Param Sundari OTT: ఓటీటీలోకి జాన్వీ కపూర్ 'పరమ్ సుందరి' - కానీ, చిన్న ట్విస్ట్
Param Sundari OTT Platform: బాలీవుడ్ స్టార్స్ సిద్ధార్థ్ మల్హోత్రా, జాన్వీ కపూర్ జంటగా నటించిన లేటెస్ట్ లవ్ రొమాంటిక్ ఎంటర్టైనర్ 'పరమ్ సుందరి' ఓటీటీలోకి వచ్చేసింది.
Janhvi Kapoor's Param Sundari OTT Streaming On Amazon Prime Video: బాలీవుడ్ స్టార్ సిద్దార్థ్ మల్హోత్రా, అందాల తార జాన్వీ కపూర్ జంటగా నటించిన లేటెస్ట్ లవ్ రొమాంటిక్ ఎంటర్టైనర్ 'పరమ్ సుందరి'. తుషార్ జలోటా దర్శకత్వం వహించిన ఈ మూవీ ఆగస్టులో ప్రేక్షకుల ముందుకు వచ్చి మిక్స్డ్ టాక్ సొంతం చేసుకుంది. తాజాగా ఓటీటీలోకి అందుబాటులోకి వచ్చింది.
ఎందులో స్ట్రీమింగ్ అంటే?
'పరమ్ సుందరి' డిజిటల్ స్ట్రీమింగ్ హక్కులను ప్రముఖ ఓటీటీ 'అమెజాన్ ప్రైమ్ వీడియో' సొంతం చేసుకోగా శుక్రవారం నుంచి స్ట్రీమింగ్ అవుతోంది. అయితే, ప్రస్తుతానికి రెంటల్ బేసిస్ విధానంపై అందుబాటులోకి వచ్చింది. రూ.349 రెంట్ పే చేసి మూవీని చూడొచ్చు. మూవీలో సిద్దార్థ్ మల్హోత్రా, జాన్వీ కపూర్లతో పాటు సంజయ్ కుమార్, సిద్ధార్థ్ శంకర్ కీలక పాత్రలు పోషించారు. మడాక్ ఫిలిం బ్యానర్పై దినేష్ విజన్ నిర్మించారు.
Also Read: ఓటీటీలోకి వచ్చేసిన 'మిరాయ్' - 4 భాషల్లోనే స్ట్రీమింగ్... ఇప్పుడే చూసెయ్యండి
కథ ఏంటంటే?
ఢిల్లీకి చెందిన రిచ్ ఫ్యామిలీ నుంచి వచ్చిన వ్యక్తి పరమ్ (సిద్దార్థ్ మల్హోత్రా). తనేంటో ప్రూవ్ చేసుకోవాలని తండ్రి బిజినెస్లను కూడా కాదంటాడు. తన తండ్రి నుంచి డబ్బులు తీసుకుని వివిధ స్టార్టప్ కంపెనీల్లో ఇన్వెస్ట్ చేస్తుంటాడు. అయితే, ఏదీ సక్సెస్ కాకపోవడంతో నిరాశ చెందుతాడు. ఇక ఫైనల్గా డేటింగ్ యాప్ 'ఫైండ్ మై సోల్ మేట్' యాప్లో పెట్టుబడులు పెట్టాలని భావిస్తాడు. ఇది డెవలప్ చేసేందుకు తండ్రిని రూ.5 కోట్లు అడగ్గా ఆయన ఓ కండీషన్ పెడతాడు.
ఇక ఆ కండీషన్తో పరమ్ కేరళ వెళ్లి అక్కడ సుందరి (జాన్వీ కపూర్) ఇంట్లోనే హోమ్ స్టేకు దిగుతాడు. ఇద్దరి మధ్య పరిచయం ప్రేమగా మారుతుంది. ఆమెతో తన డేటింగ్ యాప్, తండ్రి పెట్టిన కండీషన్ గురించి చెబుతాడు. దీంతో ఇద్దరి మధ్య దూరం పెరుగుతుంది. ఇదే టైంలో వేణు నాయర్తో సుందరి పెళ్లి ఫిక్స్ అవుతుంది. ఆమె తల్లిదండ్రుల మరణంతో సుందరి పెళ్లి బాధ్యతలు తీసుకుంటారు ఊరి పెద్దలు. ఆ తర్వాత ఏం జరిగింది? అసలు పరమ్ తండ్రి పెట్టిన కండీషన్ ఏంటి? అది ఎందుకు సుందరికి కోపం తెప్పించింది? డేటింగ్ యాప్లో సక్సెస్ అయ్యి సుందరిని పరమ్ పెళ్లి చేసుకుంటాడా? అనేది తెలియాలంటే మూవీ చూడాల్సిందే.
టాప్ హెడ్ లైన్స్
ట్రెండింగ్ వార్తలు
