Saiyaara OTT: ఓటీటీలోకి సూపర్ హిట్ 'సైయారా' - ఎప్పుడు, ఎందులో స్ట్రీమింగ్ అవుతుందో తెలుసా?

Saiyaara OTT Platform: బాలీవుడ్ రీసెంట్ బ్లాక్ బస్టర్ 'సైయారా' ఓటీటీలోకి వచ్చేస్తోంది. సోషల్ మీడియా వేదికగా ఈ విషయాన్ని సదరు ఓటీటీ సంస్థ వెల్లడించింది.

ఓటీటీలోకి వచ్చేస్తోన్న 'సైయారా'

Source : https://www.instagram.com/p/DOcv-BUDKYE/?hl=en

Ahaan Panday's Saiyaara OTT Release Date On Netflix: చిన్న సినిమాగా వచ్చి కేవలం మౌత్ టాక్‌తోనే బాక్సాఫీస్ వద్ద సంచలన విజయం సాధించిన లేటెస్ట్ లవ్ ఎంటర్‌టైనర్ 'సైయారా'. అహాన్ పాండే, అనీత్ పడ్డా ఈ మూవీతోనే బాలీవుడ్‌కు పరిచయం కాగా... జులై 18న ప్రేక్షకుల ముందుకు వచ్చిన మూవీ బీటౌన్ చిత్రాల కలెక్షన్స్ దాటి రికార్డులు క్రియేట్ చేసింది. ఇండియాలో దాదాపు రూ.270.75 కోట్లు వసూళ్లు సాధించగా... వరల్డ్ వైడ్‌గా దాదాపు రూ.577 కోట్లు కలెక్ట్ చేసింది. ఈ ఏడాది అత్యధిక వసూళ్లు సాధించిన హిందీ మూవీగా నిలిచింది.

ఎందులో స్ట్రీమింగ్ అంటే?

ఈ మూవీ ప్రముఖ ఓటీటీ నెట్ ఫ్లిక్స్‌లో ఈ నెల 12 (శుక్రవారం) నుంచి స్ట్రీమింగ్ కానుంది. సోషల్ మీడియా వేదికగా ఓటీటీ సంస్థ ఈ విషయాన్ని వెల్లడిస్తూ ఓ స్పెషల్ పోస్టర్ రిలీజ్ చేసింది. దీంతో ఎప్పుడెప్పుడు ఓటీటీలోకి వస్తుందా అని ఎదురు చూసిన మూవీ లవర్స్ ఖుష్ అవుతున్నారు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Netflix India (@netflix_in)

ఈ మూవీని యష్ రాజ్ ఫిల్మ్స్ బ్యానర్‌పై మోహిత్ సూరి తెరకెక్కించారు. కొత్త వారితో లవ్ ఎంటర్‌టైనర్‌ను తెరకెక్కించి రికార్డు క్రియేట్ చేశారు. మ్యూజిక్ కూడా అదనపు బలంగా నిలిచింది. రిలీజ్ అయిన 4 రోజుల్లోపే కేవలం మౌత్ టాక్‌తోనే హిట్ కొట్టి దాదాపు రూ.100 కోట్లు కలెక్ట్ చేసింది 'సైయారా' (Saiyaaraa). ఓవర్సీస్‌లోనూ ఈ ఏడాది అత్యధిక వసూళ్లు సొంతం చేసుకున్న బాలీవుడ్ మూవీగా రికార్డు సృష్టించింది.

స్టోరీ ఏంటో తెలుసా?

వాణి బత్రా (అనీత్ పడ్డా) ఓ రైటర్. తన కాలేజీలో సీనియర్ మహేశ్‌ను లవ్ చేసి పెళ్లి చేసుకోవాలని అనుకుంటుంది. పెద్దవాళ్లను కూడా అందుకు ఒప్పిస్తుంది. అయితే, చివరి నిమిషంలో వాణిని వదిలేసి మహేష్ వెళ్లిపోతాడు. దీంతో డిప్రెషన్‌లోకి వెళ్లిన వాణి బాధ నుంచి కోలుకునేందుకు ఓ కంపెనీలో జాబ్‌కు వెళ్తుంది. అక్కడ అనుకోకుండా క్రిష్ కపూర్ (అహన్ పాండే)ను కలుస్తుంది. అతను సింగర్‌గా ప్రయత్నాలు చేస్తూ సక్సెస్ కావాలని కోరుకుంటాడు. 

క్రిష్ వాణి ఇద్దరూ కలిసి ఓ పాట చేయాల్సి వస్తుంది. అలా ఇద్దరూ కలిసి పని చేస్తూనే ప్రేమలో పడతారు. అయితే, సడన్‌గా వాణి లైఫ్‌లోకి ఆమె పాత బాయ్ ఫ్రెండ్ మహేష్ వస్తాడు. ఆ టైంలో ఆమె ఏం చేసింది? క్రిష్ లవ్‌ను ఏం చేసింది? మహేష్‌తో ఆగిపోయిన పెళ్లి మళ్లీ జరిగిందా? లేక క్రిష్, వాణి ఇద్దరూ ఒక్కటయ్యారా? అనేది తెలియాలంటే మూవీ చూడాల్సిందే.

 

మరిన్ని చదవండి

రిషబ్ శెట్టి 'కాంతార చాప్టర్ 1' బిగ్ ఓటీటీ డీల్ - బడ్జెట్‌లో ఎంత రికవరీ చేసిందంటే?