Samantha: నీ భర్తను ఎందుకు మోసం చేశావ్‌? - నెటిజన్‌ ప్రశ్నకి సమంత స్ట్రాంగ్‌ కౌంటర్‌, ఏమన్నదంటే!

Samantha:సమంత పోస్ట్‌పై నీ భర్తను ఎందుకు మోసం చేశావంటూ ఓ నెటిజన్‌ అడిగిన ప్రశ్నకు ఆమె అదిరిపోయే రిప్లై ఇచ్చింది. దీంతో సమంత సమాధానం హాట్‌టాపిక్‌ అయ్యింది. ఇది చూసి అంతా ఆమె రిప్లైను హర్షిస్తున్నారు.

Image Credit: samantharuthprabhuoffl/Instagram

Samantha Strong Counter to Netizen: సమంత-నాగచైతన్య (Samantha - Naga Chaitanya Divorce) విడాకులు ఇప్పటికీ హాట్‌టాపిక్‌గానే ఉంది. వీరు విడిపోయి దాదాపు మూడేళ్లు కావోస్తుంది. కానీ, సామ్‌-చై విడిపోవడాన్ని వారి ఫ్యాన్స్‌ జీర్ణించుకోలేకపోతున్నారు. అయితే వీరి విడాకుల విషయంలో అక్కినేని ఫ్యాన్స్‌, సాధారణ ఆడియన్స్‌ అంతా సమంతనే విమర్శిస్తున్నారు. తనవల్లే వారి వైవాహిక జీవితంలో కలహాలు వచ్చాయని, సమంత నాగచైతన్యను మోసం చేసిందంటూ అక్కినేని ఫ్యాన్స్‌ అంతా ఆమెపై మండిపడుతున్నారు. అయితే ఇదే ప్రశ్న ఓ నెటిజన్‌ సమంతను నేరుగా అడిగేశాడు. సమంత ఆరోగ్యంపై అవగాహన కల్పిస్తూ పాడ్‌కాస్ట్‌ ప్రారంభించిన సంగతి తెలిసిందే. ఇన్న ఇంటర్నేషనల్‌ హెల్త్‌ డే సందర్భంగా సమంత కొత్త ఎపిసోడ్‌కు సంబంధించిన ప్రోమోను షేర్‌ చేసింది. అయితే దీనికి సంబంధం లేకుండా ఓ నెటిజన్‌ కామెంట్‌ చేశాడు.

నెటిజన్ కి సమంత కౌంటర్: 

సమంత వ్యక్తిగత విషయంలో జోక్యం చేసుకున్నాడు. తన వీడియోకు "సరే.. కానీ, అమాయకుడైన నీ భర్తను ఎందుకు మోసం చేశావ్‌?" అంటూ కామెంట్ చేశాడు. ఈ అతడి కామెంట్‌కు సమంత అతడికి స్ట్రాంగ్‌ కౌంటర్‌ ఇచ్చింది. దీనికి స్పందిస్తూ.. "క్షమించండి! మీకు ఇలాంటి ప్రాక్టిసస్‌ ఉపయోగపడకపోవచ్చు. మీకు ఇంకా బలమైనది కావాలి. మీకు అంతా మంచి జరగాలని కోరుకుంటున్నా" అంటూ చేతులు జోడించిన ఎమోజీని జత చేసింది. ప్రస్తుతం సమంత రిప్లై, అతడి కామెంట్స్‌ నెట్టింట చర్చనీయాంశమైంది. 'సమంత రిప్లై నెటిజన్లు హర్షిస్తున్నారు', 'చాలా బాగా సమాధానం ఇచ్చారు.. మీరు ఇంకా స్ట్రాంగ్‌ ఉండాలి మేడమ్‌','ఇలాంటి హెటర్స్‌కి మీరు సమాధానం చెప్పాల్సిన అవసరం లేదు' అంటూ నెటిజన్లు కామెంట్స్‌ చేస్తున్నారు. మరికొందరు అయితే సదరు నెటిజన్‌కి చురకలు అట్టిస్తున్నారు. వారి మధ్య ఏం జరిగిందనేది పూర్తిగా తెలియకుండా ఇలాంటి ప్రశ్న వేయడం కరెక్ట కాదంటూ కామెంట్స్‌ చేస్తున్నారు. 

కాగా 'ఏం మాయ చేసావే' మూవీతో ప్రేమలో పడ్డ నాగ చైతన్య-సమంతలు కొన్నేళ్లు డేటింగ్‌ చేశారు. దాదాపు ఆరేళ్ల సీక్రెట్‌ డేటింగ్‌ తర్వాత 2017లో పెళ్లి బంధంలో ఒక్కటయ్యారు. నాలుగేళ్లు అన్యన్యోగా జీవించిన ఈ స్టార్‌ కపుల్‌ సడెన్‌గా విడాకుల ప్రకటన ఇచ్చి అందరికి షాకిచ్చారు. అయితే వీరి డైవోర్స్‌కి కారణం ఏంటన్నది మాత్రం ఎప్పుడు స్పష్టం చేయలేదు. సమంత ఇన్‌డైరెక్టర్‌ తన బాధ పంచకుంటున్నా, చై మాత్రం అసలు బయట పడటం లేదు. పైగా తన మాజీ భార్య అంటే గౌరవం అలాగే ఉందని, తనని ఇప్పటికీ గౌరవిస్తూనే ఉంటానన్నాడు. విడాకులపై ప్రశ్న ఎదురైనప్పుడల్లా దానిని అవైయిడ్‌ చేస్తున్నాడు. ఇదిలా ఉంటే విడాకుల ప్రకటనకు ముందు సమంత తన సోషల్‌ మీడియాలో ప్రోఫైల్‌ని మార్చింది. అప్పుడే అందరికి సందేహం వచ్చినా.. కొన్ని రోజుల వరకు ఈ విషయాన్ని బయటకు రానివ్వలేదు. దీనిపై హాట్‌ హాట్‌గా చర్చ జరుగుతున్న క్రమంలో సడెన్‌గా విడిపోయామంటూ అధికారిక ప్రకటన ఇచ్చారు. దాంతో సామ్‌ వెంటనే నాగచైతన్యను అన్‌ఫాలో చేసి, పెళ్లి ఫోటోలకు సంబంధించిన పోస్ట్స్ తొలగించింది.