Shatamanam Bhavathi 2: ‘శతమానం భవతి 2’ని అనౌన్స్ చేసిన దిల్ రాజు - 2025 సంక్రాంతి పోటీ ఇప్పుడే షురూ!

Shatamanam Bhavathi Sequel: 2017లో వచ్చి బ్లాక్‌బస్టర్‌గా నిలిచిన ‘శతమానం భవతి’ సీక్వెల్‌ను అధికారికంగా ప్రకటించారు.

శతమానం భవతి 2 అనౌన్స్‌మెంట్ పోస్టర్

Source : @SVC_official X/Twitter

Shatamanam Bhavathi Next Page: ప్రముఖ నిర్మాత దిల్ రాజు గతంలో నిర్మించిన ‘శతమానం భవతి’ సెన్సేషనల్ హిట్‌గా నిలిచిన సంగతి తెలిసిందే. ఈ సినిమాకు జాతీయ అవార్డు కూడా దక్కింది. 2017 సంక్రాంతికి విడుదల అయిన ఈ సినిమా చిరంజీవి ‘ఖైదీ నంబర్ 150’, నందమూరి బాలకృష్ణ ‘గౌతమీ పుత్ర శాతకర్ణి’లతో పోటీ పడి మరీ భారీ విజయం సాధించింది. సంక్రాంతి సీజన్‌లో ఎన్ని పెద్ద సినిమాలు విడుదల అయినా కంటెంట్ బాగుంటే చిన్న సినిమాకు కూడా స్కోప్ ఉంటుందని నిరూపించిన సినిమా. ఇప్పుడు ‘శతమానం భవతి’ డిస్కషన్ ఎందుకు అనుకుంటున్నారా? ఆ సినిమా సీక్వెల్‌ను నిర్మాత దిల్ రాజు అధికారికంగా ప్రకటించారు మరి.

దీనికి ఇంకా పేరును ప్రకటించలేదు. ‘శతమానం భవతి నెక్స్ట్ పేజీ’ అని అనౌన్స్‌మెంట్ పోస్టర్‌లో పెట్టారు. వచ్చే సంక్రాంతికి కలుద్దాం అని కూడా ఈ పోస్టర్‌లో ఉంది. అంటే 2025 సంక్రాంతికి ఈ సినిమా విడుదల కానుందన్న మాట. 2017లో వచ్చిన ‘శతమానం భవతి’లో శర్వానంద్, అనుపమ పరమేశ్వరన్‌లు జంటగా నటించారు. సతీష్ వేగెశ్న ఈ సినిమాకు దర్శకత్వం వహించారు. 

7 years ago, #ShathamanamBhavathi Celebrated Sankranthi with its timeless magic ❤️

Now, get ready for another chapter unfolding with even more enchantment in 2025! 😍

More Details loading soon 😉

వచ్చే సంక్రాంతికి కలుద్దాం ❤️‍🔥 pic.twitter.com/yJT5xump4Q

— Sri Venkateswara Creations (@SVC_official) January 15, 2024

అయితే సీక్వెల్‌కు సతీష్‌నే దర్శకత్వం వహిస్తారా? లేదా? ఇందులో హీరో హీరోయిన్లు ఎవరు? అనే విషయాలు ఇంకా తెలియాల్సి ఉంది. మొదటి భాగానికి పని చేసిన టీమ్‌నే కొనసాగిస్తారా? పూర్తిగా కొత్త టీమ్‌తో వెళ్తారా వంటి విషయాలపై ఇంకా ఎటువంటి క్లారిటీ ఇవ్వలేదు.