Shraddha das: అనసూయకు అండగా నిలిచి అడ్డంగా బుక్కైన శ్రద్ధాదాస్!
యాంకర్ అనసూయ చుట్టూ తిరుగుతున్న వివాదం.. మరో హీరోయిన్ మెడకు చుట్టుకుంది. అనసూయకు మద్దతుగా నిలిచి అడ్డంగా బుక్కైంది అందాల శ్రద్ధాదాస్.
లైగర్ ఫ్లాప్ అయిన వెంటనే అనసూయ చేసిన ట్వీట్ పెద్ద దుమారమే రేపింది. రౌడీ హీరో విజయ్ దేవరకొండ అభిమానులు అనసూయపై ట్రోలింగ్స్ తో విరుచుకుపడుతున్నారు. ట్రోలర్స్ దెబ్బకు అనసూయ ఆగ్రహంతో ఊగిపోతోంది. సుమారు ఐదు సంవత్సరాల క్రితం అర్జున్ రెడ్డి సినిమాపై విమర్శలు గుప్పించిన అనసూయ.. తాజాగా లైగర్ సినిమా ఫ్లాప్ కావడంతో తన సంతోషాన్ని ట్విట్టర్ వేదికగా వెల్లడించింది. దీంతో విజయ్ దేవరకొండ అభిమానులు ఓ రేంజిలో రెచ్చిపోయారు. సినిమా ఇండస్ట్రీలో ఉంటూ.. నటిగా కొనసాగుతూ.. ఓ సినిమా ఫ్లాప్ అయితే సంతోష పడటం ఏంటంటూ ట్రోలింగ్ మొదలు పెట్టారు.
నెమ్మదిగా విజయ్ అభిమానులు ఈ విషయాన్ని సీరియస్ గా తీసుకున్నారు. రౌడీ హీరో అభిమానులకు నెటిజన్లు సైతం మద్దతు పలికారు. అనసూయ తీరుపై మండిపడ్డారు. అనసూయ సైతం విజయ్ అభిమానులు కౌంటర్ల మీద కౌంటర్లు ఇచ్చింది. ఇదే సమయంలో ఆమెను కొందరు ఆంటీ అని సంబోధించారు. నన్ను ఆంటీ అనే వాళ్ల మీద కేసు పెడతానని వార్నింగ్ ఇచ్చింది. దీంతో మరింత రెచ్చిపోయారు. ఆంటీ.. ఆంటీ అంటూ టీజ్ చేయడం మొదలు పెట్టారు. వీరి దెబ్బకు ఆంటీ అనే పదం ట్రెండింగ్ లో నిలిచింది.
అనసూయకు నెటిజన్ల నుంచి ఎదురవుతున్న ట్రోల్స్ పై నటి శ్రద్ధాదాస్ తీవ్ర ఆగ్రహం వ్యక్తం చేసింది. అనసూయకు మద్దతుగా ఓ ట్వీట్ చేసింది. విజయ్ అభిమానులు ఇప్పుడు అనసూయతో పాటు శ్రద్ధానూ కలిపి ట్రోల్ చేస్తున్నారు. “మీ వయసులో సగం వయసున్న అమ్మాయిల కంటే, మీ కంటే పెద్ద వయసున్న అంకుల్స్ కంటే మీరే అందంగా ఉన్నారు” అంటూ శ్రద్ధాదాస్ ట్వీట్ చేసింది.
You look younger than most women even half your age,stunning I would say! And hotter than most uncles double your age @anusuyakhasba .
— Shraddha das (@shraddhadas43) August 26, 2022
Fan of you 💛 https://t.co/0z9YnIVpYH
దీంతో నెటిజన్లు శ్రద్ధాపై ఓ రేంజిలో ఎదురుదాడికి దిగారు. ఈ ట్రోల్స్ పై తను స్పందించింది. “అనవసరంగా నన్ను దూషిస్తూ మీ సమయాన్ని, శక్తిని వృధా చేసుకుంటున్నారు. నేను మాత్రం సింపుల్ గా బ్లాక్ చేసి డిలీట్ చేస్తా. ఇదసలు పాయింటే కాదు. అనసూయ లుక్స్ గురించి కాంప్లిమెంట్ ఇచ్చినందుకు నన్ను ట్రోల్ చేయడంలో ఏమాత్రం అర్ధం లేదు” అంటూ రిప్లై ఇచ్చింది శ్రద్దాదాస్.
Guys you will waste your time and energy abusing me,I only block and delete. So pointless. It’s senseless for you to troll me for complimenting @anusuyakhasba on her looks !
— Shraddha das (@shraddhadas43) August 26, 2022
Get well soon 🤗
అయినా ట్రోలర్స్ అనసూయ, శ్రద్దాదాస్ ను ఓ రేంజిలో ఆడుకుంటున్నారు. ఇద్దరిపై ట్వీట్ల వర్షం కురిపిస్తున్నారు. అటు అనసూయ, ఇటు విజయ్ దేవరకొండ అభిమానులు, మధ్యలో శ్రద్ధాదాస్ ఎవరూ వెనక్కి తగ్గడం లేదు. చాలా మంది సెలబ్రిటీలు ఈ వివాదం మీద స్పందించాలని ఉన్నా.. ఒక వేళ వెళ్తే తమకు ఎక్కడ బ్యాడ్ నేమ్ వస్తుందో నని సైలెంట్ గా ఉంటున్నారు. మరోవైపు ఈ వివాదం ఎప్పుడు చల్లారుతుందోనని సినిమా ఇండస్ట్రీలో జనాలు చర్చించుకుంటున్నారట.
టాప్ హెడ్ లైన్స్
ట్రెండింగ్ వార్తలు
