Samantha Health Condition : సమంత అమెరికా ప్రయాణం వెనుక అసలు రహస్యం అదేనా? - క్లారిటీ ఇచ్చిన మేనేజర్!

అగ్ర కథానాయిక సమంత అమెరికా పర్యటనలో ఉన్నారు. దాని వెనక రకరకాల కథనాలు ప్రచారంలోకి వచ్చాయి. దాంతో సమంత మేనేజర్ క్లారిటీ ఇచ్చారు.

సమంత (Image courtesy - @Samantha/Instagram)

తెలుగు చలన చిత్ర పరిశ్రమలోని అగ్ర కథానాయికలలో సమంత రూత్ ప్రభు ఒకరు. తమిళంలోనూ అగ్ర హీరోలతో ఆమె సినిమాలు చేశారు. నిజం చెప్పాలంటే... ఇప్పుడు సమంత పాన్ ఇండియా స్టార్. 'ది ఫ్యామిలీ మ్యాన్ 2' వెబ్ సిరీస్ తర్వాత ఉత్తరాదిలోనూ సమంతకు ఫాలోయింగ్ ఏర్పడింది. ఇప్పుడు ఆవిడ ఏం చేసినా... ఎక్కడికి వెళ్లినా... సంచలనం అవుతోంది.

ప్రస్తుతం సమంత అమెరికాలో ఉన్నారు. ఎందుకు వెళ్లారు? ఏమిటి? అనే వివరాలు వెల్లడించలేదు.‌ అయితే... సమంత అమెరికా పర్యటన రకరకాల కథనాలు ప్రచారంలోకి వచ్చాయి. గతంలో ఒకసారి సమంత చర్మ సంబంధిత వ్యాధులతో సతమతం అయ్యారు. కొన్ని రోజులు నటనకు దూరంగా ఉండి చికిత్స తీసుకున్నారు. మరోసారి సమంతకు స్కిన్ ఇష్యూస్ వచ్చాయని... చికిత్స కోసమే అమెరికా వెళ్లారని... పుకార్లు షికారు చేశాయి. దాంతో సమంత మానేశారు మహేంద్ర క్లారిటీ ఇచ్చారు.

స్కిన్ ట్రీట్మెంట్ కోసం సమంత అమెరికా వెళ్లారని గాసిప్ అని మహేంద్ర పేర్కొన్నారు. అందులో ఎంత మాత్రం నిజం లేదని స్పష్టం చేశారు. అయితే సమంత అమెరికా ఎందుకు వెళ్లారు అనేది మాత్రం చెప్పలేదు. 

సమంత... ప్రెగ్నెన్సీ!
సినిమాల విషయానికి వస్తే... ప్రస్తుతం పాన్ ఇండియా ఫిలిమ్స్‌తో సమంత బిజీ బిజీగా ఉన్నారు. ఇటీవల ఆవిడ నటించిన 'యశోద' టీజర్ విడుదల చేశారు. ఇంకా విడుదల తేదీ ప్రకటించలేదు. ఆ సినిమాలో సమంత గర్భవతి పాత్ర చేశారు. టీజర్ సినిమాపై అంచనాలు పెంచింది. 'యశోద' కాకుండా సమంత నటిస్తున్న మరో సినిమా 'శాకుంతలం'. 

'యశోద'లో గర్భవతి పాత్ర చేస్తున్న సమంత... 'శాకుంతలం'లో అందుకు పూర్తిగా భిన్నమైన పాత్ర చేశారు. యువరాణిగా ఆమె కనిపించనున్నారు. ఆల్రెడీ ఫస్ట్ లుక్ విడుదల అయ్యింది. తెల్లటి దుస్తుల్లో మిలమిల మెరిసిపోయారు. అందులో దేవ్ మోహన్ మరో పాత్ర చేశారు. ఆ సినిమా కూడా ఈ ఏడాది ప్రేక్షకుల ముందుకు రానుంది. 

విజయ్ దేవరకొండకు జోడీగా...
'యశోద', 'శాకుంతలం' సినిమా చిత్రీకరణలు పూర్తి అయ్యాయి. ఆ రెండు మూవీస్ పక్కన పెడితే ప్రస్తుతం సమంత నటిస్తున్న సినిమా 'ఖుషి'. అందులో విజయ్ దేవరకొండకు జోడీగా ఆమె నటిస్తున్నారు. ఆ చిత్రానికి శివ నిర్వాణ దర్శకుడు. గతంలో 'మజిలీ' వంటి హిట్ సినిమా సమంత, శివ నిర్వాణ ఖాతాలో ఉంది. 

రెమ్యూనరేషన్ పెంచిన సమంత?
ప్రస్తుతం సమంత చేతిలో ఉన్న సినిమాలు అన్నీ పాన్ ఇండియా సినిమాలే. తన క్రేజ్ పెరగడంతో సమంత రెమ్యూనరేషన్ కూడా పెంచారట. 'పుష్ప' సినిమాలో ఐటెం సాంగ్ చేయడానికి అమ్మడు రూ. రెండు కోట్లు రెమ్యునరేషన్ తీసుకున్నారు. 'యశోద', 'శాకుంతలం' చిత్రాలకు రూ. రెండున్నర కోట్ల చొప్పున రెమ్యూనరేషన్ తీసుకున్నారని టాక్. ఇప్పుడు ఎవరైనా సంప్రదిస్తే... మూడున్నర కోట్ల రూపాయలు డిమాండ్ చేస్తున్నారట. 

'ది ఫ్యామిలీ మ్యాన్' సీజన్ 2 తరువాత సమంత క్రేజ్ పెరిగింది. ఓటీటీ, శాటిలైట్ ఛానెల్స్ లో తన సినిమాలకు మంచి బిజినెస్ జరుగుతోంది. అందుకే సమంత పారితోషికం విషయంలో అసలు వెనక్కి తగ్గడం లేదట. నయనతార తరహాలో ఫిమేల్ ఓరియెంటెడ్ సినిమాలపై కాన్సంట్రేట్ చేసిన సమంత... రెమ్యూనరేషన్ కూడా ఆమెలా డిమాండ్ చేస్తున్నారట.