Squid Game Season 2: ‘స్క్విడ్ గేమ్’ సీజన్ 2కు టైమ్ వచ్చేసింది - స్పెషల్ గ్లింప్స్‌తో మేకర్స్ ప్రకటన

Squid Game Season 2: ఎంతో సెన్సేషన్ క్రియేట్ చేసిన వెబ్ సిరీస్‌లలో ‘స్క్విడ్ గేమ్’ ఒకటి. తాజాగా ఈ సిరీస్‌కు సంబంధించిన మరో రెండు సీజన్స్ విడుదలకు సిద్ధంగా ఉన్నాయని మేకర్స్ ప్రకటించారు.

స్క్విడ్ గేమ్ సీజన్ 2 పోస్టర్ (Image Credit: Netflix)

Source : Netflix

Squid Game Season 2 Release Date: ప్రముఖ ఓటీటీ ప్లాట్‌ఫార్మ్స్‌లో విడుదలయ్యే వెబ్ సిరీస్‌లకు విపరీతమైన పాపులారిటీ ఉంటుంది. ఇప్పుడు సినిమాలకు ఎంత క్రేజ్ ఉందో.. సిరీస్‌లకు కూడా అంతే క్రేజ్ ఉంది. పైగా ఎంతో హైప్‌తో ఒక వెబ్ సిరీస్‌ను విడుదల చేసిన తర్వాత దాని ఫస్ట్ సీజన్ సక్సెస్ అయితే తర్వాత సీజన్స్‌కు భారీగా ప్లాన్ చేస్తున్నారు మేకర్స్. ఇప్పుడు అలాంటి సిరీస్‌ల లిస్ట్‌లోకి ‘స్క్విడ్ గేమ్’ వచ్చి చేరింది. నాలుగేళ్ల క్రితం విడుదలయిన ‘స్క్విడ్ గేమ్’ మొదటి సీజన్ ఒక రేంజ్‌లో సెన్సేషన్ క్రియేట్ చేసింది. తాజాగా ఈ సిరీస్‌కు సంబంధించిన రెండో, మూడో సీజన్స్‌కు సంబంధించిన అప్డేట్స్ ప్రేక్షకుల ముందుకు వచ్చాయి.

స్పెషల్ గ్లింప్స్..

‘స్క్విడ్ గేమ్’ రెండో సీజన్ 2024 డిసెంబర్ 26న నెట్‌ఫ్లిక్స్‌లో స్ట్రీమ్ కానుందని మేకర్స్ ప్రకటించారు. అంతే కాకుండా మూడో సీజన్.. అంటే ఫైనల్ సీజన్ కూడా 2025లో రానుందని తెలిపారు. ఈ విషయాన్ని ‘స్క్విడ్ గేమ్’ సిరీస్ ఎగ్జిక్యూటివ్ ప్రొడ్యూసర్, రైటర్, డైరెక్టర్ అయిన హ్వాంగ్ డాంగ్ హ్యోక్ ఒక ఎమోషనల్ లెటర్‌తో బయటపెట్టారు. అంతే కాకుండా దీనికోసం ఒక స్పెషల్ వీడియో గ్లింప్స్‌ను కూడా విడుదల చేశారు. అందులో ముందుగా ఒక రన్నింగ్ రేస్ ట్రాక్‌పై చాలామంది ప్లేయర్స్ సిద్ధంగా ఉంటారు. అలా వారందరూ పరిగెత్తడం మొదలుపెట్టిన తర్వాత ఆ ట్రాక్‌పైకి స్క్విడ్ గేమ్ ప్లేయర్స్ వస్తారు.

ఎన్నో రికార్డులు..

‘‘మూడేళ్ల అయిపోయింది. మళ్లీ ఆట ఆడడానికి మీరు సిద్ధంగా ఉన్నారా’’ అనే డైలాగ్‌తో ‘స్క్విడ్ గేమ్’ సీజన్ 2 అనౌన్స్‌మెంట్ వీడియో ముగుస్తుంది. ఈ సిరీస్ ద్వారా బెస్ట్ డైరెక్టర్‌గా ప్రైమ్‌టైమ్ ఎమ్మీస్ అవార్డును సొంతం చేసుకున్నాడు హ్వాంగ్ డాంగ్ హ్యోక్. ఈ ఘనతను దక్కించుకున్న మొదటి ఏషియన్‌గా రికార్డ్ సాధించారు. నేరుగా నెట్‌ఫ్లిక్స్‌లో విడుదలయిన ఈ సిరీస్.. అప్పట్లో టాక్ ఆఫ్ ది టౌన్‌గా మారిపోయింది. ఇక మొదటి సీజన్ లాగానే రెండో సీజన్‌లో కూడా లీ జుంగ్ జే, లీ బ్యుంగ్ హూన్, వీ హా జున్, గాంగ్ యో.. కీలక పాత్రల్లో నటించనున్నట్టు తెలుస్తోంది. వీరితో పాటు మరెందరో పాత నటీనటులు సెకండ్ సీజన్‌తో తిరిగిరానున్నారు.

అసలైన ఆట..

‘‘అసలైన ఆట మొదలవుతుంది. సీజన్ 1తో ప్రపంచవ్యాప్తంగా మాకు ఊహించని స్పందన లభించింది. ఎన్నో ఊహించలేని ఈవెంట్స్‌లో కూడా పాల్గొన్నాం. సీజన్ 2,3కు సంబంధించిన డేట్‌ను అనౌన్స్ చేయడం నాకు చాలా ఎగ్జైటింగ్‌గా ఉంది. నేను మళ్లీ స్క్విడ్ గేమ్ ప్రపంచంలో అడుగుపెడుతున్నాననే విషయం నాకు చాలా ఆనందాన్ని కలిగిస్తోంది. మూడేళ్ల తర్వాత ఈ గేమ్‌లోకి తిరిగిరావడం మీకు ఎలా ఉంటుందా అని ఆలోచిస్తున్నాను. స్క్విడ్ గేమ్ అనే విత్తనం పెద్ద చెట్టుగా మారి పండును అందించడం చూస్తుంటే నాకు చాలా థ్రిల్లింగ్‌గా ఉంది. కచ్చితంగా దీంతో మరో థ్రిల్ రైడ్‌ను అందిస్తామని మాటిస్తున్నాను’’ అని దర్శకుడు హ్వాంగ్ డాంగ్ హ్యోక్ తెలిపారు.