Ram Charan: ఈ పదకొండేళ్లు ఎంతో అద్భుతమైనవి - పెళ్లి రోజు సందర్భంగా రామ్ చరణ్ స్పెషల్ పోస్ట్

టాలీవుడ్ ఇండస్ట్రీలో మోస్ట్ లవబుల్ కపుల్స్ లో రామ్ చరణ్-ఉపాసన జంట కూడా ఒకటి. నేడు వాళ్ల పెళ్లిరోజు. 2012 లో చెర్రీ-ఉపాసన పెళ్లి జరిగింది. పెళ్లి రోజు సందర్భంగా ఈ జంటకు శుభాకాంక్షలు వెల్లువెత్తాయి.

Image Credit: Ram Charan/Instagram

Ram Charan: టాలీవుడ్ ఇండస్ట్రీలో మోస్ట్ లవబుల్ కపుల్స్ లో రామ్ చరణ్-ఉపాసన జంట కూడా ఒకటి. నేడు(జూన్ 14) వాళ్ల పెళ్లిరోజు. 11 ఏళ్ల క్రితం జూన్ 14, 2012 న  చెర్రీ-ఉపాసన పెళ్లి ఘనంగా జరిగింది. పెళ్లి రోజు సందర్భంగా ఈ అందాల జంటకు శుభాకాంక్షలు వెల్లువెత్తాయి. అలాగే మెగా పవర్ స్టార్ రామ్ చరణ్ ఓ ప్రత్యేక పోస్ట్ తో తన సతీమణి ఉపాసనకు పెళ్లి రోజు శుభాకాంక్షలు చెప్పారు. దీంతో ఆయన పెట్టిన పోస్ట్ నెట్టింట వైరల్ అవుతోంది. మరోవైపు ఇదే రోజు ఉపాసన కూడా ఓ ప్రత్యేక పోస్ట్ చేసింది. వీరిద్దరి పోస్ట్ లు సోషల్ మీడియాలో వైరల్ అవుతున్నాయి. ఈ పోస్ట్ లు చూసి మెగా అభిమానులు పెళ్లిరోజు శుభాకాంక్షలు చెప్తూ హర్షం వ్యక్తం చేస్తున్నారు. 
 
స్పెషల్ ఫోటోతో ఉపాసనకు శుభాకాంక్షలు చెప్పిన చెర్రీ..

పెళ్లి రోజు సందర్భంగా తన సతీమణి ఉపాసనకు ప్రత్యేకంగా శుభాకాంక్షలు తెలిపారు. ఉపాసనతో కలసి దిగిన ఓ క్యూట్ ఫోటోను తన సోషల్ మీడియాలో ఖాతాలో షేర్ చేశారు. దానితో పాటు ‘ఈ పదకొండేళ్లు ఎంతో అద్భుతమైనవి’ అంటూ రాసుకొచ్చారు చెర్రీ. ప్రస్తుతం ఈ ఫోటో నెట్టింట వైరల్ అవుతోంది. ఈ ఫోటో నెట్టింట వైరల్ అవుతోంది. ఇది చూసిన మెగా అభిమానులు ‘శుభాకాంక్షలు అన్నా-వదినా’ అంటూ కామెంట్లు చేస్తున్నారు. ఇక టాలీవుడ్ లో వీరి స్నేహం దగ్గరనుంచి పెళ్లి వరకూ అంతా ఆసక్తికరంగా జరిగింది. పెళ్లి తర్వాత ఉపాసన గురించి పలు ఇంటర్వ్యూలలో చెప్పారు. ఉపాసన కుటుంబానికి ఎంతో విలువ ఇస్తుందో చిరంజీవి కూడా పలు సందర్భాల్లో చెప్పారు. అందుకే ఈ జంట ఎక్కడ కనిపించినా వీరి అన్యోన్యతను చూసి అందరూ ఫిదా అవుతూ ఉంటారు. 

స్టెమ్ సైట్ ఇండియా వీడియో షేర్ చేసిన ఉపాసన..

మెగా కోడలు ఉపాసన గురించి ప్రత్యేకంగా చెప్పనవసరం లేదు. అపోలో హాస్పటల్స్ డైరెక్టర్ గానే కాకుండా సామాజిక కార్యక్రమాల్లో పాల్గొంటోంది. అలాగే సోషల్ మీడియాలోనూ యాక్టీవ్ గా ఉంటూ తనకంటూ ప్రత్యేక గుర్తింపు తెచ్చుకున్నారు ఉపాసన. అప్పుడప్పుడూ చరణ్ తో కలసి ప్రయివేట్ ఫంక్షన్లలో కనిపిస్తూ సందడి చేస్తుంటారు. త్వరలోనే రామ్ చరణ్-ఉపాసన తల్లిదండ్రులు కాబోతున్న విషయం తెలిసిందే. ఈ నేపథ్యంలో పెళ్లి రోజు సందర్భంగా ఉపాసన ఓ స్పెషల్ వీడియోను షేర్ చేశారు. వీడియోలో స్టెమ్ సైట్ ఇండియా గురించి చెప్పుకొచ్చింది. అలాగే స్టెమ్ సైట్ బ్యాంకింగ్ అంటే ఏమిటో చెప్పుకొచ్చారు. ఇందులో పుట్టబోయే బిడ్డకు సంబంధించిన కోర్డ్ బ్లడ్(బొడ్డు తాడు)‏ను దాచుకుంటున్నట్లు తెలిపారు. బొడ్డు తాడును దాచుకోవడం వలన వారు పెద్దయ్యాక పిల్లలకేమైనా ఆరోగ్యపరమైన సమస్యలు వచ్చినప్పుడు వాటి చికిత్సకు బొడ్డు తాడును ఉపయోగిస్తారని చెప్పుకొచ్చారు ఉపాసన.

మెగా వారసుడి కోసం ఎదురు చూపులు..

మెగా హీరో రామ్ చరణ్-ఉపాసన లు త్వరలో తల్లిదండ్రులు కాబోతున్న విషయం అందరికీ తెలిసిందే. దాదాపు పెళ్లిన పదేళ్ల తర్వాత ఉపాసన తల్లికాబోతుండటంతో మెగా వారసుడి కోసం అందరూ ఆసక్తిగా ఎదురుచూస్తున్నారు. రామ్ చరణ్ దంపతులు కూడా పుట్టబోయే బిడ్డకోసం అన్ని వసతులు ఏర్పాటు చేసుకుంటున్నారు. ఉపాసన కూడా పిల్లలు పెంపకం విషయంలో చాలా క్లారిటీగా ఉన్నట్టు తెలుస్తోంది. గతంలో కూడా ఉపాసన దీనిపై ఓ ఇంటర్వ్యూలో మాట్లాడారు కూడా. విశేషమేటంటే రామ్ చరణ్-ఉపాసన ల పెళ్లి జూన్ నెలలోనే జరిగింది. ఇప్పుడు ఉపాసన డెలివరీ డేట్ కూడా జూన్ 16 నుంచి 22 తేదీల్లో అయ్యే అవకాశం ఉండటం గమనార్హం. దీంతో మెగా వారసుడిని చూడటానికి అభిమానులు ఎంతో ఆసక్తిగా ఎదురు చూస్తున్నారు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Ram Charan (@alwaysramcharan)