Prabhas: ప్రభాస్ యాక్షన్ సీన్‌పై నెట్‌ఫ్లిక్స్ సెటైర్ - ఏకిపారేస్తున్న ఫ్యాన్స్!

'సాహో' సినిమాలో ప్రభాస్ కొండమీద నుంచి లోయలోకి దూకే షాట్ ఒకటి ఉంటుంది. దీనిపై నెట్ ఫ్లిక్స్ వెటకారంగా ఓ పోస్ట్ పెట్టింది. 

ప్రభాస్ యాక్షన్ సీన్‌పై నెట్‌ఫ్లిక్స్ సెటైర్ - ఏకిపారేస్తున్న ఫ్యాన్స్!

సోషల్ మీడియాలో పోస్ట్ లు పెట్టే సమయంలో చాలా జాగ్రత్తగా వ్యవహరించాలి. లేదంటే ట్రోలింగ్ ఓ రేంజ్ లో జరుగుతుంటుంది. సినీ సెలబ్రిటీలు, క్రికెటర్స్ ను అవమానించేలా పోస్ట్ లు పెడితే ఫ్యాన్స్ అసలు ఊరుకోరు. ఇప్పుడు ప్రభాస్ ను టార్గెట్ చేస్తూ నెట్ ఫ్లిక్స్ పెట్టిన పోస్ట్ వైరల్ అవుతోంది. ఇది చూసిన ఫ్యాన్స్ ఓ రేంజ్ లో నెట్ ఫ్లిక్స్ సంస్థను ఆడేసుకుంటున్నాడు. అసలేం జరిగిందంటే.. 'సాహో' సినిమాలో ప్రభాస్ కొండమీద నుంచి లోయలోకి దూకే షాట్ ఒకటి ఉంటుంది. 

దాన్ని ట్విట్టర్ హ్యాండిల్ లో షేర్ చేసిన నెట్ ఫ్లిక్స్.. 'ఇదేం యాక్షన్..?' అంటూ వెటకారంగా ఒక క్యాప్షన్ పెట్టింది. అయితే ఈ పోస్ట్ పెట్టింది నెట్ ఫ్లిక్స్ ఇండోనేషియా విభాగం. ఇండోనేషియా భాషలోనే ఆ క్యాప్షన్ పెట్టారు. దీన్ని గూగుల్ లో అనువదించి చూసిన ప్రభాస్ ఫ్యాన్స్ ఆగ్రహానికి గురయ్యారు. 'సాహో' సినిమాను, ప్రభాస్ ను కించపరుస్తున్నట్లుగా ఉండడంతో నెట్ ఫ్లిక్స్ పై యుద్ధం ప్రకటించారు. 

నిన్నటి నుంచి 'అన్‌సబ్‌స్క్రైబ్ నెట్ ఫ్లిక్స్' అనే హ్యాష్ ట్యాగ్ పెట్టి ట్రెండ్ చేస్తున్నారు. ఈ ఓటీటీ సబ్‌స్క్రిప్షన్‌ను వదులుకుంటున్నట్లు స్క్రీన్ షాట్స్ తీసి మరీ పోస్ట్ చేస్తున్నారు ఫ్యాన్స్. ఇది నెట్ ఫ్లిక్స్ కి పెద్ద డ్యామేజ్ అనే చెప్పాలి. ప్రభాస్ లాంటి స్టార్ హీరోని నెట్ ఫ్లిక్స్ టచ్ చేయకుండా ఉండాల్సింది. బహుశా.. ఇండోనేషియా విభాగానికి ప్రభాస్ ఫ్యాన్ ఫాలోయింగ్ గురించి తెలిసి ఉండదు. అందుకే ఇలా వ్యంగ్యంగా ఒక పోస్ట్ పెట్టి సంస్థపై ఎఫెక్ట్ పడేలా చేసింది. 

'సాహో' సినిమా ప్లాప్ అయినప్పటికీ.. భారీ కలెక్షన్స్ ను రాబట్టింది. యాక్షన్ పరంగా హాలీవుడ్ స్టాండర్డ్స్ తో సినిమాను రూపొందించారు. కొన్ని చోట్ల సినిమాటిక్ లిబర్టీస్ తీసుకొని ఉండొచ్చు. ఇలాంటివి హాలీవుడ్ సినిమాల్లో చాలానే ఉంటాయి. అలాంటప్పుడు ప్రభాస్ సినిమాను స్పెషల్ గా టార్గెట్ చేయడం ఎందుకనే ప్రశ్నలు ఎదురవుతున్నాయి. మరిప్పుడు నెట్ ఫ్లిక్స్ డ్యామేజ్ కంట్రోల్ కోసం ఏం చేస్తుందో చూడాలి!

Kamu NeeenYha ini akSi apAa? pic.twitter.com/RoWaMNYGIT

— Netflix Indonesia (@NetflixID) November 2, 2022

Let's #UnsubscribeNetflix #BanNetflix#Prabhas 😈 pic.twitter.com/sqVk5ZP995

— Rakesh Raj ᴿᵃᵈʰᵉˢʰʸᵃᵐ💞 (@RakeshR88771756) November 5, 2022

You messed with wrong fans
Dear @NetflixIndia @netflix you will pay more for what you did #UnsubscribeNetflix pic.twitter.com/DYRx6NyNSL

— Abhi_talks🏹🚩 (@abhinay22233468) November 5, 2022

ఇక ప్రభాస్ సినిమాల విషయానికొస్తే.. ప్రస్తుతం ఆయన నటించిన 'ఆదిపురుష్' సినిమా విడుదలకు సిద్ధమవుతోంది. నిజానికి ఈ సినిమాను సంక్రాంతి కానుకగా విడుదల చేయాలనుకున్నారు. కానీ ఇప్పుడు వీఎఫ్ఎక్స్ పై మరింత దృష్టి పెట్టడంతో సినిమా రిలీజ్ ఆలస్యమయ్యేలా ఉంది. కొత్త రిలీజ్ డేట్ ను అనౌన్స్ చేస్తారేమో చూడాలి. ఇది కాకుండా.. 'సలార్', 'ప్రాజెక్ట్ K' వంటి సినిమాల్లో నటిస్తున్నారు. రీసెంట్ గా మారుతి సినిమాను కూడా మొదలుపెట్టారు. అప్పుడే ఈ సినిమా ఒక షెడ్యూల్ ను పూర్తి చేసుకుంది.