PVR Cinemas Offer: మల్టీఫ్లెక్స్‌లో రూ.99కే సినిమా చూడొచ్చు, ఆ ఒక్కరోజే అవకాశం మిస్ చేసుకోకండి!
మల్టీఫ్లెక్స్ సినిమా చూసే వారికి పీవీఆర్ సినిమాస్ బంఫర్ ఆఫర్ ప్రకటించింది. కేవలం రూ. 99కే సినిమా చూసే అవకాశం కల్పిస్తున్నట్లు వెల్లడించింది.
మల్టీఫ్లెక్స్ లో సినిమా చూడాలంటే పర్సు ఖాళీ కావాల్సిందే. ఒక్క వ్యక్తి సినిమాకు వెళ్లినా రూ.1000 వరకు ఖతం కావడం ఖాయం. ఈ నేపథ్యంలో పీవీఆర్ సినిమాస్ సినీ లవర్స్ కోసం అదిరిపోయే ఆఫర్ ప్రకటించింది. జస్ట్ రూ.99 కే సినిమా చూసే అవకాశాన్ని కల్పిస్తున్నట్లు వెల్లడించింది. మల్టీ ఫ్లెక్స్ థియేటర్లో రూ.99కి సినిమా చూడటం ఏంటని ఆశ్చర్యపోతున్నారా? అయితే, మీరు పూర్తి వివరాలు తెలుసుకోవాల్సిందే!
ఈ నెల 20న రూ.99కే సినిమా చూసే అవకాశం
త్వరలో రాబోయే సినిమా ప్రేమికుల రోజున ఈ అవకాశం కల్పిస్తున్నట్లు పీవీఆర్ సినిమాస్ ప్రకటించింది. సినిమా ప్రేమికుల కోసం ఈ ప్రత్యేక ఆఫర్ ను తీసుకొచ్చినట్లు తెలిపింది. ప్రతి జనవరి 20న సినిమా ప్రేమికుల దినోత్సవం జరుగుతుంది. ఈ నేపథ్యంలో పీవీఆర్ సినిమాస్ కూడా ఇందుకు రెడీ అవుతోంది. ఆ రోజున పీవీఆర్ సినిమాస్ లో అన్ని షోలను రూ.99 కే చూడవచ్చని తెలిపింది. కాకపోతే, ఈ టికెట్లకు జీఎస్టీ అదనంగా ఉంటుందని చెప్పింది. దేశ వ్యాప్తంగా ఎంపిక చేసిన నగరాల్లో ఈ బంపర్ ఆఫర్ వర్తిస్తుందని వెల్లడించింది.
We are celebrating the magic of movies at a magical price for #CinemaLoversDay! Watch movies at #PVR for just ₹99 on 20th Jan'23.
— P V R C i n e m a s (@_PVRCinemas) January 17, 2023
Applicable for any movie, any show; so book your tickets ASAP!
Book your tickets now: https://t.co/TGQXYwiL22#MoviesAt99 #CinemaLovers #Offer pic.twitter.com/f6MVphkVnT
ఆ నగరాల్లో ఈ ఆఫర్ వర్తించదట!
పంజాబ్‌ రాష్ట్రంలోని చండీగఢ్‌, పఠాన్‌కోట్‌ తో పాటు పుదుచ్చేరి నగరాల్లో ఉన్న పీవీఆర్ సినిమాస్ లో ఈ ఆఫర్ వర్తించదని మల్టీఫ్లెక్స్ సంస్థ వెల్లడించింది. ఎందుకు అనే విషయాన్ని మాత్రం ప్రకటించలేదు. తమిళనాడు, కేరళ, కర్ణాటక, ఆంధ్రప్రదేశ్ లో టికెట్‌ ధర రూ.100+ జీఎస్టీ అదనంగా ఉంటుంది. తెలంగాణలో రూ.112+జీఎస్‌టీతో కలిపి ఉంటుంది. ప్రీమియం కేటగిరి సీట్స్‌ కు మాత్రం ఈ స్పెషల్ ఆఫర్ వర్తించదని యాజమాన్యం వెల్లడించింది. ఈ స్పెషల్ ఆఫర్ కు సంబంధించిన పూర్తి వివరాల కోసం పీవీఆర్ సినిమాస్ వెబ్‌ సైట్ చూడాలని తెలిపింది.
#Discount #MovieOffer #Cinema #CinemaLoversDay2023
— P V R C i n e m a s (@_PVRCinemas) January 17, 2023
*Offer valid only for select cities, T&Cs apply
Read Also: ఓ మై గాడ్ - ‘వాల్తేరు వీరయ్య’ కోసం చిరంజీవి, రవితేజ అంత రెమ్యునరేషన్ తీసుకున్నారా?
టాప్ హెడ్ లైన్స్
ట్రెండింగ్ వార్తలు
