RRR: 'ఆర్ఆర్ఆర్' కోసం 'డాల్బీ సినిమా' టెక్నాలజీ

'ఆర్ఆర్ఆర్' సినిమాతో ఆడియన్స్ కు బెస్ట్ ఎక్స్ పీరియన్స్ ఇవ్వడం కోసం 'డాల్బీ సినిమా' టెక్నాలజీను వాడబోతున్నారు.

Written By : ABP Desam | Updated at : 13 Mar 2022 04:44 PM (IST)

'ఆర్ఆర్ఆర్' కోసం 'డాల్బీ సినిమా' టెక్నాలజీ

దర్శకధీరుడు ఎస్.ఎస్.రాజమౌళి డైరెక్ట్ చేసిన 'ఆర్ఆర్ఆర్'(RRR) సినిమా మార్చి 25న విడుదలకు సిద్ధమవుతోంది. రిలీజ్ డేట్ దగ్గర పడుతుండడంతో దానికి తగ్గట్లుగానే ప్రమోషన్స్ మొదలుపెట్టారు. మార్చి 14న ఈ సినిమా నుంచి 'ఎత్తరా జెండా' అనే పాటను విడుదల చేయనున్నారు. ఇప్పటికే దీనికి సంబంధించిన ప్రోమో బయటకొచ్చింది. అలానే దుబాయ్ లో గ్రాండ్ ఈవెంట్ ను ప్లాన్ చేస్తున్నారు. హైదరాబాద్ లో కూడా ప్రీరిలీజ్ ఈవెంట్ ను ప్లాన్ చేస్తున్నారు.

ఇదిలా ఉండగా.. ఈ సినిమాతో ఆడియన్స్ కు బెస్ట్ ఎక్స్ పీరియన్స్ ఇవ్వడం కోసం 'డాల్బీ సినిమా'(Dolby Cinema) టెక్నాలజీను వాడబోతున్నారు. డాల్బీ సినిమాలో విడుదలవుతున్న మొట్ట మొదటి ఇండియన్ సినిమాగా 'ఆర్ఆర్ఆర్' నిలవబోతుంది. ఓవర్సీస్ లో ఐమాక్స్ లాంటి పెద్ద ఫార్మేట్స్ లో సినిమాను ప్రీమియర్ షోగా ప్రదర్శించడానికి ఈ డాల్బీ సినిమా టెక్నాలజీను వాడతారు. దీంతో 'ఆర్ఆర్ఆర్' సినిమాపై అంచనాలు మరింతగా పెరుగుతున్నాయి.

అంతేకాదు ప్రపంచంలోనే అతి పెద్ద తెర ఉన్న యూకేలో ఈ సినిమా ప్రీమియర్ షోను ప్రదర్శిస్తున్నారు. ఈ తెరపై డాల్బీ సినిమా టెక్నాలజీతో సినిమాను టెలికాస్ట్ చేయనున్నారు. డీవీవీ దానయ్య నిర్మించిన సినిమా ఈ సినిమాకి ఎం.ఎం. కీరవాణి సంగీతం అందించారు. కె.కె. సెంథిల్ కుమార్ సినిమాటోగ్రఫీ అందించారు. ఈ సినిమాలో ఎన్టీఆర్(NTR) సరసన విదేశీ భామ ఒలీవియా మోరిస్, రామ్ చరణ్‌కు(Ram Charan) జోడీగా ఆలియా భట్ కనిపించనున్నారు. శ్రియా శరన్, అజయ్‌దేవ్‌గణ్‌, రాహుల్ రామకృష్ణ తదితరులు కీలక పాత్రలు పోషిస్తున్నారు.