Netflix: ‘స్ట్రేంజర్ థింగ్స్ 5’ To ‘స్క్విడ్ గేమ్ 2’ - 2024లో నెట్‌ఫ్లిక్స్‌లో విడుదలయ్యే సిరీస్‌ల జాబితా ఇదే

Netflix Lineup ఓటీటీ సంస్థ నెట్‌ఫ్లిక్స్ యూజర్లను మరింతగా ఆకట్టుకునే ప్రయత్నం చేస్తోంది. కొత్త సంవత్సరంలో కొత్త కంటెంట్ తో అలరించబోతోంది. తాజాగా 2024లో విడుదలయ్యే వెబ్ సిరీస్‌ల లిస్ట్ రిలీజ్ చేసింది.

నెట్‌ఫ్లిక్స్ (Photo Credit: Netflix/twitter)

Netflix Unveils 2024 Release Lineup: ప్రపంచ వ్యాప్తంగా నెట్‌ఫ్లిక్స్ మరింతగా విస్తరిస్తోంది. యూజర్లను పెంచుకునేందుకు కొత్త ఆలోచనలు చేస్తోంది. ఎప్పటికప్పుడు సరికొత్త కంటెంట్ తో ఆకర్షించే ప్రయత్నం చేస్తోంది. మరికొద్ది రోజుల్లోనే 2023 సంవత్సరం పూర్తి కాబోతోంది. ఈ నేపథ్యంలో వచ్చే ఏడాదిపై ఫుల్ ఫోకస్ పెట్టింది. అంతేకాదు, 2024లో నెట్‌ఫ్లిక్స్ లో రిలీజ్ చేయబోయే వెబ్ సిరీస్ ల లిస్టును విడుదల చేసింది. ఇందులో అదిరిపోయే సిరీస్ లు ఉన్నాయి. 

వచ్చే ఏడాది విడుదలయ్యే వెబ్ సిరీస్ లిస్ట్ వెల్లడించిన నెట్ ఫ్లిక్స్

‘స్ట్రేంజర్ థింగ్స్ సీజన్ 5’ నుంచి మొదలు కొని ‘బ్రిడ్జర్టన్ సీజన్ 3’, ‘బ్రిడ్జర్టన్ సీజన్ 4’  సిరీస్ ల వరకు వచ్చే ఏడాది విడుదల చేయనున్నట్లు ప్రకటించింది. ప్రపంచ వ్యాప్తంగా మాంచి ప్రజాదరణ కలిగిన 30 సిరీస్ లను లిస్ట్ అవుట్ చేసింది. తాజాగా వచ్చే ఏడాది విడుదలయ్యే సిరీస్ ల లిస్టును వినియోగదారుల ముందుకు తీసుకొచ్చింది. వీటిలో ఎక్కువగా థ్రిల్లర్ జానర్‌ సిరీస్ లే ఉండటం విశేషం. 

2024లో విడుదలయ్యే 30 నెట్‌ఫ్లిక్స్ సిరీస్ లు ఇవే!   

1.'వెన్స్ డే బుధవారం S2

2. యంగ్ రాయల్స్ S3

3. ఆల్ ఆఫ్ అస్ ఆర్ డెడ్ S2

4. ఆర్కేన్ S2

5. స్ట్రేంజర్ థింగ్స్ S5

6. అంబ్రెల్లా అకాడమీ S4

7. ఎమిలీ ఇన్ పారిస్ S4

8. యు S5

9. స్క్విడ్ గేమ్ S2

10. వన్ పీస్ S2

11. ఆలిస్ ఇన్ బోర్డర్‌ల్యాండ్ S3

12. స్వీట్ టూత్ S3

13. బేబీ ఫీవర్ S2

14. ది ఎంప్రెస్ S2

15. బ్రిడ్జర్టన్ S3 & S4

16. కోబ్రా కై S6

17. ది డిప్లమాట్ S2

18. XO, కిట్టి S2

19. ఎలైట్ S8

20. ది లింకన్ లాయర్ S3

21. స్వీట్ మాగ్నోలియాస్ S4

22. ఫుబార్ S2

23. శాండ్‌మ్యాన్ S2

24. గిన్నీ & జార్జియా S3 & S4

25. హార్ట్‌ స్టాపర్ S3

26. ది నైట్ ఏజెంట్ S2

27. ఔటర్ బ్యాంక్స్ S4

28. దట్ 90's షో S2

29. వైకింగ్స్: వల్హల్లా S3

30. వర్జిన్ రివర్ S6

‘స్క్విడ్ గేమ్‘ గురించి..

ఓటీటీ వెబ్ సిరీస్ లు చూసే వారికి ‘స్క్విడ్ గేమ్‘ గురించి పెద్దగా పరిచయం అవసరం లేదు. 2021 నెట్‌ఫ్లిక్స్‌లో స్ట్రీమ్ అయిన ఈ వెబ్ సిరీస్ బాగా పాపులర్ అయ్యింది. ఈ సిరీస్‌లో వయొలెన్స్ ఎక్కువ ఉన్నప్పటికీ ప్రేక్షకులకు బాగా నచ్చింది.  ప్రస్తుతం ‘స్క్విడ్ గేమ్‌‘ సెకండ్ సీజన్‌  రెడీ అవుతోంది. ఇక మొదటి సీజన్‌లో కనిపించిన లీ జంగ్ జే, లీ బ్యుంగ్ హున్, వి హా జున్, గాంగ్ యూ రెండో సీజన్‌లోనూ కనిపించనున్నారు. ‘స్క్విడ్ గేమ్ సీజన్ 1‘ నెట్‌ ఫ్లిక్స్‌ లో కొత్త రికార్డు సృష్టించింది. కేవలం 28 రోజుల్లోనే 1.65 బిలియన్ గంటల వ్యూస్ అందుకుంది. 6 ప్రతిష్టాత్మక ఎమ్మీ అవార్డులను సొంతం చేసుకుంది.

'ఆల్ ఆఫ్ అజ్ ఆర్ డెడ్' సిరీస్ గురించి..

'ఆల్ ఆఫ్ అజ్ ఆర్ డెడ్' అనేది సౌత్ కొరియన్ వెబ్ సిరీస్. 2022లో ప్రేక్షకుల ముందుకు వచ్చింది. ఈ జోంబీ అపోకలిప్స్ థ్రిల్లర్ ప్రపంచ వ్యాప్తంగా అభిమానులను ఆకట్టుకుంది. ఇందులో పార్క్ జి హు, యూన్ చాన్ యంగ్, చో యి హ్యూన్, లోమోన్, యూ ఇన్ సూ, లీ యూ మి, కిమ్ బైంగ్ చుల్, లీ క్యు హ్యూంగ్, జియోన్ బే సూ కీలక పాత్రలు పోషించారు. ఈ సిరీస్ కథ  హైస్కూల్ విద్యార్థులు చుట్టూ తిరుగుతుంది. జాంబీస్‌ సోకి వారు జీవితం ఎలా మలుపు తిరిగింది అనేది ఇందులో చూపిస్తారు. ఈ సిరీస్ విడుదలైన నెల రోజుల్లో ఏకంగా 474.26 మిలియన్ గంటల పాటు వ్యూస్ అందుకుని రికార్డు నెలకొల్పింది. రెండవ సీజన్ ఎలా సాగుతుందోనని ఆడియెన్స్ ఎదురు చూస్తున్నారు.