Aryan Khan: బాహుబలి భామతో షారుక్ కుమారుడి లవ్‌స్టోరీ - 'లైగర్' భామ దిమ్మదిరగాలనుంటున్న ఫ్యాన్స్
షారుక్ ఖాన్ కొడుకు ఆర్యన్ ఖాన్ బాలీవుడ్ భామ నోరా ఫతేహితో డేటింగ్‌లో ఉన్నాడని వార్తలు వస్తున్నాయి.
సినీ రంగంలో లవ్ స్టోరీలు, బ్రేకప్‌లు షరా మూమూలే. ఇక బాలీవుడ్ గురించైతే ప్రత్యేకంగా చెప్పాల్సిన పనిలేదు. వారానికి ఒక సినిమా విడుదలైనట్లు, ఏదో ఒక జంట గురించి ఇలాంటి వార్తలు గుప్పుమంటూనే ఉంటాయి. తాజాగా బాలీవుడ్ కింగ్ ఖాన్ షారుక్ కుమారుడు ఆర్యన్ ఖాన్ గురించి ఓ వార్త వైరల్ అవుతోంది. అదేంటంటే.. తన పాటలతో, ఐటెం డ్యాన్సులతో స్టార్‌డం తెచ్చుకున్న కెనడియన్ భామ నోరా ఫతేహితో ఆర్యన్ రిలేషన్‌ షిప్‌లో ఉన్నాడట. ఇటీవల ఆర్యన్ ఓ ఫ్యాన్‌తో కలిసి ఫొటో దిగాడు. అదే ఫ్యాన్‌తో నోరా కూడా సెల్ఫీ దిగడంతో వీరిద్దరూ కలిసి ఎక్కడికో వెళ్లారని, కచ్చితంగా డేటింగ్‌లో ఉండుటారని బీ-టౌన్‌లో టాక్‌.
ఇక్కడ మరో ఇంట్రెస్టింగ్ విషయం ఏంటంటే.. ఆర్యన్, నోరా డేటింగ్‌లో ఉన్నారో లేదో తెలీదు కానీ సోషల్‌ మీడియాలో నెటిజన్ల కామెంట్లు మరో రేంజ్‌లో ఉన్నాయి. వారిద్దరూ డేటింగ్‌లో లేకపోయినా బాలీవుడ్ నటి అనన్య పాండేకు కుళ్లుకోవాలంటే వీరిద్దరూ కచ్చితంగా రిలేషన్‌షిప్‌లో ఉండే తీరాలంటూ నెటిజన్లు హ్యాష్‌ట్యాగ్‌లు పెట్టి మరీ ట్రోల్ చేస్తున్నారు. ఎందుకంటే అనన్యకు ఆర్యన్ అంటే ఇష్టమని కూడా ఒకప్పుడు వార్తలు వచ్చాయి. ఆర్యన్ వయసులో చిన్నవాడే అయినా నోరాకు తనకు ఐదేళ్లే వ్యత్యాసం ఉన్నప్పుడు వారిద్దరూ ప్రేమలో పడటం పెద్ద విషయమేమీ కాదని మరికొందరు నెటిజన్లు వారికి సపోర్ట్ ఇస్తున్నారు. ఈ విషయం వైరల్ అవడంతో బాలీవుడ్‌కి చెందిన కొందరు వ్యక్తలు వివరణ ఇచ్చారు. న్యూఇయర్, క్రిస్మస్ వేడుకలకు అందరు బాలీవుడ్ నటులు ఒకే దగ్గర కలుస్తుంటారని, అలాంటప్పుడు వారిద్దరూ ఒకే చోట ఉండటం, ఫ్యాన్స్‌లో ఫొటోలు దిగిన విషయాన్ని డేటింగ్‌లో ఉన్నారనుకోవడం పొరపాటేనని అంటున్నారు.
గతంలో నోరా ప్రముఖ గాయకుడు గురు రాంధవాతో కలిసి నాచ్‌ మేరీ రాణీ అనే ఆల్బమ్‌తో కలిసి ఆడిపాడారు. ఈ పాట 2022లో యూట్యూబ్‌ను ఒక ఊపు ఊపేసింది. ఈ పాట సక్సెస్ అయిన సమయంలో గురు రాంధవా, నోరా కలిసి ఎన్నో ఈవెంట్లకు కలిసి వెళ్లి పాటను ప్రొమోట్ చేసారు. ఆ సమయంలో వీరిద్దరూ డేటింగ్‌లో ఉన్నారని అనుకున్నారు. ఇదే విషయం గురించి మీడియా గురుని అడిగినప్పుడు అంత అందమైన అమ్మాయితో నేను డేటింగ్‌లో ఉన్నానని అనుకుంటున్నారంటే నేను చాలా సంతోషిస్తాను అన్నాడు.
ఇకపోతే బాలీవుడ్‌లో తనకంటూ గుర్తింపు తెచ్చుకుంటున్న సమయంలో నోరా.. అంగద్ బేడీ అనే నటుడితో ప్రేమలో ఉంది. కాకపోతే అదే సమయంలో అంగద్.. ప్రముఖ నటి నేహా ధుపియాతోనూ ప్రమ వ్యవహారం కొనసాగించడం, పెళ్లికి ముందే ఆమె గర్భం దాల్చడంతో నోరాను పక్కనపెట్టి నేహాను వివాహం చేసేసుకున్నాడు. దాంతో నోరా ఈ బాధ నుంచి బయటపడటానికి ఆమెకు చాలా సమయం పట్టింది. గతేడాది డ్రగ్స్‌ వ్యవహారంలో అరెస్ట్ అయ్యి బయటికి వచ్చిన ఆర్యన్ తన చదువు మీద దృష్టిసారిస్తున్నాడు. ఇక నోరాతో తన రిలేషన్‌ గురించి వారిద్దరిలో ఎవరో ఒకరు నోరు విప్పితే తప్ప ఓ క్లారిటీ వచ్చేలా లేదు.
View this post on Instagram
టాప్ హెడ్ లైన్స్
ట్రెండింగ్ వార్తలు
