Thegimpu Trailer: అస్సలు సిగ్గు లేదంటున్న అజిత్ కుమార్ - ‘తెగింపు’ ట్రైలర్ చూశారా?
అజిత్ కుమార్ హీరోగా నటిస్తున్న ‘తెగింపు’ ట్రైలర్ యూట్యూబ్‌లో విడుదల అయింది.
Thegimpu Trailer Released: హీరో అజిత్ నటిస్తున్న తమిళ సినిమా ‘తునివు’. దీన్ని ‘తెగింపు’ అనే పేరుతో తెలుగులో డబ్బింగ్ చేస్తున్నారు. ఈ సినిమా ట్రైలర్‌ను నిర్మాతలు సోమవారం విడుదల చేశారు. బ్యాంక్ దోపిడి చేసే ముఠాకు లీడర్‌గా అజిత్ తెగింపులో కనిపించనున్నారు. యాక్షన్ సన్నివేశాలు అయితే నెక్స్ట్ లెవల్ అన్నట్లు కనిపిస్తున్నాయి చెప్పాలి. అజిత్‌తో ‘వలిమై’ తీసిన హెచ్.వినోద్‌నే ఈ సినిమాకు కూడా దర్శకత్వం వహించారు.
అజిత్ కుమార్ స్టైలిష్ పెర్ఫార్మెన్స్ ఈ సినిమాకు పెద్ద ప్లస్ కానుంది. నెగిటివ్ షేడ్స్‌లో అజిత్ నటన ఎప్పుడూ ఆకట్టుకుంటుంది. ‘గ్యాంబ్లర్ (తమిళంలో మంకాతా)’, ‘వేదాళం’ సినిమాల్లో నెగిటివ్ షేడ్‌లో అజిత్ సూపర్ హిట్లు కొట్టాడు. ఇప్పుడు అదే నెగిటివ్ షేడ్‌తో ‘తెగింపు’తో ప్రేక్షకుల ముందుకు రానున్నాడు. నైజాం, వైజాగ్ ఏరియాల్లో దిల్ రాజు తెగింపును రిలీజ్ చేయనున్నారు. తమిళ నటుడు అజిత్‌కు తెలుగులోనూ చాలా మంచి పాపులారిటీ ఉంది.
ప్రస్తుతం మూవీ టీమ్ ప్రమోషన్స్ లో ఫుల్ బిజీగా ఉంది. సాధారణంగా సినిమా ప్రమోషన్స్ అంటే రకరకాల కార్యక్రమాలు చేస్తుంటారు నిర్మాతలు. అయితే ‘తెగింపు’ మూవీ టీమ్ మాత్రం సరికొత్త రీతిలో ప్రచారాన్ని మొదలుపెట్టింది.
సినిమాకు సంబంధించిన భారీ పోస్టర్ ను గాలిలో ఎగరేస్తూ ఆశ్చర్యానికి గురి చేశారు. స్కై డైవింగ్ ద్వారా చేసిన ఈ వినూత్న ప్రచారాన్ని వీడియో తీసి సోషల్ మీడియా లో పోస్ట్ చేసింది లైకా ప్రొడక్షన్. అజిత్ సినిమాను ఇంత లెవల్ లో ప్రచారం చేయడం వెనుక ఓ కారణం ఉంది. తమిళనాట ఎప్పటి నుంచో అజిత్, విజయ్ సినిమాల మధ్య బాగా పోటీ ఉంది.
ఈ సంవత్సరం కూడా అజిత్ ‘తెగింపు’, విజయ్ ‘వారిసు’ సినిమాలు ఒకేసారి విడుదల అవ్వబోతున్నాయి. ఇటు తెలుగులో కూడా మార్కెట్ ను పెంచుకునే పనిలో ఉన్నారు ఈ ఇద్దరు స్టార్ హీరోలు. దీంతో ఈ రెండు సినిమాలు పోటీగా ప్రమోషన్స్ ను సాగిస్తున్నాయి.
View this post on Instagram
టాప్ హెడ్ లైన్స్
ట్రెండింగ్ వార్తలు
