Raashi Khanna: సౌత్ జనాలకు తెల్లగా ఉంటే చాలు, టాలెంట్ అక్కర్లేదు - రాశిఖన్నా ఘాటు వ్యాఖ్యలు
రీసెంట్ గా 'రుద్ర' అనే వెబ్ సిరీస్ తో బాలీవుడ్ లో ఎంట్రీ ఇచ్చింది రాశిఖన్నా. అజయ్ దేవగన్ హీరోగా నటించిన ఈ సిరీస్ కి మంచి రెస్పాన్స్ వస్తోంది.
'ఊహలు గుసగుసలాడే' సినిమాతో హీరోయిన్ గా ఎంట్రీ ఇచ్చిన రాశిఖన్నా.. మొదటి సినిమాతోనే హిట్ అందుకొని వరుస అవకాశాలు దక్కించుకుంది. కానీ స్టార్ హీరోయిన్ స్టేటస్ మాత్రం అందుకోలేకపోయింది. మీడియం బడ్జెట్ సినిమాల్లో నటిస్తూ అలరిస్తోంది. ప్రస్తుతం ఈ బ్యూటీ తెలుగులో 'పక్కా కమర్షియల్', 'థాంక్యూ' వంటి సినిమాల్లో నటిస్తోంది. అలానే నాలుగైదు తమిళ సినిమాల్లో నటిస్తోంది. రీసెంట్ గా 'రుద్ర' అనే వెబ్ సిరీస్ తో బాలీవుడ్ లో ఎంట్రీ ఇచ్చింది రాశిఖన్నా.
అజయ్ దేవగన్ హీరోగా నటించిన ఈ సిరీస్ కి మంచి రెస్పాన్స్ వస్తోంది. దీంతో ఓ నేషనల్ మీడియా రాశిఖన్నాను ఇంటర్వ్యూ చేసింది. ఈ క్రమంలో ఆమె సౌత్ సినిమా ఇండస్ట్రీపై చేసిన కామెంట్స్ వైరల్ అవుతున్నాయి. సౌత్ ఆడియన్స్ కి అందం ఉంటే చాలని.. టాలెంట్ అక్కర్లేదంటూ ఘాటు వ్యాఖ్యలు చేసింది. కెరీర్ ఆరంభంలో సౌత్ ఆడియన్స్ తనను గ్యాస్ ట్యాంకర్ అని పిలిచేవారని గుర్తుచేసుకుంది రాశి.
సౌత్ ఇండస్ట్రీలో నటించడం మొదలుపెట్టిన తరువాత రొటీన్ ఫార్ములాకి అలవాటు పడ్డానని.. తనను అలా మార్చేశారని చెప్పుకొచ్చింది. కమర్షియల్ సినిమాల్లో హీరోల పక్కన కాసేపు నటించడం.. ఆ తరువాత సైడైపోవడం లాంటి రొటీన్ ఫార్ములాను తనకు కూడా సౌత్ ఇండస్ట్రీ అలవాటు చేసిందని చెప్పుకొచ్చింది. హీరోయిన్స్ కి టాలెంట్ తో కాకుండా.. లుక్స్ పరంగా గుర్తింపునిస్తారని.. అది తనకు అసలు నచ్చదని తెలిపింది.
కొంచెం తెల్లగా ఉంటే మిల్కీబ్యూటీ అనేస్తారని.. కానీ అంతకుమించిన టాలెంట్ హీరోయిన్లలో ఉంటుందని.. దాన్ని ప్రేక్షకులు గుర్తించాలని చెప్పుకొచ్చింది. ఈ కామెంట్స్ సోషల్ మీడియా వైరల్ అవ్వడంతో సౌత్ జనాలు ఆమెపై మండిపడుతున్నారు. సౌత్ సినిమాలతో ఫేమస్ అయి ఇప్పుడు సౌత్ ఇండస్ట్రీ, ప్రేక్షకులపై కామెంట్స్ చేయడం ఎంతవరకు కరెక్ట్ అంటూ ప్రశ్నిస్తున్నారు.
Also Read: రాజమౌళిపై ఆలియా అలిగిందా? బాలీవుడ్ మీడియా చెబుతున్న దాంట్లో నిజమెంత?
View this post on Instagram
టాప్ హెడ్ లైన్స్
ట్రెండింగ్ వార్తలు
