Razor OTT : ఓటీటీలోకి రవిబాబు డార్క్ యాక్షన్ థ్రిల్లర్ - ఎప్పుడు, ఎందులో స్ట్రీమింగ్ అంటే?

Razor OTT Platform : రవిబాబు స్వీయ దర్శకత్వంలో వచ్చిన రీసెంట్ యాక్షన్ థ్రిల్లర్ రేజర్. మే 8న థియేటర్లలోకి వచ్చిన సినిమా మిక్స్‌డ్ టాక్ తెచ్చుకుంది. ఇప్పుడు ఓటీటీ రిలీజ్ డేట్ ఫిక్స్ అయ్యింది.

రేజర్ ఓటీటీ రిలీజ్ డేట్

Source : https://www.instagram.com/p/DZmICKfJs73/?hl=en

Ravi Babu's Razor OTT Release Date Locked : డిఫరెంట్ స్టోరీస్‌తో తనకంటూ స్పెషల్ క్రేజ్ సంపాదించుకున్న డైరెక్టర్, నటుడు రవిబాబు స్వీయ దర్శకత్వంలో నిర్మించిన రీసెంట్ డార్క్ యాక్షన్ థ్రిల్లర్ రేజర్. మే 8న ప్రేక్షకుల ముందుకు వచ్చిన ఈ సినిమా మిక్స్‌డ్ టాక్ సొంతం చేసుకుంది. యాక్షన్ ప్రియులను ఆకట్టుకుంది. ఇప్పుడు ఓటీటీలోకి వచ్చేందుకు రెడీ అవుతోంది.

ఎప్పుడు, ఎందులో స్ట్రీమింగ్ అంటే?

రేజర్ ప్రముఖ తెలుగు ఓటీటీ 'ఆహా'లో జూన్ 19 (శుక్రవారం) నుంచి స్ట్రీమింగ్ కానుంది. 'ఒక సీసీ టీవీ దృశ్యం. ప్రమాదంలో ఉన్న ఓ చిన్నారి. వాస్తవం కంటే భయంకరమైన గతం కలిగిన ఓ వ్యక్తి.' అంటూ క్యాప్షన్ ఇస్తూ అఫీషియల్ పోస్టర్ రిలీజ్ చేసింది. రవిబాబుతో పాటు తనీష్, ఇనయ సుల్తానా, మీనా వాసు, చైల్డ్ ఆర్టిస్ట్ తేజల్ విఖ్యాతి తదితరులు కీలకపాత్రలు పోషించారు. ఫ్లయింగ్ ఫ్రాంగ్స్ బ్యానర్‌పై సినిమా రూపొందించగా... ఎస్ఎస్ రాజేష్ మ్యూజిక్ అందించారు.

స్టోరీ ఏంటంటే?

విష్ణు (తనీష్) సీసీ కెమెరాలకు సంబంధించిన ఓ కంపెనీ నిర్వహిస్తుంటాడు. భార్య లక్ష్మి, కూతురు తేజునే అతని ప్రపంచం. విష్ణు అమర్చిన ఓ సీసీ టీవీలో సీఎం హత్యకు సంబంధించిన విజువల్స్ రికార్డ్ అవుతాయి. సీఎం పీఠం కోసం తపించే హోంమంత్రి ఈ దారుణానికి పాల్పడతాడు. ఎన్ని జాగ్రత్తలు తీసుకున్నా సీసీ టీవీలో సీఎం హత్యోదంతం రికార్డైనట్లు తెలిసి కంగారు పడతాడు. విషయం ఎక్కడ బయట పడుతుందో అని భయపడి విష్ణును దారుణంగా చంపేయిస్తాడు.

అయితే, సీఎం మర్డర్ సీసీ ఫుటేజ్ దొరక్కుండా విష్ణు ఓ చోట దాచేస్తాడు. తండ్రి హత్యను కళ్లారా చూసిన చిన్నారి తేజుకు ప్రాణాపాయ ముప్పు ఉంటుంది. నిస్సహాయ స్థితిలో ఉన్న పాపను రక్షించే బాధ్యతను రేజర్ (రవిబాబు) తీసుకుంటాడు. అసలు డాగ్స్‌ను రక్షించే రేజర్ ఈ బాధ్యత ఎందుకు తీసుకున్నాడు? తనీష్‌కు అతనికి సంబంధం ఏంటి? హోంమంత్రి మనుషుల నుంచి పాపను ఎలా రక్షించాడు? సీఎం హత్య కేసులో హోంమంత్రికి శిక్ష పడిందా అనేది తెలియాలంటే మూవీ చూడాల్సిందే.

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి.

 

మరిన్ని చదవండి

సందీప్ కిషన్ ఓటీటీ డెబ్యూ కామెడీ సిరీస్ - ఎప్పుడు, ఎందులో స్ట్రీమింగ్ అంటే?