజయ్ డ్యుయల్ రోల్లో నటిస్తున్నట్లు తెలుస్తోంది.
జనవరి 1న ఫస్ట్ లుక్ రిలీజ్
విజయ్ ఫ్యాన్స్ ఆసక్తికగా ఎదురు చూస్తున్న ఈ సినిమా 2024 జులై 31న విడుదల చేయాలని మేకర్స్ భావిస్తున్నారు. ఇక ఈ సినిమాకు సంబంధించిన ఫస్ట్ లుక్ ను వచ్చే ఏడాది జనవరి 1న లాంచ్ చేయాలని ప్లాన్ చేస్తున్నట్లు తెలుస్తోంది. ఫస్ట్ లుక్ తర్వాత సినిమా ప్రమోషన్స్ ను ముమ్మరం చేయాలని భావిస్తున్నారు మేకర్స్. ఫస్ట్ లుక్ తో పాటు టైటిల్ ని కూడా రివీల్ చేస్తారా? లేదా? అనే అంశంపై త్వరలో క్లారిటీ వచ్చే అవకాశం ఉంది. 'దళపతి 68' మూవీ ఏజీఎస్ ఎంటర్టైన్మెంట్ ప్రొడక్షన్ బ్యానర్పై తెరకెక్కుతోంది. యువన్ శంకర్ రాజా సంగీతం అందిస్తున్నారు. సిద్ధార్థ నుని సినిమాటోగ్రఫీ చేస్తున్నారు. వెంకట్ రాజన్ ఎడిటింగ్ బాధ్యతలు నిర్వహిస్తున్నారు.
Read Also: రణబీర్ వీడియో TO దీపిక వావ్ - 2023లో బాలీవుడ్ స్టార్స్ టాప్ 10 వైరల్ ఇన్స్టా పోస్ట్ లు
టాప్ హెడ్ లైన్స్
ట్రెండింగ్ వార్తలు
