Renu Desai: 'టైగర్ నాగేశ్వరావు'లో రేణుదేశాయ్.. రవితేజకు సిస్టర్ గా..

'టైగర్ నాగేశ్వరావు' సినిమాను వీలైనంత త్వరగా మొదలుపెట్టాలని చూస్తున్నారు రవితేజ. ఈ సినిమాలో రవితేజ సిస్టర్ రోల్ ఉంటుందట. దానికోసం రేణుదేశాయ్ ను తీసుకోవాలని చూస్తున్నారు.

Written By : ABP Desam | Updated at : 29 Jan 2022 03:50 PM (IST)

'టైగర్ నాగేశ్వరావు'లో రేణుదేశాయ్..

టాలీవుడ్ టాప్ హీరో రవితేజ 'క్రాక్' సినిమా తరువాత వరుస సినిమాలను లైన్ లో పెడుతున్నారు. ఇప్పటికే రమేష్ వర్మ దర్శకత్వంలో 'ఖిలాడి' సినిమాను పూర్తి చేశారు రవితేజ. ప్రస్తుతం శరత్ మండవ దర్శకత్వంలో 'రామారావు ఆన్ డ్యూటీ' అనే సినిమాలో నటిస్తున్నారు. దీంతో పాటు త్రినాధరావు నక్కిన దర్శకత్వంలో 'ధమాకా', సుధీర్ వర్మ దర్శకత్వంలో 'రావణాసుర' వంటి సినిమాలు చేస్తున్నారు. వీటితో పాటు 'టైగర్ నాగేశ్వరావు' సినిమా కూడా ఒప్పుకున్నారు. రవితేజ లైనప్ చూసి కుర్ర హీరోలు కూడా షాకవుతున్నారు.

ఇదిలా ఉండగా.. 'టైగర్ నాగేశ్వరావు' సినిమాను వీలైనంత త్వరగా మొదలుపెట్టాలని చూస్తున్నారు రవితేజ. వంశీ కృష్ణ దర్శకత్వంలో అభిషేక్ అగర్వాల్ ఈ సినిమాను నిర్మించబోతున్నారు. అయితే ఈ సినిమాలో రవితేజ సిస్టర్ రోల్ ఉంటుందట. దానికోసం రేణుదేశాయ్ ను తీసుకోవాలని చూస్తున్నారు దర్శకుడు. ఈ విషయంలో ఆమెతో సంప్రదింపులు జరుపుతున్నారట. కానీ ఇప్పటివరకు ఆమె నుంచి ఎలాంటి కన్ఫర్మేషన్ లేదని తెలుస్తోంది.

ఒకప్పుడు నటిగా సినిమాలు చేసిన ఆమె తన సెకండ్ ఇన్నింగ్స్ లో టీవీ షోలకు హోస్ట్ గా కనిపించింది. రీసెంట్ గా ఆమెకి కొన్ని సినిమా అవకాశాలు వచ్చినా.. ఒప్పుకోలేదు. దర్శకురాలిగా ఓ సినిమా చేయడానికి ప్లాన్ చేస్తున్నారు. మరి ఇలాంటి సమయంలో రవితేజ సిస్టర్ రోల్ అంటే ఒప్పుకుంటుందో.. లేదో.. చూడాలి. ఆమె ఓకే చెబితే ఈ ప్రాజెక్ట్ కి హైప్ వస్తుందని భావిస్తున్నారు దర్శకనిర్మాతలు. ఇక ఈ సినిమాలో మొత్తం ముగ్గురు హీరోయిన్లు ఉంటారని సమాచారం.