అన్వేషించండి

Sundeep Kishan : హీరోయిన్ తో సందీప్ కిషన్ డేటింగ్, నిజమేనా?

కొన్నాళ్లుగా సందీప్ కిషన్.. నటి సోనియా రథీతో రిలేషన్ లో ఉన్నాడట. వీరిద్దరూ కామన్ ఫ్రెండ్స్ ద్వారా కలుసుకున్నారట.

By : ABP Desam | Updated at : 04 Mar 2022 03:36 PM (IST)

హీరోయిన్ తో సందీప్ కిషన్ డేటింగ్, నిజమేనా?

టాలీవుడ్ యంగ్ హీరో సందీప్ కిషన్ ఒకప్పటితో పోలిస్తే ఇప్పుడు కాస్త స్పీడు తగ్గించారు. ఆయన నటిస్తోన్న సినిమాలు కూడా ఆశించిన స్థాయిలో హిట్ కావడం లేదు. ఇప్పుడు సినిమాలతో పాటు వెబ్ కంటెంట్ పై కూడా దృష్టి పెట్టారు. ప్రస్తుతం తమిళంలో రెండు సినిమాల్లో నటిస్తున్నారు ఈ యంగ్ హీరో. ఇదిలా ఉండగా.. ఇప్పుడు సందీప్ కి సంబంధించిన ఓ విషయం సోషల్ మీడియాలో చక్కర్లు కొడుతోంది.

అదేంటంటే.. కొన్నాళ్లుగా సందీప్ కిషన్.. నటి సోనియా రథీతో రిలేషన్ లో ఉన్నాడట. వీరిద్దరూ కామన్ ఫ్రెండ్స్ ద్వారా కలుసుకున్నారట. తక్కువ సమయంలో ఇద్దరి మధ్య పరిచయం ప్రేమగా మారిందట. అంతేకాదు.. ముంబైలో ఈ జంట షికార్లు కొడుతుందని టాక్. అయితే ఈ విషయంపై అటు సందీప్ కానీ ఇటు సోనియా కానీ స్పందించలేదు.

సోనియా హీరోయిన్ గా కొన్ని సినిమాలు చేసింది. ఆమె నటించిన 'తారా వర్సెస్ బిలాల్' త్వరలోనే విడుదల కానుంది. గతంలో ఈ బ్యూటీ 'బ్రోకెన్ బట్ బ్యూటీఫుల్', 'డీకపుల్డ్' వంటి వెబ్ ప్రాజెక్ట్స్ లో నటించింది. ఈమె నటి మాత్రమే కాదు.. మంచి డాన్సర్ కూడా. గతంలో ప్రొడక్షన్ డిజైనర్ గా కూడా పని చేసింది. ఇక సందీప్ విషయానికొస్తే.. ఆయన చివరిగా 'గల్లీ రౌడీ' అనే సినిమాలో కనిపించాడు. ప్రస్తుతం పాన్ ఇండియా సినిమా 'మైఖేల్'లో నటిస్తున్నాడు.